الموضوع: جروب جديد على الفيسبوك: مليونية لعودة مبارك رئيس

المشاركة الأصلية كتبت بواسطة misoalex

لا ده معناه انهم شغالين صح وهما بيقوا واحنا بنضعف هما وراهم ضهر واحنا ماشين بالبركه

البلطجيه مازالو فى الشوارع بيكرهو الناس فى الثوره وعاوزين البلد تبقى فوضى عشان الناس البسيطه تكره الثوره وتوافق بمبارك لو قال انا راااااجع

ساعتها اللى حيفتح بقه ويقول لا لمبارك يبقى هو الخاين ومش عاوز مصلحه البلد

فيه مخططات عماله تتعمل وشغل عااااااااالى عشان حاجه فى دماغهم ايه هى الله اعلم

وهما فعلا كل يوم بيزيدو واحنا بنتفرق

المشاركة الأصلية كتبت بواسطة thedeveloper87

يا جدعاااااااااااااااااااااا اااان

أنا حاسس إن الموضوع أخطر بكتير من الضحك والتريقة دلوقتي

الناس دي لسه شغاااااااااااالة ، والحزب الواطي لسه شغاال وزكريا عزمي وفتحي سرور وصفوت الشريف لسه موجودين في مصر وما حاولوش يهربوا ، ليييه؟؟؟ علشان شغاليييييييين!!!

فوقوا بقى ... لو تفتكروا أحمد نظيف في أثناء الثورة كان بيمارس حياته الطبيعية بشكل طبيعي جدا وما حاولش يسافر (قبل ما يتمنع من السفر)

أحمد عز وجرانة والعادلي ما سافروش ليييييييييييه ، قبل ما يخشوا السجن؟؟؟؟

ليه جمدوا أرصدة مبارك متأخر قوي؟؟؟؟ هو مافيش يعني غير بنوك أوروبا وأمريكا ، طب ما ممكن يحط فلوسه في أي بنك من بنوك آسيا؟؟

فين جيمي والسيد الوالد؟؟؟ فين أم جيمي؟؟؟؟

الثورة بتتسرق مننا واحنا شغالين هنا في القيل والقال ، والنقد في فلان وعلان ومشغولين ببعض

فوقوا بقى ، اصحوا يا مصريين!!!!

فيه رأى شخصى عندى

الناس كلها عارفه أن مبارك مش راجع

ولا صفوت ولا عزمى ولا سرور ولا حد من الشله المعروفه

حتى أصحاب الجروبات دى عارفين كده

يبقى زى ما قال سير آرثر كونان دويل على لسان شرلوك هولمز

"إذا ما استبعدنا المستحيلات فإن ما يتبقى أمامنا هي الحقيقة المجردة مهما بلغت درجة غرابتها"

يبقى الغرض مش رجوع مبارك والكلام ده

الغرض ضرب الثوره بالكلام والخناقات بين أعضائها

كلام زى ده ممكن يعمل حاجات زى :

الناس تقلب على الجيش بدعوى أنه بيحمي مبارك وشلته وده يفيد الفوضى اللى عايزين يعملوها
أو الناس تتلهى فى الرد والخناقات وتنسى مجلس الشعب وأختيار أعضائه

وأعتقد الأخيره هية الأهم
ليه ميكونش اللى عامل الجروبات دى أعضاء مجلس الشعب المنحل الفاسدين اللى منعرفش أسمائهم لأن مجلس الشعب مكنش عشره ولا عشرين بس
دى ناس دفعت ملايين وقعدت شهرين يبقى تلهى الناس دلوقت علشان يعرفوا يرجعوا تانى
أو أحتمال تانى
أو أحتمال تالت
أو
أو

المهم أنا مقتنع أن مش الغرض أن مبارك يرجع , فيه غرض تانى بس لسه مش عارفه ( ده عن نفسى )

فيه حاجه لاحظتها
كل الناس بعد الأستفتاء قالوا بعد العيد اللى شفناه النهارده مش مهم النتيجه , المهم أن أحنا بدأنا نعمل الصح
لكن كل يوم بيعدى بيختفى المضمون ده شويه شويه والناس ترجع تختلف تانى

واسباب الأختلاف بتتنوع لكن كلها بتصب فى مضمون واحد, الناس اللى أتجمعت لازم تتفرق
شويه أن الأخوان والسلفيين قالوا نعم وغير كده حرام والمسيحيين قالوا لا والعلمانيين قالوا والليبراليين قالوا و و و
يعنى بعد الأستفتاء كل طائفه طلعت الاخرى ليها غرض وغرضهم خبيثه
طب ماهو الشعب من كل الطوائف دى , يبقى كل الشعب أغراضه خبيثه

فيه شخصيه سياسيه قالتلى بالحرف الواحد:
الأستفتاء ده هو الخطوه الصح اللى أتعملت لأنها هتوحد الناس تحت قياده واحده هى حب البلد لأن الثوره المصريه مالهاش قائد ,وده عن طريق توحيد فكر أنا أشارك فى صنع مستقبل بلدى بغض النظر عن النتيجه ( وده شفناه فى أول يومين بعد الأستفتاء )
وأن دى أول خطوه تتعمل قبل تونس لأنهم مقطعين بعض لغاية دلوقت ومش متفقين , وده فكرنى بمقولة المجلس الأعلى لازم تروح ومش مهم تقول أه أو لأ ,المهم أنك تروح تقول رأيك

أفترضوا أن كل كلامى غلط , بس أكيد فى غرض غير أن مبارك يرجع تانى أو أن الجيش بيحميه لأن ده مش منطقى

"إذا ما استبعدنا المستحيلات فإن ما يتبقى أمامنا هي الحقيقة المجردة مهما بلغت درجة غرابتها"

ياريت حد يفكر معايا فى الأحتمالات لأن كلامى عباره عن تفكير مش بدافع عن أى طائفه ولا عن نتيجة الأستفتاء ولا عن جدواه ولا عن أى حاجه , أنا بفكر فى اللى بيحصل

مين الهبل دول وبيتكلموا باسم مين بالظبط كل واحد بيعبر عن نفسه بس

ربنا يهدى
والحمد لله على نعمت العقل
وان شاء الله منتوقفش
ونسيطر على اعصابنا
ونتعامل مع ______ بهدوئ

المشاركة الأصلية كتبت بواسطة adelseliem

فيه رأى شخصى عندى

الناس كلها عارفه أن مبارك مش راجع

ولا صفوت ولا عزمى ولا سرور ولا حد من الشله المعروفه

حتى أصحاب الجروبات دى عارفين كده

يبقى زى ما قال سير آرثر كونان دويل على لسان شرلوك هولمز

"إذا ما استبعدنا المستحيلات فإن ما يتبقى أمامنا هي الحقيقة المجردة مهما بلغت درجة غرابتها"

يبقى الغرض مش رجوع مبارك والكلام ده

الغرض ضرب الثوره بالكلام والخناقات بين أعضائها

كلام زى ده ممكن يعمل حاجات زى :

الناس تقلب على الجيش بدعوى أنه بيحمي مبارك وشلته وده يفيد الفوضى اللى عايزين يعملوها
أو الناس تتلهى فى الرد والخناقات وتنسى مجلس الشعب وأختيار أعضائه

وأعتقد الأخيره هية الأهم
ليه ميكونش اللى عامل الجروبات دى أعضاء مجلس الشعب المنحل الفاسدين اللى منعرفش أسمائهم لأن مجلس الشعب مكنش عشره ولا عشرين بس
دى ناس دفعت ملايين وقعدت شهرين يبقى تلهى الناس دلوقت علشان يعرفوا يرجعوا تانى
أو أحتمال تانى
أو أحتمال تالت
أو
أو

المهم أنا مقتنع أن مش الغرض أن مبارك يرجع , فيه غرض تانى بس لسه مش عارفه ( ده عن نفسى )

فيه حاجه لاحظتها
كل الناس بعد الأستفتاء قالوا بعد العيد اللى شفناه النهارده مش مهم النتيجه , المهم أن أحنا بدأنا نعمل الصح
لكن كل يوم بيعدى بيختفى المضمون ده شويه شويه والناس ترجع تختلف تانى

واسباب الأختلاف بتتنوع لكن كلها بتصب فى مضمون واحد, الناس اللى أتجمعت لازم تتفرق
شويه أن الأخوان والسلفيين قالوا نعم وغير كده حرام والمسيحيين قالوا لا والعلمانيين قالوا والليبراليين قالوا و و و
يعنى بعد الأستفتاء كل طائفه طلعت الاخرى ليها غرض وغرضهم خبيثه
طب ماهو الشعب من كل الطوائف دى , يبقى كل الشعب أغراضه خبيثه

فيه شخصيه سياسيه قالتلى بالحرف الواحد:
الأستفتاء ده هو الخطوه الصح اللى أتعملت لأنها هتوحد الناس تحت قياده واحده هى حب البلد لأن الثوره المصريه مالهاش قائد ,وده عن طريق توحيد فكر أنا أشارك فى صنع مستقبل بلدى بغض النظر عن النتيجه ( وده شفناه فى أول يومين بعد الأستفتاء )
وأن دى أول خطوه تتعمل قبل تونس لأنهم مقطعين بعض لغاية دلوقت ومش متفقين , وده فكرنى بمقولة المجلس الأعلى لازم تروح ومش مهم تقول أه أو لأ ,المهم أنك تروح تقول رأيك

أفترضوا أن كل كلامى غلط , بس أكيد فى غرض غير أن مبارك يرجع تانى أو أن الجيش بيحميه لأن ده مش منطقى

"إذا ما استبعدنا المستحيلات فإن ما يتبقى أمامنا هي الحقيقة المجردة مهما بلغت درجة غرابتها"

ياريت حد يفكر معايا فى الأحتمالات لأن كلامى عباره عن تفكير مش بدافع عن أى طائفه ولا عن نتيجة الأستفتاء ولا عن جدواه ولا عن أى حاجه , أنا بفكر فى اللى بيحصل

دا رايي فعلا
وانا عن نفسي لو حسيت لحظة واحدة ان فيه حد هيسرق نجاحنا بالثورة هنزل التحرير و مش راجع