خلااااااص موجة الفيميه انتهت وبدأت المخالفات

**askanas** · 28-03-2011 06:33 PM

السلام عليكم
يا جماعة وانا جاي من الكلية النهاردة عند ميدان الساعة في النزهة
لقيت موتوسيكل شرطة و4 ضباط هما مش عاملين كمين بس لقيتهم قفشين عربية تيوتا كرولا مفيمة بلاك الازاز الوراني والازازين اللي ورا
فا لقيتهم بيكتبولو وصل تقريبا اللي هوا سحب رخصة

فا خلينا حلوين بئا ونفيم الدرجات الخفيفة

**shaddadfalcon1** · 28-03-2011 07:16 PM

طيب الحمد لله ان الدنيا رجعت تاني

ربنا يبشرك دايما بالخير عشان الواحد ميشوفش علب الكبريت اللي بتبقي ماشيه قدامه دي

الواحد مش هيلاقيه من بتوع النقل عشان يلاقي ملاكي كمان ماشي قدامه ومش شايف منه حاجه

**mrghost** · 28-03-2011 09:34 PM

كويس كده
انا بصراحه كنت فيمت بس شيلته علطول لانى معرفتش اسوق بيه وحسيت انى ممكن اعمل حادثه فى اى وقت بسببه

**ecybrarian** · 28-03-2011 09:49 PM

الحمد لله..ما تتصورش سعادتي قد ايه لما شفتهم بياخدوا مخالفات وبيسجلوا نمر..بلاش فوضى بقى..انا شغلي عند ميدان التحرير ومش عايز اقول لكم العربيات كانت بتركن صفين وتلاتة في الميدان وعند المجمع...حاجة تكسف بجد..المفروض دي ناس متعلمة وربنا كارمهم ومعاهم عربيات ازاي يتصرفوا كدا!!!!!! لا والمضحك في ناس حاطة ستيكرات عليها 25 يناير والثورة منهم براء..

**sharpvision** · 29-03-2011 12:04 AM

كده بقى يبقى نرجع نلبس الحزام وما نتكلمش فى الموبايل اثناء القياده ولو اتكلمنا يبقى بالسماعات ونلتزم بالسرعه --- الانضباط مفيش احسن منه

**aly_hosny** · 29-03-2011 12:25 AM

الحمد لله
والله كنت حاسس الناس و عساكر المرور لما كانو يشوفوني لابس الحزام كانو بيستغربو اوي
يا رب كمان يزودو مخالفة الفاميه بالذات عشان الناس ال عملت نفسها %#%#^ و فيمت تدفع بقى
بس ياريت الكلام يطبق على كله و ميحصلش زي ما كان قبل الثورة

**msafa** · 29-03-2011 12:35 AM

انا لاول مرة من كتيييير شوفت حاجة..

انا شوفت كلبش عشان واحد راكن في مطلع كوبري مايو

**mahamedaraby** · 29-03-2011 01:06 AM

لسه فعلين شايف زى كمين مصغر فى وسط البلد بعد نفق الازهر وموقف عربيتن فيمه وسحب الرخص وكمان فى الغمره شغالين على الميكروباصات

يامسهل ياريت يرجعوا احسن من الاول ويبقى فيه انضباط اكتر