بونتو إيفو سخني النهارده

**moh.aboelkheir** · 28-03-2011 09:27 PM

المشاركة الأصلية كتبت بواسطة mnabeih

تعيش و تطلع من البي امات يا يوكو,

و علي فكرة الايفو لما ركبتها مع محمد ابو الخير ما شاء الله جراية و جميلة ربنا يحفظها, صحيح عملت اة يا ابو الخير في البلونة اللي كانت في العجلة اللي قدام؟؟؟

.

غيرت الكاوتش ابو بالونه بكاوتش الاستبن " نفس المقاس و النقشه" و حطيط ابو بلونه استبن و سايبه كده لحد ما اغير الكاوتش بتاع العربيه كله بقى

**Ghamrawy** · 29-03-2011 01:10 AM

المشاركة الأصلية كتبت بواسطة MNabeih

يا راجل يا طيب اسكندرية قرف دة انا نفسي اعرف افلفص يومين اطلع فيهم اليكس روح قلبي.

تنور يا باشا و بالمرة تتعقد برضه من الزحمة

**mnomno** · 29-03-2011 01:19 AM

المشاركة الأصلية كتبت بواسطة ghamrawy

تنور يا باشا و بالمرة تتعقد برضه من الزحمة

اهلا بيك فعلا بس فعلا فعلا حتكره نفسك ده من بعد الثوره معرفش ايه اللى حصل فى اسكندريه فكل وقت زحمه وعربيات لا حصر لها + سواقه زفت من اجره- ملاكى وميكروباص حتى الاتوبيس الحكومى بيهرج

**wael17** · 29-03-2011 10:12 AM

المشاركة الأصلية كتبت بواسطة mnomno

اهلا بيك فعلا بس فعلا فعلا حتكره نفسك ده من بعد الثوره معرفش ايه اللى حصل فى اسكندريه فكل وقت زحمه وعربيات لا حصر لها + سواقه زفت من اجره- ملاكى وميكروباص حتى الاتوبيس الحكومى بيهرج

أنا مرة شفت فيديو العربيات و الميكروباصات ماشية فوق رصيف الكورنيش...الكلام ده لسه بيحصل؟

**MohssenRashed** · 29-03-2011 11:11 AM

عاش يارجالة فيات تعيشوا و تعلموا انا معايا واح صاحبي معاة لينيا بس 77 حصان نفسي اخدها منه عشان قفل موتورها العربية مبتجبش اكتر من 160

بالنسبة لاسكندرية فالزحمة بقت مقرفة

**CryptonX** · 29-03-2011 11:35 AM

سبحان الله :)

عامة انا عايز اضيف بس حاجة بسيطة .. ان مواتير فيات مفيهاش " اعجوبة " او حاجة !

و دي شوية فيديوهات توضح قصدي !

Punto T-jet 120HP
vs Civic Si 140HP

طبعا على الورق السيفيك تكسب بس من كلامكم ممكم افهم ان البونتو ممكن تسد شوية مع السيفيك في الحالة دي ؟

YouTube - Punto T-Jet vs Civic Si

فعلا سدت معاها جامد لدرجة ان السيفيك اختفت :)

برافو Tjet 150 ( وفي الكومنت بيقول انها 150 )
VS
حتة كورولا تعبانة 1.8 - 140 hp

النتيجة ايه ؟

YouTube - Corolla 1.8 1ZZ-FE vs Fiat Bravo 1.4 T-Jet

وطبعا في فيديوهات " عكس " دي كتير و زيها كتير ..

انا مش بحاول اقلل ولا اقول ان دي اوحش او دي احسن ..
بس متحسسونيش ان عربية على الورق زي البونتو العادية 77 حصان ممكن تسد مع اي حاجة تانية 100 حصان مثلا ..
ممكن على سرعات معينة...

لكن لو يوكو وقف من الصفر و جنبه بونتو ايفو او جراند بونتو 77 ... وطلعته .. صدقني مش حتشوف الايفو دي تاني !

انا ليا صديق معاه بيجو 307 سي سي ... ودي عربية تقيلة جدا جدا و فيها محرك 1600 115 حصان بس .
كنا على طريق العين السخنة من كام يوم .. و جات بونتو ايفو معانا ...
بعد الكارتة كنا ماشيين 60-70 كم كانت الايفو جنبنا ... الي سايقها راح حارق .. وصل 85 مثلا و بقى امانا شوية ...

الي سايق معايا كل الي عملوا انه كان على ال 4 نزل لل 3 وحرق ( رغم اني مش بسمع صوت العربية دي اصلا ) جبنا 100 بقت البونتو ورانا اصلا بحاجة بسيطة ...
120 - 140 - 160 - 180 - 200

اختفت البونتو عند ال 120 تقريبا و لا حسيت انها سدت ولا عملت اي حاجة !

وسبحان الله و احنا راجعين كان في جراند بونتو برده ... 60-70 معانا ... بعد كدة ولا بنشوفه اصلا و دي مش عربية تربو ولا حاجة دي بيجو 307 والله اتقل من نص النقل ... و محرك عادي جدا 1600.

وناس بتحرق مش ماشية كدة عادي .. بدليل ان صوت مواتيرهم سامعها اعلى من صوت العربية الي انا راكبها :)

اخر مثال ده شخصي ...
في عربية جراند بونتو بيضاء عند الي حتة الي امام بيت بابا مبارك المخلوع ... و انا بعربيتي المتواضعة 80 حصان و حالتها كحيانة ..
حرقنا مع بعض من الصفر والله من بعد البزنية بتاعة موبل لو حد يعرفها ... ماشيين جنب بعض في الاول .. وطلعت منه بحاولي مترين تلاتة لحد مالطريف انتهى ... يعني شبه متساوية ... فاعتقد ده يديني انا حق اني احكم على ادائها .

ماشي هي مش بطة عامة .. لكنها بطة في الطلعة اوي اوي ! بس ميقتالش عليها جراية يعني :)

**osamy** · 29-03-2011 11:54 AM

المشاركة الأصلية كتبت بواسطة yoko

حاضر يا أوسامي بس مختفي ليه

والله يا باشا عندنا شويه مشاكل في وزارة المالية من ساعة الثوره.

**CryptonX** · 29-03-2011 12:18 PM

المشاركة الأصلية كتبت بواسطة MNabeih

الهوندا ال si موتورها 2000 سي سي 197 حصان,
و البرافو واضح اوي انه مش سويق لان الكورولا بتحصله لما بينقل!!!!

و علي الفكرة الموضوع ابسط بكتير من انك تجيب فيديوهات و تدايق نفسك عشانه.
و بعدين الايفو بالنسبة لموتور 1400 سي سي 8 صباب حلوة!!!

تحياتي ليك

والله مش مضايق نفسي ولا حاجة انا بحب بس اوضح "الصح" .. علشان فيه ناس فاهمة ان فيات بتعمل "سحر" بالمحركات او حاجة .. طبعا ده حقيقي في المحركات مثل ال Tjet و الMultiAir وكمان الTwinAir الجديد و مش سحر انما تكنولوجيا تنفرد بيها ..

بس لما ننزل لمحركات عادية جدا ميفنعش يبقى الكلام على وتيرة بتوع مبيعات اوماترا ان الحصان الايطالي اعلى من الحصان الكوري و اضرب في 1.3 و الكلام الكوميدي ده .. في ناس بتكذبه و لكن للاسف مقتنعين بيه داخليا.

الايفو سيارة ممتازة و محركها اكثر من ممتاز لسيارة في حجمها و "فئتها" انها سيارة مدينة بس لا تقارن باي سيارة 1600 بس كدة :) .