العربيه بتنتش منى عند التعجيل فقط

عرض للطباعة

28-03-2011, 02:59 PM
khaled_sabry

العربيه بتنتش منى عند التعجيل فقط

السلام عليكم و رحمه الله و بركاته
من اسبوعين تقريبا
غيرت البوجيهات و الزيت و ظبط مسمار هواء الكربراتير
بعد كده لاحظت ... العربيه سحبها حلو ولكن لما بتبقى بارده و امشى بيها الاقى تنتيشه جامده شويه لغايه لما تسخن حاجه بسيطه كده و بعد كده بتروح
لكن بلاحظ النتش ده تانى لما بكبس بنزين جامد حتى و العربيه سخنه
فده بسبب ايه ؟؟؟
- بوجيهات مرطبه ؟؟
- و لا مسمار هواء الكرابراتير مش مظبوط ؟؟ ( يعنى عاوز يتفتح و لا يتقفل ؟؟ لأنى انا اللى بظبطه بنفسى :wink14:)
- ولا زيت - ايوه زيت لان البيه بتاع البنزينه حط زيت كتير و مستوى الزيت اعلى من max بسنتى كامل و سمعت قبل كده ان الزيت لما يكون كتير ممكن يدخل على البوجيهات
28-03-2011, 06:46 PM
smsm_nabawy

المفروض العربيات الكاربراتير ميتمشاش بيها و هي باردة .. خاصةً الكاربراتير

أحنا كان عندنا عربيتان كاربراتير قبل الي معانا دي.. و كان الطبيعي انك لما تمشي بيها و هي بارده .. تنتش معاك .. لحد متسخن

و كذلك أي عرية كاربراتير بركبها من عربيات صحابي كده !!

عامةً لو حد عنده تفسير تاني .. انا متابع ،،....
28-03-2011, 08:45 PM
jopa

على فكره انا كان عندى نفس المشكله لغاية مارحت لصنايعى ظبط كربرتير وغيرلى الاكس والباب وغير البيكات لانها كانت مسدوده وبالاخص اكشفو على بك السرعه والحمد لله عربيتى تمام دلوقتى
28-03-2011, 11:58 PM
khaled_sabry

اقتباس:

المشاركة الأصلية كتبت بواسطة smsm_nabawy

المفروض العربيات الكاربراتير ميتمشاش بيها و هي باردة .. خاصةً الكاربراتير

أحنا كان عندنا عربيتان كاربراتير قبل الي معانا دي.. و كان الطبيعي انك لما تمشي بيها و هي بارده .. تنتش معاك .. لحد متسخن

و كذلك أي عرية كاربراتير بركبها من عربيات صحابي كده !!

عامةً لو حد عنده تفسير تاني .. انا متابع ،،....

انا معاك العربيات القديمه بشكل عام مايتمشيش بيها و هى بارده ... بس مثلا بعد تسخين دقيقتين كده كانت بتبقى شغاله بس بعزم ضعيف ...لكن دلقتى بتنتش
و كمان لما اكبس بنزين الاقيها بتنتش ... ودى جديده دى

اقتباس:

المشاركة الأصلية كتبت بواسطة jopa

على فكره انا كان عندى نفس المشكله لغاية مارحت لصنايعى ظبط كربرتير وغيرلى الاكس والباب وغير البيكات لانها كانت مسدوده وبالاخص اكشفو على بك السرعه والحمد لله عربيتى تمام دلوقتى

بصراحه انا مش عاوز اخلى صنايعى يفتح الكربراتير الا فى الشديد الاوى و انا ماعملتهاش الا مره واحده السنه اللى فاتت فى مركز الصفا ...بس عيبهم انهم حراقين فى الفلوس اوى و زحمه اوى برضه ... يعنى علشان تروحلهم تبقى محضر 120 على الاقل
29-03-2011, 12:55 AM
smsm_nabawy

اها فهمت !! طيب جربت محسن الأداء بتاع موبيل !!

ده بينظف الكاربراتير أوووووووي !!!!

بالبكات بكله !!

اي حته بيجري فيها بنزين .. بينظفها .. جره .. عمل معايا مفعول جاامد أوي في عربيتي
29-03-2011, 02:47 PM
khaled_sabry

اقتباس:

المشاركة الأصلية كتبت بواسطة smsm_nabawy

اها فهمت !! طيب جربت محسن الأداء بتاع موبيل !!

ده بينظف الكاربراتير أوووووووي !!!!

بالبكات بكله !!

اي حته بيجري فيها بنزين .. بينظفها .. جره .. عمل معايا مفعول جاامد أوي في عربيتي

ايه محسن الاداء ده
ياريت لو عندك صوره ليه توريهالى لأنى اول مره اسمع عنه .. و هل ماركتها موبيل و لا بتتباع فى بنزينات موبيل ؟

اللى سمعت عنه قبل كده هو منظف للكاربراتير بيبقى زجاجه كده و بتدلق فى التانك و خلاص ... هل هو ده اللى بتقصده ؟
29-03-2011, 03:13 PM
smsm_nabawy

لا يا فندم . الي بيدلق في التانك ده .. هو ده محسن الأداء .. مش بينظف الكاربراتير و بس... ده بينظف أي مجرى للبنزين !!

منظف الكاربراتير .. هو عبارة عن اسبراي .. عندي تحت في العربية..حنزل أصوره لحضرتك ...المهم بيترش على البوابة و هي العربية دايرة ..

بس انا منظف الأداء هو الي ظبط معايا أحسن من منظف الكاربراتير :)

هو في بنزينة موبيل.. و ماركته موبيل في نوع للعربيات الكاربراتير و نوع أغلى للانجيكشان

بيتحط على تانك مليان العلبة كلها ... :)

حيخليلك الكاربراتير بيبرق من جوه .. و القطنة مبتدكدبش .. :)))

و اسمع صوت النظافة .. و كل حاجة تبع أبلة نظيرة كمان :))
29-03-2011, 06:34 PM
smsm_nabawy

أهو ده منظف الكاربراتير

http://img829.imageshack.us/img829/7927/2903111429.jpg
30-03-2011, 12:25 AM
khaled_sabry

شكراااااااا يا باشا
انا اشتريت محسن الاداء ده بس ماركة stp
انتا بتضيفه على التانك و هو مليان ليه ؟؟ يتهيألى المفروض بتضيفه قرب التانك لما يفضى علشان يبقى مركز ؟؟؟؟
30-03-2011, 12:35 AM
smsm_nabawy

لالالالالا.. مركز أيييه !! ده ممكن ياكلك مجاري البنزين لو مركز أوي كده !!

هو بيكون مركز لما تضيفه على البنزين برده

أملا التانك بتاعك 30 لتر بظبط .. و ضيف عليه ... علشان الغرض انه يفضل ينظف اي حاجة البنزين بيمشي فيها...

لو عايز تقلل البنزين شوية .. 25 لتر كفاية .. مع انهم قليلين كمان

بس المهم ميكونش قرب التانك ميمشي

و كمان حاول متحطوهوش عمال على بطال ... :) علشان ليه أثر سلبي على خرطايم مسار البنزين :)

يا رب أكون أفدتك

و متنساش تقرا التعليمات الي على ظهر العبوة برده ليطمان قلبك
30-03-2011, 07:00 PM
gaaz

معلش ممكن اعرف المفروض استخدمه ازاي المنظف ده ؟ وايه فوايده العملية ؟ يعني قصدي ينضف الكربراتير ماشي انا ححس بايه بقة ؟
30-03-2011, 08:32 PM
smsm_nabawy

اقتباس:

المشاركة الأصلية كتبت بواسطة gaaz

معلش ممكن اعرف المفروض استخدمه ازاي المنظف ده ؟ وايه فوايده العملية ؟ يعني قصدي ينضف الكربراتير ماشي انا ححس بايه بقة ؟

تستخدمه ب أنك ترش منه على الكاربراتير ... من على البوابة

ممكن لو انت غاوي لعب و فك و كده .. تفك الكاربراتير و تستخدم الاسبراي ده في التظيف .. براحتك بقا

أو لو أنت مش غاوي كده ... تدور العربية عادي .. و ترش على الثروتل !! و تفتح البوابة بأيدك من البكرة .. علشان العربية حتلاقيها أتخنقت كده .. فأنت خليك شغال معاها بالسينس علشان متبطلش ... و رش رش رش رش متبخلش :))

================================
بالنسبة لفوايده

العربية في السحب حتفوووووووووووووووق

ده غير أن الايديل بتاعها حينظيف ... و حتلاقيها هدت على السلانسيه
30-03-2011, 09:53 PM
gaaz

لأ براحة بس
انا اصلا معرفش شكل الكابراتير عامل ازاي
ايه الثروتل ه ؟ احط المنظف ده في التانك يعني ولا ايه ؟
30-03-2011, 10:09 PM
smsm_nabawy

أجسسسسسن حاجة يا جاز.. و أسهل حاجة... أنك و انت بتمون في البنزينه .. تقول للراجل حطلي محسن الأداء ... هي علبة بتتضاف على الفول تانك في البنزين ... بينظف كل حاجة ... ولا تفتح كاربراتير ولا حاجة ..العلبة تمنها 18 جنيه

في واحد ب 22 جنيه للأنجيكشان
31-03-2011, 02:30 AM
gaaz

طيب انهو بنزينة في اسكندرية بتعمل الحوار ده ؟ انا بحط تمانين ينفع ولا لأ ؟
وهل في منه انواع المنظف ده ؟ وهل ليه اي اضرار ؟
31-03-2011, 02:44 AM
smsm_nabawy

موجود في اي بنزينه موبيل .. أسمه "محسن الأداء" .. معرفش هل حيأثر اوي في حالة أستخدام بنزين 80 ولا .. بس برده اكييد حيعمل وظيفته و ينظف مجاري البنزين

ملوش اضرار إلا في حالة استخدامه غلط .. او أكثر من مرة "زيادة عن اللزوم بمعنى اصح.. زي مرتين في الشهر أو كده !!! " هو كرة كل فترة
31-03-2011, 02:55 AM
gaaz

طيب بقولك ايه يا سمسم والنبي قولي ايه الحاجات دي
http://img109.imageshack.us/img109/2109/carinside.jpg

Uploaded with ImageShack.us
31-03-2011, 03:11 AM
smsm_nabawy

هو فين رقم واحد !!! أنا شايف 2 و 3 و 4 !!

المهم هما التلاته خاصين بالأير أين تايك

رقم 2 ده الزلومة الي بتاخد الهوا من مقدمة العربية "هوا بارد .. ندخله لفلتر الهوا الي بيفلتره ... فلتر الهوا بتاعك غالباً .. بيكون موجود تحت العمة الي هي "رقم 4"

العمة "رقم 4" بيكون تحتها فلتر الهوا .. و الكاربراتير

رقم 3 دي تبع الخرطوم بتاع عمة الهوا .. مش عارف هل بيتحط فيها فلتر زيادة ولا .. لأني معرفش العربية دي أيه الصراحة ... بس هي عامةً الترتيب ده غريب عليا .. لمن الأجزاء الي فيه مش غريبة ...
31-03-2011, 03:19 AM
smsm_nabawy

أنا شفت رقم واحد اهو ... الصراحة معلاقش ده بتاع ايه العربية دي رغم البساطة الي باينه عليها إلا انها بالنسية لي متاهة :))

يس هو عامةً الجزء ده معرش ايه و بتاع ايه حتى في عربيتي

بس هي تقرسيباً حاجة تبع الكهربا
31-03-2011, 12:13 PM
khaled_sabry

رقم واحد شكلها كده و الله اعلم علبة فيوزات
او ممكن تبقى ريليه بتاع الكشافات
31-03-2011, 02:06 PM
l0new0lf

رقم 3 دى بيكون فيها زيت و فلتر معدن
الفكره ان الهوا يعدى من خلال الزيت علشان لو فيه اتربه (زى مية الشيشه) و برضه بياخد معاه بخار زيت للتلين
lubricator
و ده موجود فى بعض العربيات الايطالى
11-04-2011, 08:13 PM
SHLD

بصراحة من الاخر أنا كان عندي مشكلة زيك بالضبط ورحت لواحد وإتنين وكل واحد فك الكاربرتير ونظفه وغيرت البوجيهات لكن لم يتم الحل لحد ما رحت لدكتور كاربرتير بصراحة بقت 100 مية ورح لدكتور كاربرتير وإن شاء الله هتظبط مش أي حد بيفهم في الكاربرتير لانه فعلا قصة كبيرة ومش مهم الفلوس
11-04-2011, 08:18 PM
thedeveloper87

حضرتك بتحط بنزين كام؟؟

أنا كنت باحط بنزين 80 وعندي نفس المشكلة ، المشكلة اختفت تقريبا مع البنزين ال 92
12-04-2011, 03:03 PM
khaled_sabry

اقتباس:

المشاركة الأصلية كتبت بواسطة shld

بصراحة من الاخر أنا كان عندي مشكلة زيك بالضبط ورحت لواحد وإتنين وكل واحد فك الكاربرتير ونظفه وغيرت البوجيهات لكن لم يتم الحل لحد ما رحت لدكتور كاربرتير بصراحة بقت 100 مية ورح لدكتور كاربرتير وإن شاء الله هتظبط مش أي حد بيفهم في الكاربرتير لانه فعلا قصة كبيرة ومش مهم الفلوس

فين دكتور كاربراتير ده

اقتباس:

المشاركة الأصلية كتبت بواسطة thedeveloper87

حضرتك بتحط بنزين كام؟؟

أنا كنت باحط بنزين 80 وعندي نفس المشكلة ، المشكلة اختفت تقريبا مع البنزين ال 92

لاااااااااا يعم ماله بنزين 80

على العموم انا فتحت مسمار الهواء شويه و مابقاش فيه تنتيش عند التعجيل خلااااااص و الحمد لله
بس بتنتش لسه على خفيف فىى الطول لما بتبقى بارده
12-04-2011, 05:46 PM
thedeveloper87

اقتباس:

المشاركة الأصلية كتبت بواسطة khaled_sabry

لاااااااااا يعم ماله بنزين 80

على العموم انا فتحت مسمار الهواء شويه و مابقاش فيه تنتيش عند التعجيل خلااااااص و الحمد لله
بس بتنتش لسه على خفيف فىى الطول لما بتبقى بارده

طب الحمدلله ... بالنسبة للتنتيش وهي بارده ، دي تقريبا طبيعية ، ولا ايه؟
12-04-2011, 07:44 PM
smsm_nabawy

اقتباس:

المشاركة الأصلية كتبت بواسطة khaled_sabry

فين دكتور كاربراتير ده

لاااااااااا يعم ماله بنزين 80

على العموم انا فتحت مسمار الهواء شويه و مابقاش فيه تنتيش عند التعجيل خلااااااص و الحمد لله
بس بتنتش لسه على خفيف فىى الطول لما بتبقى بارده

المفروض ان كده تمام الحمد لله :) لأن النتش للعربيات الكاربراتير و هي بارده ده طبيعي :)

بس بالنسبة لبنزين 80 ماله ؟؟؟

لالالا ده فيه كللل خير :))

الأوكتان نامبر بتاعه قليل و الحرق بتاعه مش حلو !! :) و بالتالي مش بيدي كبس و أداء كويس... لكن حسب دراستي !! ملهوش دعوه بنتش العربية و هي بارده خااالص :))