أهلاً .. الرادار المتحرك رجع تاني ( اكتوبر > الفيوم )

**Nistelrooy** · 29-03-2011 04:07 AM

بسم الله الرحمن الرحيم

السلام عليكم ورحمة الله وبركاته

انهاردة شوفت الرادار وهو بيلقط مرتيين وحاجة اخر حلاوة ..

المكان :: الرادار الي جي من اكتوبر من طريق الواحات وفي طريقة الي طريق الفيوم .. بعد ما تعدي الفردوس وتعدي الملف الي بيودي علي الدائري والمحور ..

الزمان :: الساعة 12 بعد منتصف الليل ؟!

الرادار لقط المكروباص الي كان قدام المكروباص الي انا راكبوا .. وكمان لقط المكروباص الي كنت راكبوا :))

وانا كنت راكب قدام جنب السواق .. وطبعا السواق اعد يشتم في الشرطة وقال مش هيتربوا الا لما اجيب زمايلي ونروح نربطوا وناخد منة الرادار ده lol >> ما هو انتوا الي خربتوا البلد ومشيتوا ورا اعمال البلطجة من كسر الرادارات وسرقتها وخليتوا الشوارع ولا كانها ساحة سباق ..

رغم ان الوقت متاخر بس برضوا فرحان واستلم بقي يالي عمال تجري ومش خايف خصوصا بتوع النقل الي بيفتحوها سباق بليل وادفع وقت التجديد

مش فاهميين ان ده لمصلحتهم ومصلحة الجميع .. بس ده بعيدا طبعا عن بتوع الشرطة الي بيحبوا يستغلوا المووضوع ده بسووء ..

**ahmad alshaaer** · 29-03-2011 04:17 AM

الكلام ده كويس ولكن على المحور والدائري بالفعل بدأ الكلام ده ومن امتى لو سمحت لو كان بدا

شكرا ليك

انضموا معنا على الفيس بوك في جروب

(معا ضد غلاء قطع غيار سيارات بروتون في توكيل عز العرب )

Login | Facebook

مستنيين كل مالكي سيارات بروتون لمتابعة اخر التطورات

تحياتي للجميع

**Nistelrooy** · 29-03-2011 04:20 AM

لاء ع المحور ماعرفش مش بعدي من علية ..
وانا في المجموعة من زمان يا عم احمد :))

**MOUSTAFA_SAAD** · 29-03-2011 07:30 AM

باجماعه ازاى الرادار شغال باليل انا عرف الردارات لغاية المغرب بس
وبعدين هو الرادار المتحرك ده غير الثابت اللى بيبقى معمول معاه كمين

**dr_radioooooo** · 29-03-2011 10:32 AM

الحمد لله على رجوع الرادار تانى
بس على الله متبقاش زى الاول لجان لم اتاوات و تتطبق على كل الشعب مش البيه يبقى طاير و يعظموله و يعدوه و احنا ندفع ال150 جنيه

**M.Alaa92** · 29-03-2011 10:46 AM

يا باشا مفيش 150 دلوقتى كله على الملف و تروح تظلم فى النيابة

**eldell** · 29-03-2011 01:04 PM

حكايه انها تروح المرور ديه احسن عشان فى سعات ممكن يكون معكش فلوس تتسحب الرخصه فالاحسن انها تروح على الملف

**Nistelrooy** · 29-03-2011 02:20 PM

لاء ماهو انا استغربت انة كان الساعة 12 بليل .. لقط العربية الي قدامنا .. السواق افتكر عربية بتدي فلاشر عادي .. عدينا جنبة لقطة هو التاني .. وكان فية عربية شرطة راكنة ومستخبي وراة :)

وده 90% مش رادار ثابت ؟

بس ماكنش فية لجنة بعد كدا كلوا ع الرخصة غالباً ..

**gebreel** · 29-03-2011 02:32 PM

مش ده الرادار اللي وانت جاي من اكتوبر على الشمال قبل اليوترن اللي يرجعك على الدائري اتجاه اكتوبر تاني

الرادار ده من فترة و بيبقى امين شرطة غلبان قاعد كدة شغال الله ينور =)

-

الموضوع: أهلاً .. الرادار المتحرك رجع تاني ( اكتوبر > الفيوم )

LinkBack

أدوات الموضوع

عرض

أهلاً .. الرادار المتحرك رجع تاني ( اكتوبر > الفيوم ) - انشر الموضوع فى :

-

-

-

-

-

-

-

المواضيع المتشابهه

عودة الرادار المتحرك للطرق الصحراوية-بقلم الاعضاء

الرادار المتحرك رجع تاني

على طريق الفيوم وانا رايح اكتوبر

فكرة بدل الرادار المتحرك والثابت

إقتراح لتعديل مروري بميدان الرماية (اكتوبر، الفيوم، الصحراوي، فيصل، الهرم)

الكلمات الدلالية لهذا الموضوع

المفضلات

المفضلات

ضوابط المشاركة