المشاركة الأصلية كتبت بواسطة john_samy_1
أنا متشكر جدا لكل اللي ردوا عليَّ واسف إني دخلت في مناقشة فرعية.
يا جماعة أنا معاكم إن حقكم تفتكروا إني بتهم حد باسلوب متواري عشان ده اسلوبنا في معظم الكلام بس أنا فعلا بستفسر.
أنا كمان عايز أعرف أُمّال مين اللي مسئول برضه عن الإرهاب في مصر في التمنينات والتسعينات ( وده كان علي كله مش اقباط بس )؟
و ظهر في تحقيقات تفجيرات كنيسة القديسين إن تم استغلال شاب من جماعة متطرفة عشان ينفذ العملية, مين الجماعات المتطرفة؟
الاخوان كمان كذا مرة قالوا احنا تخلينا عن العنف من 20 سنة. طب لما كان فيه عنف كان ضد مين؟
معلش برده أنا عندي هنا سؤال, ليه كان فيه مقاومة ضد الجيش إن الكنيسة ماتتبنييش في مكانها؟ وبرده ممكن بنفس نظرية المؤامرة, ممكن يكونوا عمله كده عشان الرأي العام يخف عليهم عشان اللي حضرتك قلته
كده هما بانوا انهم مع الوحدة الوطنية, زي يقتل القتيل ويمشي في جانزته.
أنا معرفش ومش بتهم أنا بس بسأل لو مش ص و ع أُمّال مين؟
علي فكرة أنا كنت باخد كورس الماني وكان أكتر شخص بيحل معيا وبنشرح لبعض وكنا دايما قاعدين جنب بعض شاب من كلية طب اسمه محمد من شباب الاخوان وكان ذوق معيا جدا ومشفتش منه حاجة وحشة. وانا اسمي جون يعني كان عارف إني مسيحي. وانا عرفت إنه من شباب الإخوان بالصدفة اصلا.
وانا اسف جدا للخروج عن الموضوع الاصلي بس أنا عارف إني لو عملت موضوع بالكلام ده هتبقي خناقة. بس أنا حسيت إن كل الأعضاء هنا في الموضوع ده مش هايقلبوا الموضوع خناقة و هيجاوبني فعلا.
كمان مرة اسف لصاحب الموضوع وللأعضاء.
من حقك تسأل يا جون وتعرف وتتعلم زي ما انت عايز...بالنسبة لموضوع الأرهاب في الثمانينات والتسعينات فكانت ايامها الجماعات المعروفة بجماعات التكفير والهجرة وجماعات تانية كتير والجماعات دي تبنت الفكر المسلح والعنف بعيدا عن شرع الله الصحيح في تطبيق الشريعة الأسلامية واقامة الحدود ..ولولا ان الله من علينا بعلماء ودعاء اتقياء يهاجمون الأن علي كلمة قالوها سهوا او خطأ ليل نهار لكان الوضع مأسوبا ...والحديث في الموضوع ده طويل جداااااا باقي الأسئلة الصراحة لا اعلم.
المفضلات