المشاركة الأصلية كتبت بواسطة ahmed.tv
تغير الفتيس ده قصة كبيرة اوى
الفتيس يعتبر نص العربية مع الماتور , وعشان تغيره حتغير حاجات كتير معاه وعايز كمان حد فاهم وهو بيعمل الشغل ده
فى التوكيل مش حيرضوا ابدا على التعديل ده
سواء عندهم او بره
ولو اتعمل العربية طبعا والثلث بتخرج من الضمان
فنصيحة ليك الموضوع ده مجازفة كبيرة وافضلك اذا كنت فعلا تعبت من المانيول وعايز اتوماتيك يبقا بيع العربية واشترى واحدة اتوماتيك افضلك بردوا
ولما تبيع العربية فوق التمن اللى حتبيع بيه ممكن تشترى واحدة اتوماتيك وحتى لو زودت 10 الاف جنيه على شراء السيارة الاتوماتيك مش حيكون مشكلة , لان كدا كدا انت كنت حتدفع فى القصة دى مش اقل من 10 الاف جنيه عشان تغير فتيس ويمكن يكون اكتر , وزى ما قولتلك متضمنش الوضع حيكون ايه
وبعدين ممكن تشترى العربية الاتوماتيك دى مستعملة وفى الضمان كمان
وفى الاخر حيبقا انت كسبان اكتر من لو عدلت العربية
غيرت لسيارة تانية اتوماتيك وركبت الاتوماتيك وريحت بالك , ومش حتكون عايش فى وساس وقلق من قصة تغير الفتيس
وحتكون فى الضمان
تحياتى