الموضوع: NO Way أنا عربيتي مش مدببة !!

السلام عليكم و رحمة الله وبركاته
اولا : حتى الان لم نعرف من سيادتكم ماذا فعلت معها .
ثانيا : من كام يوم كان معى سيارة احد اصدقائى و هى ريجاتا 85 و راكنها امام العمارة و بعيدة عن الشارع تماما المهم طلعت اجيب حاجة بسرعة من الشقة و انا نازل لقيت البواب و طفل عنده 15 او 16 سنة و عربية 128 و اقفين عند العربية الريجاتا المهم فى ايه ياجماعة لقيت الولد بيقولى معلش اصل انا خبطت العربية و البواب مش عايز يسيبنى غير لما تنزل المهم ببص على العربية الريجاتا لقيت الفانوس الخلفى الشمال انتهى تماما و طبعا الاكصدام اتكسر و دخل لجوه و طبعا الصاج اتعوج حاجة بسيطة - المهم بكلمه ان من اتلف شيئا فعليه اصلاحه فرد على انا قولتلك معلش و خلاص و عرفت من البوابين انه ابن جارة لنا فالعمارة المجاورة و انه معهوش رخصة و انه بيتعلم السواقة و ان والدته انسانة طيبة واتفق الجميع مرعاة لحق الجيران على بعض انى اصلح العربية والتكلفة عليه المهم فعلا صلحت العربية على حسابى طبعا و كنت مكسوف من صحبى جدا خاصة ان هو اللى كان بيطلب منى اخذ العربية علشان مراتى والبنت ما يتبهدلوش فى التاكسى والمواصلات و طلبت منه انى انزل اشترى اكصدام جديد للعربية و اغيره بالكامل وهو رفض تماما انى اعمل كده - المهم بعدها بكام يوم طلعت مع البوابين علشان نعرف والدته و اخذ حق التصليح منها وبشهادة الناس اللى كانت موجودة ساعة الحادثة لقيتها بكل جليطة وقلة ذوق بتقوللى هو انت هتقبل العوض قلتلها ده مش عوض ده اصلح ما افسده ابنك اللى بيتعلم سواقة فى عربيات الناس و خاصة ان العربية مش لى - المهم من الاخر مرضيتش تدفع و لا مليم - والجيران قالوا لى اعمل محضر فى القسم واحنا نشهد معاك و خاصة ان ابنها لايملك رخصة - بصراحة ان متغاظ حتى الان و لكن تذكرت مشهد من فيلم عمر المختار حينما اراد اصحابه ان يقتلوا الاسرى الايطاليين فمنعهم و ردوا عليه بانهم يقتلون اسرانا فاجب هم ليسوا قدوة لنا - انا باحاول اعمل كده ..............