الموضوع: عايز اجيب جيب بس محتار؟

السلام عليكم ورحمة اللة وبركاتة
انا اسمع فعلا ان الليبرتى مش حلوة وفعلا فى ناس كتير اشتكت منها ومن عدم ثباتها
ثانيا انا عايز اوضح لحضرتك نقطة الا وهى ان الشيروكى الشكل القديم مرحتش علية ولا حاجة وهذة السيارة قادرة على منافسة احدث موديلات الدفع الرباعى وبشراسة وبعدين لو حضرتك بتقول راحت عليها راحت عليها من حيث اية

ثالثا طالما حضرتك ناوى على جيب انصحك متفكرش فى الصينى مع الاحترام الشديد لمالكى السيارات الصينى
رابعا حضرتك لازم تحدد احتياجك من العربية عشان تقدر تقرر اى من السيارات تطابق احتياجاتك

شكر علي الرد الجميل يا استاذ almagic بس انا قصدت من موضوع الشيروكي الشكل القديم اني كنت عايز

حاجة عاملة عداد قليل اقل من 100 الف كم و ده مستحيل في الشيروكي القديم.

بالنسبة لاحتياجاتي انا بسافر كل اسبوع و عايز عربية شديدة و جاهزة للسفير في اي وقت و اوقات كتير بيكون

معايا بضاعة فعايز عربية كبيرة و تستحمل

بص حضرتك بالنسبة للتريوس العربية عالية عن الارض وشكلها حلو موتور 1500 سى سى
105 حصان العزم 140
الرينو داستر اللى انا اعرفة عنها انها موتور 1600 سى سى وتقريبا 105 حصان وعزم 145
الصينى انا قلت لحضرتك مع احترامى الشديد لمالكية منصحكش بية
والسيارة هوفر هى احدى سيارات جريت وول وهى من افضل شركات السيارات الصينى الى حد سمعى وهذة السيارة اما 4×4 بموتور 2378 سى سى 136 حصان العزم 200
او 2×4 وهى نفس مواصفات ال 4×4
ولكن كما قلت انا لا انصحك بية وكما حضرتك بتبص للانتشار وهذة السيارة لم تحقق الانتشار اللازم بعد
السيارة سانج يونج (موسو) هذة السيارة تابعة لشركة كوريا بالتحديد كوريا الجنوبية وهذة السيارة ايضا لم تحقق انتشار جيد ومعرفش موضوع قطع الغيار وهذة السيارة مزودة بموتور 3000 سى سى 137 حصان هذا ما اعرفة عن هذة السيارة لانها بالنسبة لى غامضة بعض الشىء مع كل الاحترام لمالكيها
السيار جيب شيروكى
تنقسم السيارة جيب شيروكى الى موديلات ماقبل عام 1998 ومابعدة الاختلافات ليست بالكبيرة ولكن عن طريق النظر اليها تستطيع ان تحدد موديلها والمبلغ اللى مع حضرتك ممكن يجيب واحدة موديل 2000 او 2001 حالة جيدة جدا جدا
الجيب شيروكى غانية عن التعريف فى منة زى محضرتك عارف 4 سلندر و6 سلنر
4 سلندر2500 سى سى 130 حصان
6 سلندر 4000 سى سى 190 حصان
الشيروكى عربية ممتازة بكل المقاييس ومينفعش اقارنها باى عربية من دول
ال 4 سلندر ما يميزها قلة استهلاكها للبنزين مقارنة مع ال6 سلندر
ولكن قطع غيارها مرتفعة الى حد ما عن ال6 سلندر ولكن مع باقى فئتها فان اسعارها مقبولة وذلك لا يعتبر عائقا امام شراء هذة السيارة
اما ال 6سلندر فقطع غيارها اقل من ال 4 سلندر ولكن كاستهلاك بنزين اعلى من ال 4 سلندر
بالنسبة لموضوع العداد بتبقى فية عربية لقطة وادخل حضرتك كونتاكت كار وشوف
دية معلومات مختصرة عن الجيب شيروكى
وفى النهاية شوف راى الاعضاء الكرام
واى استفسار انا تحت امرك
والله اعلم فيما قلت

شكرا جدا يا استاذ magic علي الرد الوافي ده

ايه رايك بردة في اكس تريل العربية منتشرة و محدش اشتكي منها

على فكرة الاكس تريل مش حلوة خالص من شهاده ناس كتير وهيا مش منتشره اوى انا شايف ان احسن واحده هيا الداستر فول اوبشن ب 136الف واسمها زيرو ان شاء الله تستحمل كل الى انت عايزه وهتكون لسا بخيرها مش زى مثلن الجيب الى هتكون ماشية كتير وبعدين توكيل رينو معروف انه من احسن التوكيلات فى مصر

اللى اعرفه من اصحاب الشيروكى ان قطع غيارها متوفرة ورخيصة وتقريبا بتقبل بنزين 80 وسعرها اقل كتير من المبلغ اللى معاك

الاكس تريل عربية محترمة 2500 سى سى 180 حصان
ولكن انا شايف انها قليلة الانتشار واللة اعلم بس هى عربية محترمة جدا
اتكلمت قبل كدة عن الرينو داستر يتراوح سعرها كالاتى
ـ اول فئة 114000
ـ ثانى فئة جميع الكماليات 124000
ـ الفئة الثالثة دفع رباعى 124000
ـ الفئة الرابعة جميع الكماليات دفع رباعى 134000
انا شايف ان حضرتك تسال اكتر وتفكر اكتر وتشوف انى عربية تناسب حضرتك
ولازم حضرتك تسال عن صيانتها وقطع غيارها ومصاريف البنزين
لان الحاجات دية شىء اساسى فى تحديد نوع العربية
واى استفسار انا تحت امرك
اما بالنسبة للعضو الفاضل KeKo فعلا قطع غيار الشيروكى بقت ارخص من الاول وزى مقلنا قبل كدة ان ال 4 سلندر اغلى الى حد ما من ال6 سلندر
وبالنسبة للبنزين بيتوقف على نسبة الانضغاط يعنى على سبيل المثال الشيروكى اللى معايا نسبة انضغاطها 9.2:1 يعنى بنزين 90 وكان فى فترة كبيرة كنت بحط 80 بس حسيت ان العربية مكتومة ومش هتاخد منها الاداء الصح وصوتها كان عالى

الداستر حلوة بس انا مشكلتي مع الداستر انها مانيوال بس و كمان الصالون والتابلوه من جوه فقيرة قي زي تابلوه

اللوجان بس الاهم انها مانيوال