رجاء من وحوش الصحراء بخصوص فرونتيرا

**mosaudi** · 28-03-2011 09:21 PM

اهلا بيكم يا رجال الصحراء

معلش يا جماعه انا لسه جديد في 4 * 4 ولسه شاري فرونتيرا من يومين بالظبط و معرفش حاجه عنها

عايز اعرف اكشف فين علي الفتيسين و اغير زيت الفتيس الاوتوماتيك و اي نوع من الزيوت
و كمان افضل زيت للموتور و ايه الفلاتر اللي لازم اغيرها
و اجيب سيور للعربيه منين و اركبها فين

علما بأني ساكن في المنصورة و معرفش اي حاجه في القاهرة

و أنا شاكر ليكم جميعا

**mosaudi** · 29-03-2011 12:09 AM

انتوا فين يا وحوش ال suv

**mosaudi** · 29-03-2011 11:05 PM

ايه يا شباب قسم الدفع الرباعي
مفيش حد يفيدني في الموضوع
ادهم باشا فييييييييييين رائد الفرونتيرا

**mosaudi** · 27-12-2011 10:14 PM

ارجوكم المساعده
الفتيس الاوتوماتيك بدأ يفوت عند سرعه 50 - 60 كم/ ساعه بس بيكمل عادي بعد كده
اعمل ايه ؟؟؟؟؟؟؟؟؟؟؟؟؟

**M!NA** · 29-12-2011 12:29 AM

للأسف اللي أعرفه ممكن يفيدك موجود هنا في القاهرة... هو شغال في أوبل و شيفروليه ...

معرفش حد في المنصورة خالص....
بس سؤال.... هي حالة الموتور و آلات الجر ايه؟؟
كويسة ولا تعبانة؟؟

عشان فيه أفكار كتيرة جدا ممكن تصلح لعربيتك....

**chiko** · 30-01-2012 11:30 PM

اغلب الناس الكويسه اللي بتشتغل في الفرونتيرا موجودين في القاهره ..

و بالنسبه للاتوماتيك ... لو تغير زيت .. هات موبيل و متجيبش نوع رخيص ,,, لانه مهم جدآ .. و فيه نوع الماني نادر شويه لكته خرافي بمعني الكلمه خصوصآ لو فيه مشاكل في الفتيس .. و قبل ما تغير زيت .. يفضل بتفك الكرتير و تنظف الشؤائب .. هتلقي قطع مغناطسي بتلم الرايش الحديد الناتج عن التاكل ... نظفه بقطعه قماش نشفه و اوعي تنظفه باي ماده زي قطعة قماش مبلوله او فيها بزين او جاس .. و خالي بالك بعض اللي بيشتغلو بيشيلو القطع ده لانهم مبيعرفوش ده بتاعت ايه .. و لما تركب الكرتير .. شوفها بنفسك انها مبتسربش .. و اطلع امشي بالعربيه شويه .. و ارجع بص عليها تاني .. عشان الضغط ... و اظبط المقاس .. و العربيه واقفه علي المستوي اللي تحت .. و هي دايره هات غيار r و شوف المستوي علي العلامه اللي فوق .. و يفضل يكون فوق العلامه بحوالي تلاته ملي .. لان مع الماشي و السرعات فيه صمام للضغط .. لو فيه زياده في الزيت .. هيطلعه بره ..

و فيه كمان في الفتيس مكان تاني لزيت فلفلين .. غياره بالمره ...

و بالنسبه للزيوت .. خليك في موبيل xhp عشان في المواتير الكبيره مش مستحب تغير الزيت علي كيلو متر عالي و غيره علي 3500 او 3800 بالكتير .. و غير الفلتر كل مرتين غيار زيت ..