نويت ان شاء الله اعدل فرش العربيى بنفسي و محتاج خبراتكم
بسم الله الرحمن الرحيم
السلام عليكم
أهلاً بأخواني في المنتدى !! عااملين أيه ... يا رب دايماً بخييييييير
انا قررت أني اعدل فرش العربية من الداخل .. و ده حيكون تبع خطوات شد العربية قبل تجديد الرخصة بأذن الله .... أتفقت مع الحاج ...و هو وافق لي بتزويد ميزانية في شدة العربية دي
هي عامةً حتدخل صاج .. و دهان ... و شوية حاجات ميكانيكية كده !! ده قبل التجديد !!! بعد التجديد .. ان شاء الله ... حجددها بلونين !! و أشتغل فيها ديفيل و ساوند و زينون و كده
و لكن الجزء الي ممكن يتعمل في العربية و يكون رياضي و في نفس الوقت المرور يجدد بيه هو الفرش جوا
عملت تصميم لتابلوه العربية .. باللونين الأزرق و الأسود "كاربون فيبر" الي أن شاء الله حيتعملوا بتجليد التابلوه
و أتفرجت على شوية تصميمات للكراسي !!! بحيث أني ألاقي كراسي سبور شبه كرسي العربية عندي .. لقيت الحمد لله ... بس اللون ساده.. قلت مش مهم اللون .. بستخدم الفوتوشوب ... في تغير و تعديل الألوان بحيث تتماشى مع لون الصالون ...
هو عامةً احنا فرشنا الأرضية جلد اسود !! ناقص التابلوه و الكراسي
==============================
تم بالفعل شراء طارة مومو "ألوانها أسود و ازرق" ... ب ثمن 195 جنيه .. لوحدها... + زوور بثمن 50 جنيه
الخطة كالتالي :
أني أشتري الجلد الي حكسي بيه الكراسي .. الي حيكون عبارة عن لونين "أسود و أزرق"
و بعد معمل التصميم ... يتم تفصيل الفرض عند خياط ... أو سروجي مش حتفرق !!! مش حتغلب في دي
نيجي بقا للجزء الي انا محتاج فيه خبراتكم !!!
الجلد الفرش ده !!! أنا عايز أبطنه بسفنج !! لسببين :
1-ينفش الكرسي و يديه بومبيهات
2-يكون مرييح في القعود عليه
~~~~~~~~~~~~~~~~~~~~~~~~~
بس المشكلة بقا !!! تكمن هنا
حد يعرف في الأسكندرية مكان لشراء الجلد ؟؟؟
حد يعرف في الأسكندرية .. مكان لشراء السفنج الذي يستخدم في الصالونات و هكذا ... و نظام بيعه أيه ... بيتباع ازاي .. و بكام و هكذا !!!!
أنا بدور على شرائح سفنج عادية مش عريضة !! + أنب بدور على فيبر سفينج "نااااااشف" لأن ده الي حنحت فيه شكل البومبيه و البوارز الجانبية للكرسي "زي منتو عارفين اي كرسي سبور بيكون فيه البوارز دي" + أني حعمل في الكرسي نفسه مسند أيد .. تفصيل يمزاجي انا .. و بالفعل أخدت ليه المقاسات .. و المكان بالظبط.. بس زي مقلت لحضراتكم ناقصني الخامات فقط !!
طبعاً للمسند ده .. عايز فيبر "أسفنج" الناشف ده.. الي هو نفس خامة فيبر الكرسي و الكنبه بتوع العربيات نفسها !! فهمتو قصدي !!
يا رب تعرفو تساعدوني
و شكراً ليكم
و ياا ريت كل من له خبرة في الحاجات دي سواء كان من اليكس او لا.. يفيدني و شكراً :))
