الموضوع: حادثة حصلت قدامي النهارده

المشاركة الأصلية كتبت بواسطة mhmdalsaadany

والله الواحد بينزل من الدائري بيحمد ربنا انه سليم
وبمناسبه الصني انا ابن خالتي كان عامل حادثه على طريق السخنه كان ماشي 120 تقريبا وبص لقى نقل حدف عليه من اليمين لليسار قام هو داخل يمين اكتشف ان النقل كان بيفادي عربيه لادا موديل تمانينات كانت راكنه قام هو داخل فيها من غير ما يفرمل من ورا وقام طالع على الجبل اللي جنبها واتقلب علي ضهره والحمد لله هو ومراته سلام والعربيه من قدام فوانيس وشويه خبطات كدا في الكبوت والرفارف كله كان استعدال ماعدا الفوانيس والشبكه والصدر اللى قدام والمفاجاه السقف سليم والقوايم
وبتاع اللادا الشنطه بدون مبالغه والله العظيم عند الدركسيون وكان في واحده جوه اللادا توفاها الله والراجل كان في العنايه المركزه والعربيه اتدمرت والنيسان الحمد لله كانت سليمه والله ومن ساعة الموقف دا انا بحترم النيسان جدااااااااااااااااااااااا اا

فعلا العربيات اليابانى تحترم وخاصة النيسان ما شاء الله زى ما بيقولوا تمنها فيها وحمد الله على سلامة ابن خالة حضرتك.

ربنا يسترها علي الجميع

النيسان بصراحة زادت فى نظرى جدا
كنت بعتبر العربية دى تعبانة عشان تقفيل مصرى

انا عمرى ما شفت فايده للسرعه الا رزق السمكريه

ربنا يستر علينا من حوادث الدائرى
و خصوصا لما الواحد تجيله الجنونة ويبقى عاوز يجرى وياخد غرز على 160

شفت امبارح النترا مدمره تدمير شامل الله يرحم صاحبها

الحوادث فعلا كترت امبارح كان فيه حادثة فى الطريق من الزقازيق للقاهرة وقفنا فيها عالاقل ساعتين وخدنا الطريق اللى بناخده كله فى ساعة فى 3 ساعات ونص ... وطلع فى الاخر اوتوبيس خبط فى عربية كبيرة العربية اللى كانت اودامه اللى خبط فيها مكنتش موجودة تقريبا اتحركت اما الاوتوبيس فكانت الكبينة اللى اودام مدمرة وفضل الاتوبيس قافل الطريق