الحمد لله انا النهاردة عملت حادثة والمصبرنى فيها ان كانت نيتى خيــر .. انا بس الناس قالتلى انك ملمقص الشمال عندك مكسور والكوبلن والأكصدام والرفرف الشمال .. فهل فى تسعيره تقريبية للقطع الغيار والمصنعيات بالتقريب .. انا متشكر
عرض للطباعة
الحمد لله انا النهاردة عملت حادثة والمصبرنى فيها ان كانت نيتى خيــر .. انا بس الناس قالتلى انك ملمقص الشمال عندك مكسور والكوبلن والأكصدام والرفرف الشمال .. فهل فى تسعيره تقريبية للقطع الغيار والمصنعيات بالتقريب .. انا متشكر
سمكرة الحوض و الرفرف حسب الأضرار من 100 الي 500 جنية
لو هتغير الرفرف هتلاقية ب 150 جنية
الأكسدام ب 250 وارد خارج
الكوبلن جديد ب 150
المقص ب 110 كوري ولو عاوز الأسباني طبعا هيكون اغلي بس افضل
الميكانيكي هيخدلة في تركيب الحاجت دي 100 جنية
هترش الليلة دي كلها في فرن محترم ب 400 جنية
هترصص و تضبط زوايا ب40 جنية
الأسعار تقريبية و فية نسبة اجتهاد تحتمل الزيادة او النقصان
تقبل مروري
ربنا يعوض عليك
MMamdouh
اه نسيت ضيف عليهم برضة تمن الفانوس الأمامي الشمال 150 جنية
و ربنا يعوض عليك
امين يارب .. انا متشكر جدا لمجهودكم وردودكم وانا كنت النهاردة عند بتاعا لعفشة وااسمكــرى والنتيجــة كالتالى :-
المقص مكسور
والركبــة معوجة
والكوبلن مكسور
وقلب مساعد
والرفرف الشمال ممكن استعداله وتظبيطه كل ده مش مهم المهم ان السمكرى عاوز يفك الموتور لأن للأسف الشديد حصل ترحيــل ومحتاج يركب زرجينة عشان يرجع الوضع للأصله بالاضافة الى ان الجنط بالكاوتش بتاعه ضاع .. الحمد لله رب العالميــن وانا راضى تماما
بس محتاج خبرتكم لان الميكانيكى الهيفك الموتور هياخد 200 جنيه والسمكرى 450 والقالقنى اكتر حكاية فك الموتور دى .. وحاولت اتصل بواحد عنده مركز خدمة املا فى انه يستعدل العربية بدون فك موتور لكنه رفض الزيارة وللأأسف العربية ما بتتحركش وكل ما كانت بتنزل وبتطلع على الونش كان قلبى بيتقطع ... حسبى الله ونعم الوكيــل
للأسف لازم يتفك الموتور والا الزرجينة مش هتظبط في عندي حل تاني بس لازم معلم هو اللي يعملة والا هيخسرك عند اليبع انك تجيب ربع امامي نفس لون الفبريكة بتاع عربيتك فاضي و هتنقل كلة فية ومش هيحتاج الا اللحام فقط و بعدين تعمل وش نظافة وصدقني الربع مش هيكلفك زي مالسمكري ما بيطلب اسأل كدة هينفع ولا لأة من عند حد ثقة و شايف العربية وقلي اية الأخبار
طب الكوبلن اجيبــه جديد احسن ولا استيراد ؟؟ هو بيقولى هاته استيراد
هاتة استيراد بس اتأكد من الحالة و خلي واحد كويس يبصلك علية قبل الشراء و متنساش الفصال ثم الفصال ثم الفصال كل الصنايعية بيضربو في ارقام عالية و بيبقي مستني منك تفاصلة لو فاصلتة و نقصت حبة هو برضة كسبان و لو ما فاصلتوش برضة كسبان فأي حاجة تعرف تخنصرها منة انت اولي بيها
انا عملت نفس الحادثه بتاعتك دي بالظبط والله بس كانت في الجانب اليمين
وقالولي برده في ترحيل وهنفك الموتور والكلام دا
والعربيه كان الموتور شغال بس طبعا الجنط والعفشه كانت متدمره فمكنتش العربيه بتمشي
الحل اللي انا عملته وانا اعتقد انه مثالي
طبعا اي ونش كان هياخد 500 جنيه .......... عملت انا ايه بقي جبت ميكانيكي راح معايا اشتري عفشه استيراد اتكلفت 350 جنيه
وبعدين راح ركبهالي في العربيه وهي في مكان الحادث فالعربيه قامت علي رجليها الحمد لله ومشيت بيها ولفيت علي سمكريه كتير
كل واحد يقولي سعر ونفسيتي اتدمرت لان العربيه كانت زيرو ......... المهم
وديتها لسمكري في ميت غمر استعدلي الشاسيه بدون فك موتور واستعدلي الرفرف والباب والكبوت واشتريت انا فانوس وشنب واكصدام ولبست رفرف يمين اشتريته وركنته عندي مش ليه لازمه مش عارف هعمل بيه ايه
بعد ما كل الشغل دا خلص هتروح انت بقي لمركز عيسي في المنصوره هناك بيستعدل الشاسيه كمبيوتر
بس هتسالني وتقول مش السمكري استعدلهولك ايه لازمه عيسي ............... انه لما يظبطه كمبيوتر هيرعهولك زي الاصلي
هتسالني وتقولي طيب ما كان من الاول ................ هقولك لو كنت رحت لعيسي من الاول كان اقل مبلغ يطلبه الفين جنيه انما التظبيط الخفيف بتاع واحد سم دا مياخدش فيه 300 جنيه
بعدين هتروح لفرن
ملحوظه ........... هتحس باكتئاب شديد وهتكره العربيه وهتصعب عليك نفسك لو مرتبك علي قد حاله لكن بعد كدا هتكتشف ان كل دا عادي
قدر الله وما شاء فعل
د.مصطفي
انا متشكــر على ردودكم الجميلــة والمفيدة دى .. للأسف بعد ما اشتريت جوز كبالن المانى امبارح ب 350 جنية بتاع العفشة قالى مش هو ده الانا عاوزة انا عاوز كوبلن داخلــى استيراد او اخدلك الكوبلن بتاعك ده اصلحهولك ... الواحد كره من دلوقتى بس البيصبر ان فى ناس هنا بترد عليه لوجه الله .. انا مش فاهم يعنى ايه كوبلن داخلى وخارجى ومكان كل واحد فيهم فين .. وهما كوبلن واحد فردتين ولا كوبلنين فى كل جنب
الكبالن الداخلية اخطر من الخارجية لأنها بتكون جو ا الفتيس و هي اللي بتنقل الحركة من الفتيس للكبالن الخرجية اللي بتحرك العجل و العبيوب فيها ممكن تسبب تأكل الفتيس و تسريب الزيت فأفضل لو تيجي جديدة او استيراد و يتحل من علي نص قدامك
ربنا يعوض عليك وتقبل مروري
فعلا كلام حضرتك صح الحمد لله ربنا وفقنى لواحد ابن حلال عرف يجيبلى كوبلن استيراد داخلى وخارجى .. انا هركب الكوبلن الداخلى بس والخارجى هركبه جديد لأنى اصلا اشتريته غالى ... بس هو عمر الكوبلن الخارجى الأفتراضى كام ؟؟ وهل ليه مدة تخزيـــن ؟؟