صالون أوبيسون للبيع

**heshamzaky** · 28-03-2011 11:52 PM

و الله يا جماعة أنا عاوز رايكم للناس الى بتعرف فى الحاجات القديمة حماتى رحمة الله عليها كان عندها صالون أوبيسون و القماش دة شغل يدوى و أصلى أعتقد فرنساوى و كان من الكويت مش من مصر الحقيقة هما عاوزين يبيعوة و جبنا راجل يفصلة طبعا قال سعر كلام فاضى أنا حقيقة مش عارف أقدرة لانى مش بفهم فى الحاجات دى .
هو مكون من كنبة كبيرة و عدد 4 كراسى و ترابيذة عليها رخامة من النوع القديم تخانتها حوالى 2.5 سنى أو 3 سنتى تقريبا . أرجو من الناس الى بتعرف أسعار الحاجات دى تقول السعر يبقى كام . القماش الاوبيسون دة لونة نادر لان لونة بيج مش الكحلى المتعارف علية و هو صناعة يدوية .
الكنبة محتاجة ترميمات الذراع عاوز يتثبت و التنجيد بتاع الكنبة عاوز يتظبط لكن القماش كلة سليم بحالة 90 بالمائة . و دة شغل قديم من حوالى 38 سنة
الصور

**heshamzaky** · 28-03-2011 11:55 PM

الكنبة

**zago** · 29-03-2011 12:52 AM

مقدرش افيدك في الصالون
لكن الرخامه دي نادره شويتين
لو حطيت تحتيها نور ( لمبه ) حتلاقيها كأنها شفافه شويه وبتنور مش معتمه

**heshamzaky** · 29-03-2011 12:58 AM

المشاركة الأصلية كتبت بواسطة zago

مقدرش افيدك في الصالون
لكن الرخامه دي نادره شويتين
لو حطيت تحتيها نور ( لمبه ) حتلاقيها كأنها شفافه شويه وبتنور مش معتمه

هههههههههه تسلم يا وسام أنا عارف أنك خبير فى الرخام بس عاوزك تسألى ممكن تسأل والدك أو والدتك و أكيد حا يعرفو أنا متأكد أنهم حا يعرفو و قولى يا استاذ النتيجة

**zago** · 29-03-2011 01:06 AM

سألت ماما قالتلي ان النقشه اللي على القماش ده بتتعمل يدوي وهي تعرف انه غالي لكن متعرفش بكام وانها بتعرف تطرز نقشات زي دي بس بتاخد وقت كبير
لكن ما تعرفش يساوي كام
بالنسبه للرخامه منصحكش تفرط فيها انا ممكن اجي المعها ارجعهالك جديده وتستغلها بدل ما تبيعها لان النوع ده قليل جدا لما تلاقيه والموجود منه بيتعمل تحف فازات وكده يعني لكن مستحيل تلاقي من النوع ده رخامه مطبخ ولا حد مركبه على الارض
انا عندي زي علبه كده من نفس النوع ده مخبيها من زمان بدل ما حد يتهور ويكسرها ( انشاء الله حطلعها من المخبأ لما اتجوز ههههههه )

**heshamzaky** · 29-03-2011 01:10 AM

المشاركة الأصلية كتبت بواسطة zago

سألت ماما قالتلي ان النقشه اللي على القماش ده بتتعمل يدوي وهي تعرف انه غالي لكن متعرفش بكام وانها بتعرف تطرز نقشات زي دي بس بتاخد وقت كبير
لكن ما تعرفش يساوي كام
بالنسبه للرخامه منصحكش تفرط فيها انا ممكن اجي المعها ارجعهالك جديده وتستغلها بدل ما تبيعها لان النوع ده قليل جدا لما تلاقيه والموجود منه بيتعمل تحف فازات وكده يعني لكن مستحيل تلاقي من النوع ده رخامه مطبخ ولا حد مركبه على الارض
انا عندي زي علبه كده من نفس النوع ده مخبيها من زمان بدل ما حد يتهور ويكسرها ( ان شاء الله حطلعها من المخبأ لما اتجوز ههههههه )

هو يدوى فعلا يا وسام مش مكن و للأسف الطقم لازم يتباع علشان بنفضى الشقة نسبيا . أنا ممكن أحتفظ بالرخامة لانها مش موجودة و غالية أنا عارف دة و مفيش منها الحاجات دى من حوالى 38 او 40 سنة على الاقل

**Dr.Karim Emam** · 29-03-2011 01:44 AM

الجديد منه بالمواصفات دي بيكون في حدود 20,000 - 25,000 جنيه
سألت والدتي قالتلي ده ممكن يتباع بحوالي 10,000 جنيه

بس الصورة مش موضحة طريقة الشغل; يعني مش مبينة اذا كان غرزة ولا نص غرزة ولا ربع غرزة لأن دي بتفرق في السعر

**heshamzaky** · 29-03-2011 01:50 AM

المشاركة الأصلية كتبت بواسطة dr.karim emam

الجديد منه بالمواصفات دي بيكون في حدود 20,000 - 25,000 جنيه
سألت والدتي قالتلي ده ممكن يتباع بحوالي 10,000 جنيه

بس الصورة مش موضحة طريقة الشغل; يعني مش مبينة اذا كان غرزة ولا نص غرزة ولا ربع غرزة لأن دي بتفرق في السعر

تسلم يا باشا الله يخليك واضح ان والدة سعادتك بتعرف فى الحاجات دى و دة ممتاز طب اشوفلك صورة أقرب للقماش و ممكن تكبر الصورة أحتمال تكون أوضح حا أشوف صورة و ارفعها