مشكلتين لاحظتهم في العربية - مش عارف عادي و لا إيه الحكاية
العربية عندي لما بشغل أي حاجة زي إني أفتح الإزاز أو أشغل النور الواطي ثم العالي ..... أي حاجة من دول أو بمعنى أصح أي حاجة بعملها تشغل حاجة جديدة بتسحب كهرباء ، بتقلل من شدة إضاءة العدادات و بتغير في الrpm تغيير طفيف أوي...حتى لما مثلاً أدوس فرامل عشان لمبة الاستوب
حاجة تانية كمان: عندي التكييف لما بشغل سرعة المروحة على 1 أو 2 بيبقى تمام...و على ال3 بيبقى كويس بس بيبقى يعاكس جامد في العربية(يعني بحس إنها تقلت)......أما بقى ال4 بحس إن العربية كأن عفريت نط في الكبوت قدام و بقت بتترعش و حتى دواسة الفرامل بيبقى كأني دايس على خلاط
هي حاجات غالباً في الكهرباء بس العفريت اللي في التكييف ده هو اللي قالقني أحسن يكون حاجة في الميكانيكا بتاعت العربية
