حادثة حصلت قدامي النهارده
النهاردة وأنا رايح الكليه وعلى الدائري كل عاده كل يوم على الساعة ٧ وربع في الحتة ما بين التجمع الخامس والقطاميه في إتجاه المعادي
سواق فرنا وبكل تلقائيه (سواق مصري أصيل) قام كاسر مرة واحده يمين في غرزة من غير ما يبص على الغرزة ومن غير إشارة ومن غير أي حاجة (مش بقولكم سواق مصري أصيل) قام لابس في باب سواق نيسان صني قامت العربيه حادفة من بتاع الصني وركب الخرصانةالي في اليمين ولحسن حظة إن كانت فيه حته مفيهاش خرصانة وبعدها الخرصان بزاويه فطلعت من غير خساير تذكر غير الخبطة الي في الباب وبصراحة الصني عليت في نظري قوي مفيش حاجة إتأثرت غير الباب حتى لما ركب الخرصانة مفيش حاجة باينه إنها مدمرة من الحادثة