الموضوع: الى كل ملاك m11

لا طبعا مش متسوبيشي والتوكيل مش بيقول كدة وموضوع التسقيف ده اللي هو بتسمع صوت كركرة جامدة وانت طالع بالعربية بس دي حسب تعود رجلك علي العربية مش اكتر اللي انا شايفه ان ده راجع لسبب ان العربية تقيلة عشان كدة بتكون عاوزة ظبطة رجل في الطلعة مش اكتر وده اللي بيحصل معايا بالظبط

هما قالولى ان الموتور بتاعها تكنولوجيا المتسوبيشى جالانت وقعد يقولى كلام كتير مفهمتوش بصراحة فيما معناه انه معمول بنفس الطريقة تمام .. ونفس الاداء والامكانيات بالملى .. طيب واستهلاكها للبنزين عامل ازاى ؟؟ ومكن الازاز لدى السائق بس ولا كل شباك له زرار ومشكور على ايضاحك التسقيف وطريقة التعامل معاه

موضوع البنزين انا بصراحة ما حسبتوش ولا مرة مش عارف ليه بس في ناس معانا هنا ممكن تفيدك لكن الازاز لكل باب زرار والاربع ابواب بينزلوا من وان تاتش سواء من باب السواق او من زرار اي باب عادي واي استفسار اخر تحت امرك

شكرا ياباشا على توضيحك موضوع الموتور واتمنى يكون تصنيعه كويس وقوى ويستحمل وميكونش مسالة وقت وخلاص

وشكرا ياخ سامح على توضيحك موضوع الازاز واتمنى تكون بتستحمل هى كمان ومتعلقش بعد فترة وتبقى محتاجة تتصلح او حاجة ... والله انا شايف لحد دلوقت ان العربية كويسة والناس الى عملت بيها اكتر من 30.000 بتشكر فيها رغم ظهور بعض المشاكل الى انا شايف لحد دلوقت انها واردة فى اى عربية ومش شايف اى قلق منها على الاقل دلوقت مش عارف بعد 200 او 300 الف هيبقى اية الكلام علشان كدة انا هتوكل على الله وخصوصا ان امكانياتى اجيبها بسعرها دة مقدرش ازود عن كدة وبصراحة انا كنت محتار بينها وبين البيرليانس لكن لغيت البرليانس من تفكيرى لان قطع غيارها غالية ومش متوفرة رغم ان ناس كتيرة قالتلى ان مشاكلها اقل وناس قالتلى ابعد عن الصينى دورت فى الحاجة الى بالسعر دة لقيت الشفرولية اللانوس والرينو لوجان والسانديرو بس بصراحة مرتاحتش ليهم مش عارف لية وقالولى تقفيل المغربى زباله .. رحت للبروتون الساجا قالك ماليزى ابعد عنها قلت ابص على الكيا بقى يامعلم لقيت البيكانتو مرتاحتلهاش بردة لانى زى مايكون عندى حساسية من الهاتش باك مش عارف لية مبتخدلش دماغى قلت بحبها شوية وهات الريو واستلف الباقى حتى لقيت الناس بتقولى لو هتجيب هات الاتومتايك والفول اوبشن لقيتها دخلت فى ال90 وهتخرم عالاخر وكذلك النيسان الصنى .. فاكتشفت حاجة انى اجيب ال m11 عربية محترمة وسعرها اقتصادى وشياكة واوبشن عالى واحافظ عليها على اد ماقدر ياما بقى استنى كمان 10 سنين واجيب حته كيا سيراتو ولا حته كورولا او ياريس ولا حاجة ..