لملاك التيدا الجادين ..اللى عايز يركب سبويلر للتيدا سيدان .. يتفضل هنا اسعار وتفاصيل
تحياتى لكل ملاك التيدا
زى ما انتو شايفين فى الصور , دى صور سبويلر التيدا الاصلى بلمبه بستوب
حبيت اوريلكم شكله الاول قبل ما احكى حاجة
ندخل فى الموضع بقا ....
كنت رايح اسال على الاسبويلر الاصلى فى محل فى الحرفين لقطع غيار هناك ,
فصاحب المحل قالى مش بيجى دلوقتى , وبعدين حتلاقيه غالى مش حيقل عن 600 جنيه وصينى , والاصلى الاصلى مش بيقل عن 1200 جنيه
فقال فى محل جنب منى بتاع كماليات, وشاف شكل الاسبويلر عندى وعمله وبيبعه , روحله وحتلاقيه عنده
المهم روحت للمحل اللى بيقول عليه
وشوفته عنده , ولقيته نفس الشكل اللى فى الصورة
سالته على تمنه قالى 200 جنيه , ورجع قالى عشانك ب175 جنيه
اخدت الكلام وسكت وقولتله حجيلك تانى , بس تكرمنى , فقالى ده من الاخر والكلام ده ,
بس ممكن يعملنا خصم وناخد ب150 جنيه مثلا لو حناخد كذا واحد لينا
وبعد تركيبه ورشه ممكن يقف علينا ب300 جنيه
اذا كان التركيب والرش حياخد 150 مثلا
فا لو حد ليه غرض فى الموضوع يقولى , ويبقا مصلحة للجميع ولملاك التيدا
وانا باذن الله بفكر جديا اجيب واحد واركبه
فى حد معايا وحابب يركب وعايز سبويلر للتيدا سيدان
بس يكون جاد