الموضوع: نداء الي العضو (dr-mohamed)استفسار حول(السلفيين المرعبين)

المشاركة الأصلية كتبت بواسطة dr-mohamed

للاسف المجتمع المصري يحكم على الانسان من الظاهر اولا فاي ملتحي او اي محجبة او منتقبة يجب ان يكونوا نموذج في السلوكيات ولا استطيع عن نفسي ان اقول انى كذلك او ساكون كذلك ولا اقبل ان يساء للدين بسبب اي سلوك اقوم به فبمجرد ان يخطئ ملتحي او محجبة تجد التعليقات - شوف المحجبة بتعمل ايه شوف ابو دقن بيعمل ايه هو ده الدين دي حاجة ............ - واحاول قدر الامكان ان التزم في السلوك دون اللحية او غيرها من المظاهر

طب متيجي نبدأ احنا
انت عامه ايه رأيك في موضوع اللحيه
يعني لو واحد صاحبك قالك ايه رأيك اربي لحيتي تشجعه و لا تمنعه
مش عارف الفكره اللي قلتوها خربشت في دماغي
خاصه انه لامانع الان من فضل الله
و متنساش انها تبقي محبه مننا لله هديه
كان لسان حالنا يقول لله
اول ما اتيحت لنا الفرصه عبرنا بالطريقه العمليه عن حبنا لله و رسوله بالتشبه بالرسول في شكله و فعل سنته
احب اسمع رأيك
و ايدي في ايدك
نحاول نبقي مثال صح للمسلم
و يبقي عنوان لينا
انا مسلم
ماشي في الشراع رافع راسي و النس شايفه تصرفاتي
مش بكدب -مش بعمل شيء وحش-شيك في لبسي-متحضر في تصرفاتي-عقلي متفتح-و تصرفاتي صحيحه
و ده كله الدافع ليه الدين طبعا
انا بجد شايفها خطوه و بدايه
وواحده واحده الايمان يزيد
العبادات تزيد
حسنات زياده
بركه و خير
ها يا جدعان
اديها لحيه يالا بينا
قلتو ايه
متيجو نديها موضوع علي المنتدي من بره كده و نديها شجاعه
ظ؟؟
استني يا عم الحاج
موضوع علي المنتدي؟؟؟!!!!!
يعني ايه ان شاء الله؟
يعني اي واحد هيلتحي يبقي في ميزان حسناتنا احني اللي عملنا الموضوع ؟
يا خبر
و لو بعد كده ربنا هداه و صوم و صلاه و قيام ده كله في ميزاننا كمان
و لو مثلا 100 واحد اقتنعوا بالفكره و عملوا بيها و يا سلام لو زودوا عليها حبتين تلاته
اضرب بقي
يعني قول من اول ما يقتنع احد ما يموت و كمان لو زوجته او اخته او اخوه او صاحبه اتاثر كمان
هيبقي علي الاقل حوالي 1000 واحد
و كل واحد منهم ناخد من وراه مليون حسنه ( ده علي الاقل )
يبقي مليار
مليار حسنه بلا تعب مجرد موضوع علي العام بس
كل ده في ميزان حسناتنا
عم الحاج
يلا بيننا بقي نعمل الموضوع علي المنتدي
ها ايه رأيكم
قبل ما حد غيرنا يعملها و ياخدوا هما الحسنات يا عم الحاج

المشاركة الأصلية كتبت بواسطة ahmedbatoos

:) مهي مشكلة اللحية عندي اني بعمل حاجات غلط ساعات وللاسف الشيطان بيغلبني بس انا بعافر مش سايبة فا مش عايز اربيها واكون مثال وحش علي الاسلام ويقلك بص دة بيعمل اية
واحنا في زمن عجيب . . . الدين فية بيتحارب من اهلة نفسهم

يا سيدي احنا بس نتوكل علي الله و زي مبقولك نسيب حاجه واحده بس من الوحش اللي بنعمله و هتبقي سهله
طب هقولك شيء
تفتكر قصص التائبين مثلا اللي كان بيعمل كذا و كذا و تاب ؟
تفتكر نام و صحي قلب حياته 180 درجه ؟
سنه سنه
و هضربلك مثال علي حكايه انك بتقول مش عاوز تربيها و تبقي مثال وحش
لو بتصلي في جامع و سبت جزمتك فيه و اتسرقت تعمل ايه ؟
هتصلي تاني في الجامع
و هتتسرق تاني
تعمل ايه تسيب الصلاه في الجامع ؟
و لا تشيل الجزمه قريب منك ؟
نفس الشيء
حاسس اني مش مثال صحيح للمسلم
ربنا يزدك تواضع
بس ايه الحل
مربيش لحيتي لحسن ابقي نموذج وحش؟
و لا اربيها و احاول مره و اتنين و تلاته و اجرب و اقوم و اقع و ان شاء الله هوصل ؟
و يا سيدي متخفش
علي متعدل من نفسك تكون لحيتك كبرت
يعني مش هتسيبها النهارده تلاقيها بكره مترين
صح ؟

طيب انا الخبر ده لسه قارية حالا ولقيتة مناسب جداااا للموضوع ده
طبعا الخبر متفبرك كالعادة وحرام والله اللى بيحصل اليومين دول هما بيلاحقوا يألفوا القصص دى امته مش عارف

شهدت قرية قصر الباسل التابعة لمركز أطسا بمحافظة الفيوم مشاجرة بالأسلحة النارية بين مجموعة من الاشخاص الملتحين ينتمون لإحدى الجماعات الإسلامية والأهالي.
بدأت المعركة بسبب محاولة الطرف الأول منع أي شخص يجلس على مقاهي القرية من شرب البيرة أو والخمور كما طالبوا بغلق محلات بيع الخمور ومنع هذه الممارسات والسلوكيات التي تحدث فيها من باب النهي عن المنكر على حد قولهم.
نتج عن المشاجرة مصرع شخص وإصابة 8 أخرين وإحراق المقهى.
كانت أجهزة الأمن بالفيوم قد تلقت بلاغاً بالحادث وتبين أنه أثناء مرور مجموعة من الأشخاص المتشددين دينيا والمنتمين لجماعة السلفيين على أحد المقاهي بقرية الباسل حاولوا منع المواطنين من الجلوس على المقهى وحطموا المقهى والمقاعد وأشعلوا فيه النيران.
نتج عن الحادث اندلاع مشاجرة بالاسلحة النارية بين مجموعة السلفيين وعدد من رواد المقهى وبعض الاهالى بالقرية وأسفرت عن مصرع العامل أبو حامد عمر عبد الواحد وإصابة 8 أخرين بإصابات مختلفة.
توجهت قوات الشرطة والجيش الى مكان الحادث وتم السيطرة على الموقف وإعادة الهدوء للقرية من جديد وتولت النيابة التحقيق.


المصدر طبعا معروف سلسلة مصرواى جيب

موضوع جميل

والأجمل اسلوب الحوار الراقي بين الأعضاء

المشاركة الأصلية كتبت بواسطة ahmedabutaleb

طيب انا الخبر ده لسه قارية حالا ولقيتة مناسب جداااا للموضوع ده
طبعا الخبر متفبرك كالعادة وحرام والله اللى بيحصل اليومين دول هما بيلاحقوا يألفوا القصص دى امته مش عارف

شهدت قرية قصر الباسل التابعة لمركز أطسا بمحافظة الفيوم مشاجرة بالأسلحة النارية بين مجموعة من الاشخاص الملتحين ينتمون لإحدى الجماعات الإسلامية والأهالي.
بدأت المعركة بسبب محاولة الطرف الأول منع أي شخص يجلس على مقاهي القرية من شرب البيرة أو والخمور كما طالبوا بغلق محلات بيع الخمور ومنع هذه الممارسات والسلوكيات التي تحدث فيها من باب النهي عن المنكر على حد قولهم.
نتج عن المشاجرة مصرع شخص وإصابة 8 أخرين وإحراق المقهى.
كانت أجهزة الأمن بالفيوم قد تلقت بلاغاً بالحادث وتبين أنه أثناء مرور مجموعة من الأشخاص المتشددين دينيا والمنتمين لجماعة السلفيين على أحد المقاهي بقرية الباسل حاولوا منع المواطنين من الجلوس على المقهى وحطموا المقهى والمقاعد وأشعلوا فيه النيران.
نتج عن الحادث اندلاع مشاجرة بالاسلحة النارية بين مجموعة السلفيين وعدد من رواد المقهى وبعض الاهالى بالقرية وأسفرت عن مصرع العامل أبو حامد عمر عبد الواحد وإصابة 8 أخرين بإصابات مختلفة.
توجهت قوات الشرطة والجيش الى مكان الحادث وتم السيطرة على الموقف وإعادة الهدوء للقرية من جديد وتولت النيابة التحقيق.


المصدر طبعا معروف سلسلة مصرواى جيب

حتى لو الخبر صحيح مفيش مشكله
هو منع شرب الخمور فى المقاهى يييجى من الأخوان والسلفيين بس, أنا أمنعهم لأن بعد ما يشرب هيروح يغتصب أو يسرق أو يقتل وأنا مش تبع حد منهم .

يبقى عادل لبيب تصنيفه أيه , بن لادن مصر
ماهو عادل لبيب منع الشيشه والتدخين فى مقاهى الأسكندريه

المشاركة الأصلية كتبت بواسطة dr-mohamed

يعني هم ملتحين وينتمون لاحد الجماعات الاسلامية كما في البداية ام سلفيين كما في النهاية ؟؟؟؟؟؟؟؟؟
وهل حاولوا يمنعوا اي شخص يجلس على مقاهي القرية من شرب البيرة او الخمور كما في البداية ولا حاولوا منع المواطنين من الجلوس علي المقهي كما في النهاية ؟؟؟؟؟؟؟؟
وهل المطلوب ان رواد المقاهي في الشوارع يشربوا بيرة وخمور واللى يمنعم يبقي غلطان؟؟؟؟؟؟؟؟
اذا كان القانون نفسه بيمنع السكر العام عايزين تبيحوه يا مصراوي ؟؟؟؟؟؟؟؟
مش كفاية السلاح وقلة الادب وعد الاحترام المنتشر كمان نزود عليهم بيرة وخمرة ؟؟؟؟؟؟؟؟

ورايك جميل جدا فعلا فيه اخبار بتنشر فيه لا تقل عن روايات الجيب ومش ناقص غير انهم يقولوا ان ادهم صبري والشياطين ال13 وتختخ والاصدقاء الخمسة راحوا قبض على الوحشين

طالما قلت تختخ والأصدقاء الخمسه تبقى من جيلى اللى عاصرهم

المشاركة الأصلية كتبت بواسطة أحمد علاء

تعليقا على الخبر الجديد الي نقلة أخونا ahmedabutaleb
وتعليقا على كلام دكتور محمد حبيبي
سنرى قريبا على أولي صفحات جريدة الأهرام والمصري اليوم واليوم السابع الخبر التالي:

السلفيون الإخوان المسلمون يقيمون الحدود على المقاهي ....
قام مجموعة من الإرهابيون السلفيون الإخوان والبتنجان بشن هجوم وحشي وذلك بقوة السلاح والقنابل المسيلة للدموع مدعومين بطائرات من تنظيم القاعدة وذلك على مقاهي القرية ومحاولة ترويع الشيوخ والأطفال والنساء الذين كانوا ييحتسون الشاي وبعض المشروبات المصرح بها , تم القبض على الجميع وبعد إعترافهم قام محافظ المدينة بعقد جلسة صلح بين أهالي الإرهابيين وخامورجية المحافظة وتعهد الجيش بإعادة بناء ما دمرته الصواريخ في مقاهي المدينة...
تم هذا الإتفاق تحت رعاية شركة أسكر وعيش ومتنسانيش....
وحملة anti-islam و إسلام فوبيا وشريعة فوبيا وتشويه المفاهيم الإسلامية الشهيرة على الفيسبوك والقنوات والصحف الحكومية والخاصة...

سلاح مين ومغامرين 5 مين دا انا سمعت من مصادر موثوق بيها ان ماذنجر هوا سلفى اخوانى طبعا كان مستخبى فى بحيرة قارون وهوا اللى ضرب المواطنين الغلابة اللى مكنوش بيعملوا حاجه مخالفة للقانون لان طبعا زى ما عارفين ان الخمرا غير محرمة فى القانون طالما بيدفع الضريبة

حسبى الله ونعم الوكيل البلد شريعتها الاسلام ويباح فيها الخمر