الموضوع: عايز اجيب جيب بس محتار؟

السلام عليكم
انا فاكر ان كان فيه احد الاعضاء جرب العربية دى و قال عنها شوية معلومات .. بس انا مش فاكر الموضوع فين ( زهايمر بعيد عنك )

انا كنت بدور على كى 5 و لقيت فى سكتى ال اس - 10 موديل 1992 و موديل 1997

معلومات قليلة عن البليزر ال اس-10 موديل 1992 ( بتلاقى عليها نمر القوات الجوية كتير ) و تمت المقارنة بينها و بين الشيروكى القديمة لغاية موديلات 1995 ... ال اس-10 نفس حجم الشيروكى- 6 سلندر زى الشيروكى بس موتور اصغر شوية - اوسع من الشيروكى من الداخل - شكلها مش وحش من برة - قطع غيارها ارخص من الشيروكى - فى منها 2 باب او 4 باب - ارخص فى السعر من الشيروكى ..

الشيروكى اجمل منها فى الشكل الخارجى و فيها برستيج شوية عن البليزر و فيها اوبشنز اكتر من البليزر ... حساسات و لمض بتنور فى التابلوه لما مية المساحات تنقص وحاجات زى كدة
فانا رايى ان البليزر تكسب

اما البليزر موديل 1997 فشكلها احلى من 1992 و احدث و فيها اوبشنز اكتر و محرك اقوى , قطع غيار اغلى , راحة و نعومة و سحب افضل , و واسعة و شيك من جوة

موديل 1992 كان بحوالى 35 الف كدة و انت طالع
موديل 1997 من 70 الف و انت طالع برضو
الشيروكى 1997 فى نفس رينج 70 و ممكن تنزل شوية عن ال 70 الف
برضو انا رايى ان البليزر ال1997 تكسب

المشاركة الأصلية كتبت بواسطة mmffor

يعني لو 4*4 ممكن الاقي في حدود 40 الف حالة كويسة؟

طبعا تلاقى ان شاء الله

عندك الروسى - النيفا الجميلة
عندك الامريكانى القديم - البليزر كى - 5 ... جميلة الجميلات
الفيتارا موديلات التسعينات ... يمكن تزيد عن 40 الف شوية

البليزر اس - 10 عربية معقولة جدا و عجبانى و بتبدأ من 35 الف

الشيروكى ال 4 سلندر اوائل التسعينات... بس اعتقد دى بتبدأ من ال 50 الف

انا لسة مبتدا فى موضوع ال 4*4 ده , بس ممكن اقول لحضرتك ... كل ما تدفع فلوس اكتر حتاخد عربية احسن ,
حدد انت عاوز عربية تتمنظر بيها ولا عربية فحت و ردم ولا الاتنين مع بعض ؟!!
حتركب اى عربية دفع رباعى يبقى متدورش على استهلاك البنزين و اسعار قطع الغيار و الحاجات دى

حضرتك حتقول المنظرة مع الخدمة الشاقة.... يبقى مش اقل من 70 الف علشان تركب عربية كويسة
شيروكى 6 سلندر او لاندروفر و ممكن تجيب فرونتيرا



ان عليت عن كدة يبقا يا سعدك يا هناك
الجراند شيروكى .. ركوبة على حق و برستيج و جمال
ان عليت عن كدة كمان ... يبقى بدأت فى كلام الناس الكبيرة
لاند كروزر يا باشا و انت مغمض .. يمكن التعلبة شكلها ما يعجبكش .... يبقى موديل 1989 او الموديل الى بعده ( ال 80 سيرز ) موديل 1992 و انت كدة بتتكلم فى 150 الف
و لو ربنا كرمك من عنده تمسك فى اى عربية من فئة ال100 موديلات اواخر التسعينات .. انت كدة بتتكلم فى 200 الف و انت طالع .. طالع لغاية المليون جنيه و كسور

نرجع نفوق تانى للواقع و اقول لحضرتك الفيتارا كويسة جدا و الناس بتشكر فيها و الشيروكى ال6 سلندر برضو
و السلام ختام

المشاركة الأصلية كتبت بواسطة ahmed_eng2001

السلام عليكم
انا فاكر ان كان فيه احد الاعضاء جرب العربية دى و قال عنها شوية معلومات .. بس انا مش فاكر الموضوع فين ( زهايمر بعيد عنك )

انا كنت بدور على كى 5 و لقيت فى سكتى ال اس - 10 موديل 1992 و موديل 1997

معلومات قليلة عن البليزر ال اس-10 موديل 1992 ( بتلاقى عليها نمر القوات الجوية كتير ) و تمت المقارنة بينها و بين الشيروكى القديمة لغاية موديلات 1995 ... ال اس-10 نفس حجم الشيروكى- 6 سلندر زى الشيروكى بس موتور اصغر شوية - اوسع من الشيروكى من الداخل - شكلها مش وحش من برة - قطع غيارها ارخص من الشيروكى - فى منها 2 باب او 4 باب - ارخص فى السعر من الشيروكى ..

الشيروكى اجمل منها فى الشكل الخارجى و فيها برستيج شوية عن البليزر و فيها اوبشنز اكتر من البليزر ... حساسات و لمض بتنور فى التابلوه لما مية المساحات تنقص وحاجات زى كدة
فانا رايى ان البليزر تكسب

اما البليزر موديل 1997 فشكلها احلى من 1992 و احدث و فيها اوبشنز اكتر و محرك اقوى , قطع غيار اغلى , راحة و نعومة و سحب افضل , و واسعة و شيك من جوة

موديل 1992 كان بحوالى 35 الف كدة و انت طالع
موديل 1997 من 70 الف و انت طالع برضو
الشيروكى 1997 فى نفس رينج 70 و ممكن تنزل شوية عن ال 70 الف
برضو انا رايى ان البليزر ال1997 تكسب

أنا متشكر جدا على الاهتمام و الرد

انتو فين يا رجالة الجيب من زمان عسي يكون المانع خير

انا شوفت عربية جيب بردة حلوة جراند فيتارا 4 باب الشكل الجديد بس العربية دي قليلة جدا لدرجة اني قلبت

النت عليها اشوف واحدة مستعملة مش لاقي اخبارها ايه العربية دي؟

عايزين نعمل صفحه لكل من له خبره باسعر واماكن قطع الغيار الشيروكي والجراند ولبيرتي من 90 الي 2005 (مستعمله وجديد ) زاي كل الصفح الاخري كل واحد يساعد بخبراته

و كمان اماكن الصيانة و مراكز الخدمة المعتمدة و غير المعتمدة