Tarek Gen2 بجد شخص يستحق كل الاحترام و التقدير علي مساعدته ليا

**walids** · 28-03-2011 08:54 PM

يا جماعه شكراً ليكم كلكم و هي دي روح البروتوناوية

محمد ان شاء الله هتتعوض ف المقابله الجايه

ههههههه طارق باشا يعم انت تأمر بس :D

werewolf تكلفة السمكره اتفقنا علي 300ج ، و دي بعد الواجب علشان طارق بصراحه :D بس يا جماعه لازم تأكدو علي الاتفاقات علشان الاتفاق سيد الكلام :)

بالنسبه للبوهية هي كانت غاليه حبتين بس علشان اتفقنا اننا نستعمل خامات مستورده ، فكلفتني 450ج برده بعد الواجب علشان طارق :D

الاجمالي 750ج + 50 ج مثلاً انبوبة سيلكون عضم و لزق دوبل فيس و اي حاجه مش فاكره ههههههه

يعني نقول اجمالي 800ج ، صحيح هو مبلغ محترم :D بس اهو نعمل ايه و اهو أهون من التوكيل اللي قالي مبدأياً لن تقل عن 2000ج

بالنسبه لعنوان السمكري فهو في شارع الحرية في امبابة ، عند المحكمة ،
بالنسبه للبوهيجي هو جنبه بس فين بالظبط مش فاكر هههههههههه لأني كنت بروح ديماً مع طارق فمعرفتش احفظ الطريق

**sayed911** · 28-03-2011 08:57 PM

يا خبر ابيض ده انا تحت امركوا يا ابو السيد بس انا والله مكنتش فاكر خالص معاد المقابلة مع التوكيل ده بس متعوضة ان شاء الله اول مرة جية :)

بس حلوة طارق بيه دى :)

يا مونبيه احنا يكون لينا الشرف :d :d :d
بس ولا حتى انا عرفت اروح الإجتماع عشان الكلية بس ملحوقة ان شاء الله في اول مقابلة لملاك بروتون او حتى قبل كده لازم يكون ليا الشرف بالتعرف على حد زي حضرتك :d :d
بلاش بيه البهوية اتلغت من زمان خليك في الـ مونبيه :d

**Tarek Gen 2** · 28-03-2011 08:59 PM

المشاركة الأصلية كتبت بواسطة tweety26980

ياباشا ماهو الاستاذ طارق معاه بروتون وحضرتك معاه بروتون وهو عمل مع حضرتك كل الواجب وانت كمان عملتله موضوع مخصوص بتشكره فيه لاااااااااااااازم تكونوا انتوا الاتنين محترمين لانكم كلكم ملاااااك بروتون وهو فيه مالك لسياره بروتون مش محترم ! مستحييييييل تحياتي لكل الناس المحترمه وربنا يباركلنا جميعا

الف شكككككككككككككر يا ابو حميد
و فعلا كل ملاك بروتون محترميييين و ده بلاحظه فى الشارع :)

**mahmoud18** · 28-03-2011 09:31 PM

كل الشكر لطارق باشا ربنا يكرمك ان شاء الله
و معلش يا احمد قدر الله و ما شاء فعل و ان شاء الله ربنا يعوضك خير

انا تقريبا حصلى موقف شبه موقفك
العربيه اتخبطت 6 مرات مش بسببى(زى نكته الراجل الى خد 100 الم على سهوه)
5 مرات و هيا وقفه
و مره و انا وا قف فى اشاره!!! نص نقل سرح راح داخل خبط فى الشنطه
الحمد لله محصل حاجه غير ان الشنطه مكنتش راضيه تقفل و فى علامه مطرح الخبطه بطول الاكصدام

المهم انا مصلحتش اى حاجه لغايه دلوقتى العربيه اصلا مكملتش 12000 كيلو :( قد الله و ما شاء فعل

فا انا عايز خدمه
انا عايز البس البوصه و ارجعها عروسه
هى كده فى خدوش فى الاكصدام الامامى من ناحيه الشمل (و هى راكنه) و فى كل الاكصدام الخلفى(من النقل منو لله+ خبطه و هى راكنه!)
فى نقره فى الباب اليمين ورا (و هى ركنه)و خبطه صغيره فى الباب الشمال الورانى برضه (و هى ركنه)
و الرفرف الشمال مخبوط من عربيه ميكروباص فى الجراج(و هى ركنه)
:))
ايه رايكوا
اصلحها و لا اعمل ايه
و تتكلف اد ايه
و ازاى اروح لنفس الراجل الى انتا روحتلوا
و شكرا جدا

م محمود

**walids** · 29-03-2011 12:40 AM

السلام عليكم

بشمهندس محمود ولا يهمك ، الواحد بدأ يتعود ع الوضع ده في شوارع القاهره

بص الواحد هيمشي بوضع انه يحوش شوية الخبطات ويعملها في النهايه مره واحده :d

بس عامة الواحد مبيبقاش مطمن الا لما يبقي ماشي و حاسس انه عربيته سليمه مفيهاش حاجه غلط

بالنسبه للخرابيش دي امرها سهل ، دي زي ما طارق كان نصحني ممكن تجيب معاك ربع كيلو بويه من نفس لون عربيتك و تداوي الخرابيش لو صغيره بالقطنه دي علي خفيف ، لكن لو الخرابيش كبيره اوي فلازم البوهيجي يبص عليها ،

بالنسبه للخبطات فدي لازم السمكري يبص عليها بنفسه علشان يقولك هو هيعمل فيها ايه ، يمكن تترد ع البارد و في الحاله دي هتبقي راحه اكبر

بالنسبه للسمكري هو اسمه عبدالله ، موجود ف شارع الحرية ،في امبابة ، لكن طارق هيقدر يوصفلك اكتر علشان هو فاهم المنطقه دي عني ، انا بعرف اروحها بالشبه بس :d

و ان شاء الله خير

**Nistelrooy** · 29-03-2011 03:34 AM

دي رجالة بروتون الجدعة .. وربنا يبارك لطارق :)

بس انتا ازاي جالك قلب انك تدي مفتاح عربيتك لحد متعرفوش .. ^_^ طبعا كلي ثقة في طارق بس جامدة اوي :)

**Tarek Gen 2** · 29-03-2011 03:54 AM

بس يا جدع انتا متبوظش الكمين
يعنى انا بجر رجله تقوم انتا تبوظلى المخطط
اما مش بروتونى اصيل صحيح

**walids** · 29-03-2011 04:44 PM

Nistelrooy ، والله هي صحيح حركة جريئة بس انا كنت واثق في رجالة نايل موتورز ، و يعني مش عارف بس جالي قلب لأني اطمنت لطارق

ههههههههههه لا متقلقش يا طارق مهو انا كمان بخطط علشان تديني في يوم ال gen2 بتاعتك بس انا هاخدها و مش هرجعهااااا :P :P

**spiderloking** · 29-03-2011 10:00 PM

الف مبروك يا ابو حميد علي العروسه سوسو و الحمد لله انها رجعت زي ما كانت لحسن انا بزعل اوي لما بشوف بروتون مخبوطه .

و شكر خاص طبعا لطروق حبيبي والله انا لما بعت احمد و قولتلوا يكلمك يا طارق كنت متأكد فعلا من ان ده اللي هيتم لأن رجالة بروتون كلهم ما شاء الله ناس كويسه و محترمين و بيحبوا يساعدوا بعض رغم اننا متقابلناش ولا مره بس ان شاء الله نتقابل يا طروق .