استكمالا للموضوع السابق
http://www.nilemotors.net/Nile/202206-a.html
دلوقت النهاردة رايح اركن ومطلع كام حاجة للشقة بتاعتي اللي بوضبها,المهم قالي متركنش هنا دة كلام؟
الموضوع تتطور للضرب والسب واهل الشارع غلطوه
انا رحت عملت محضر والمحضر خد رقم وحيتحول للنيابة بكرة يا ريت تقرو الوضوع وتقولو لي اية الحل؟
وليه يوصل لضرب وكده
أنت أنضف من الكلب فمينفعش تدوس على ديله
وبعدين أنا اجيبلك من الآخر الراجل ده لازم يتأدب ويتأدب كويس كمان ويتعلم عليه عشان يعرف إنك مش سهل
وبعد مايتربى يعرف إن المكان ده بتاع ركنتك إنت دي طريقة
التانية بقى إنك تؤذيه في أي حاجة تعرف توصلها يعني ميمنعش شغل سنية المستهبلة اللي بترمي مية وسخة فالشارع
شوية هبل على عبط معاه بس ساعتها تبقى جاهز تديله علقه تمام
بصراحة ده مش اسلوبي الطبيعي مع حد بس أحيانا فيه ناس مش هتيجي ال كده أذى وبس
شكرا لردك ياباشا ولو حابب امشي بالقانون اية الحل؟؟اقتباس:
المشاركة الأصلية كتبت بواسطة mailo
لازم يكون معاك شهود من الشارع
والموضوع في النيابة لازم يتحول إنه قام بالبلطجة عليك
عشان ياخدله خمس سنين يتربى فيها
شكرا لردك ياباشا ولو سنحت هل تتوقع حفظ المحضر؟؟اقتباس:
المشاركة الأصلية كتبت بواسطة ahmed1981
اقتباس:
المشاركة الأصلية كتبت بواسطة mohamed2002
لو في محامي قريبك أو صاحبك خده معاك
بيبقوا عارفين إزاي المحضر ميتحفظش
لا ما انا عملت المحضر امبارحاقتباس:
المشاركة الأصلية كتبت بواسطة ahmed1981
المحضر أتحفظ أداري
يعنى ايه اتحفظ ادارى ؟؟؟ هى لسة البلد زى ماهى و محدش يقدر ياخد فيها اى حق ليه ؟؟ ياريت تفهمنى
بص يا باشا احنا حنتكلم بالراحة وبالعقل
الاول هو فتح الشقة محل مفيش اى مشكلة بالنسبة ليك وانت قلت فى الموضوع ربنا يسهله يبقى اذن المشكلة الاساسية دلوقت مش مشكلة ان الشقة بقت محل
ثانيا مشكلة ركنة العربية
نتكلم من وجه النظر التانية صاحب المحل انت حط نفسك مطرحه ينفع انك تبقى فاتح محل ويجى حد يحط عربيته قدام المحل , ويسد الدخلة بتاعة المحل
انا عن تجربة كنت واخد محل وكان صاحب المحل اللى انا مأجرة كان عنده عربية كان يجى يركن عربيته قدام المحل عندى وطبعا كان بيسد الدخلة بتاعه المحل وكان مضايقنى جدا واتكلمت معاه بالعقل وبالراحة وبالخناق وفى الاخر سبتله المحل وقلتله مش حينفع اجر المحل وحضرتك سده بالعربية بتاعتك
حط نفسك مطرحه انت كدا بتسد وجهه المحل ومحدش حيشوف المحل , لو فى بديل تركن عربيتك بعيد شويه عن المحل يعنى جنبه شويه يبقى خير وبركه
دا رأى الشخصى
اقتباس:
المشاركة الأصلية كتبت بواسطة wa7d
أنا بقف قدام باب العمارة وليس قدام باب الحجرة اللي تحولت الي محل ,فضلا عن أحتلاله لمدخل العمارة يا أستاذي الفاضل
معلش يا جماعه خالص الاحترام للجميع بس انا مش عارف اية الرضا بمخالفة القوانين دي كلها ..
يا استاذي العزيز انت وكل جيرانك وكل المنطقة كلها غلطانين من الاول انكم وافقتو انو يعملو محل .. الصح صح والغلط غلط ..
ثانيا حضرتك قلت اما اخلية ياكل عيش .. خلاص حضرتك رضيت بالغلط الاولاني يبقا اتحمل تبعياته .. ماتزعلش بقا لما يبقا المحل دة فرن ويبهدل شقتك .. واتعامل معاه زيو زي اي محل محدش بيرضى يركن قدامه ..
انا مستغرب بصراحه حتى في الموضوع التاني قريتة وقريت الناس فرحانه قوي انها عملت كدة ودفعت رشوة علشان الحكاية تمشي .. هو المكسب اللي عملت دة والمال اللي انت اكلت منه دة حلال وتمام ..
هي مخالفة القوانين ممكن الاول كان الواحد بيبلعها علشان حكومة ونظام فساد .. طب مانبدأ نمشي صح يا جماعة ونبطل نقول ماهي كل الناس بتعمل كدة ..
اقتباس:
المشاركة الأصلية كتبت بواسطة m10_10
شكرا لردك ولكن اية الحل معاه؟؟؟
انا مش عارف اعمل اية؟ ومتضايق جدا جدا من الموقف دة لدرجة اني مش عاوز اروح الشقة ونفسي مقفولة من المكان ,العمارة للاسف نصها من القاهرة ومقفلين شققهم والباقي اهالي لا يهمهم منظر العقار ولا الكلام دة ,وانا لما عملت المحضر للاسف أتحفظ اية الحل؟ يا ريت حد يقولنا حل قانوني انا برضة مش عاوز اقطع عيشه انا عاوز اشده شوية