اى حد هنا يقول وقفه او مسيره او اى حاجه
العموم فيه هجوم جامد من اول بيعطلوا الانتاج يوقفوا حال البلد لغايه الاستقرار و البلطجيه بالليل مرورا بالشرطه و المرور و حرام عليكم البلد هطروح و هنشحت
انا ماعنديش اى مشكله فى الموضوع ده و مش ضده
بس عايزين نخلص مش كل شويه نفضل نغنى على وفاء و كاميليا اكن الاسلام واقف عليهم
شيخ الازهر قال ماجوش عندنا ولا اسلموا عندنا
الكنيسه بتقول مافيش كلام من ده حصل
بسيطه - اطلعى يا ست وفاء و اتكلمى اطلعى يا ست كاميليا و اتكلمى و برضه ممكن فى دريم ولا المحور و هيدفعوا فلوس كويسه و نخلص من القصه الماسخه ديه
صح؟؟
كمان هو ليه ده وقته مثلا انهم ينادوا بيه و الناس مستكتره على اللى عايزين مظاهره مليونيه يوم عطله عشان يقولوا مبارك يتحاكم
ما اهو الصالح الان و الاصلح - مبارك يتحاكم ولا نتخانق مع الاقباط عشان اتنين مشكوك فى الكلام اصلا؟؟