الموضوع: حدث داخل الحرم الجامعى !!!

المشاركة الأصلية كتبت بواسطة dr-mohamed

مبدئيا اللى يسمح ان امن الدولة يتدخل في نتيجته المفروض كان يقدم استقالته ويقعد في بيتهم اكرم له او يشوف له وظيفة تانية يبقي محترم فيها

اما لوم الطلبة على اننا مافهمناهمش الصح من الغلط والمباح من الممنوع متهيالي حضرتك
مش مطلوب منك تعرف الطالب انه لما يمسك مطواة ويتمنظر بيها جوة الجامعة غلط - كل الجامعات تقريبا واخرها ضرب اخو طالبة كان بيدفع معاها المصاريف بالمطاوي من طلبة لانه اعترض على معاكستهم لها في جامعة الفيوم -
مش مطلوب منك تعرف الطالب انه لما يشرب بانجو ولا حشيش جوة الجامعة غلط - كل الجامعات تقريبا -
مش مطلوب منك تعرف الطلبة ان الجامعة ليست كباريه او فرح شعبي زي ما حصل في عين شمس والمحاضرات شغال
مش مطلوب منك تعرف الطالب ان الغش في الامتحان بالبرشام غلط وان لما الدكتور يمسكك وتفتح عليه المطواة عايز تضربه بيها ما احنا في ثورة غلط - بني سويف -
مش مطلوب منك تعرف الطالب ان دخوله بمسدس حي داخل الجامعة واللعب بيه وسط الكلية غلط - كل الجامعات تقريبا -
احنا بنتكلم عن بديهيات المفروض ماتتعملش في اي مكان ما بالنا داخل الجامعة يا دكتور حسام
تقبل تحياتي

دكتور محمد ... تحياتي لحضرتك .. وغير مختلف تماما علي كل ما تقول
اولا انا ما اعترضتش علي التحقق من الشخصية ... وده حقهم .. ولو كانوا بيتعاملوا باسلوب عنيف نسبيا برضو مقبول في مقابل دور اهم وهو تنظيم العمل وعملية دخول الحرم ...
بالنسبة لموضوع البديهيات دي مش مختلف برضو ... ده شئ سليم جدا توقعه من قبل الناس اللي عندهم تحضر وتربية ... لكن الطلبة اللي بيتصرفوا بالشكل ده ... فيهم كتير مش فاهمين الصح من الغلط وحضرتك اكيد تعرف ده ... ده غير ان فعلا دور الجامعة التربوي انهار كثيرا في اخر فترة ... وبقي صعب نلاقي حد من هيئة التدريس بيتعامل مع الطلاب من منطلق المربي ... انا مش بادي للطلاب مبرر اطلاقا ... لكن انا باقول انه النهارده احنا محتاجين نتكلم باستفاضة معاهم في الحقوق والواجبات ... خصوصا في ظل اختلال المفاهيم في المجتمع ... وكلامي لم يكن مؤيد ليهم علي الاطلاق انا بس كمان باعتب علي الجامعة في دورها اللي لازم يتم التركيز عليه

تحياتي يا فندم