بجد الواحد بيبقي عايز ينزل من العربية يديهم في وشهم.. ده غير اللي لازق ستيكر 25 يناير علي اللوحة بتاعته و فاكر نفسه وطني و ثورجي و روش اوي...
http://i51.tinypic.com/160sbqr.jpghttp://i53.tinypic.com/2qx93di.jpghttp://i51.tinypic.com/2ugju2x.jpg
عرض للطباعة
بجد الواحد بيبقي عايز ينزل من العربية يديهم في وشهم.. ده غير اللي لازق ستيكر 25 يناير علي اللوحة بتاعته و فاكر نفسه وطني و ثورجي و روش اوي...
http://i51.tinypic.com/160sbqr.jpghttp://i53.tinypic.com/2qx93di.jpghttp://i51.tinypic.com/2ugju2x.jpg
ده انا كل يوم اصورلي عربيتين او 3 بدون نمر خالص حاجة تقرف والكل دلوقتي بيركب فاميه لدرجة ان محلات الاكسسوار بقت ازحم من طوابير الخبز
و عربياتهم قديمة؟؟؟؟
لو سمحت نزل الصور هنا عشان لو في ناس منهم اعضاء يعرفوا انه سلوك غير حضاري و مرفوض بشدة!
دا اقل واجب ان يتقال عليهم معندهمش دم... مهى دى الناس اللى كانت تستاهل ضباط المرور بتوع زمان
صحيح.... فيه ناس الاحترام و الذوق مينفعش معاهم
MMamdouh
هذا هو رد فعل الغوغاء للحرية
عالم عايزين الحرق
للاسف الناس دى موجودة بكثرة
وفاكرينها فهلوة انهم يعملوا كدة
عامة فيه ناس كتير فى السواقة والعربيات ولا عندها دم ولا عندها اخلاق ولا حتى بيعرفوا يسوقوا
وفى الغالب فاكريين نفسهم شوماخر ههههه
نفسى اخلص من السلبيات دى :
- كسر اشارة باى حال من الاحوال
- السير عكسى او حتى تاكل حتة صغيرة
- السير عكسى فى اليوتيرن
- الخروج عن حدود الحارة المرورية زى الفران بالظبط
- استخدام الاشارات كوسيلة للانحراف المحلل بالبلطجة
- الركن فى الممنوع او صف تانى وتقفل على حد
- تشويه او اخفاء نمرة السيارة جزءا او كليا
- تفييم العربية دارك
- سرقة\شراء بعض علامات عربيات اخرى وتركيبها
- انك تبقى ماشى فى منزل او مطلع وتلاقى واحد لطيف نسى ودخل غلط فقرر بغ........* انه يرجع بظهره عشان ياخد طريق تانى
- الناس الظريفة اللى داخلة شمال اصلا بس هو شايف اليمين ماشى فيمشى يمين وبعدين فى الاخر يبوظ الشارع وراه و من اقصى اليمين لاقصى الشمال تانى
بجد الحاجات ده مستفزة قوى وللاسف بشوفها كل يوم و من اغلب الناس
ربنا يهديهم
ده فى اكتر كمان الى مفيم سوبر دارك ومركب سرينه وماشى من غير نمر بجد بقه حاجه وحشه اوى
مما لاشك فيه ان المظاهر السلبية بقت اكثر من الاول بمراحل سواء فى المرور او غيره من عدم الالتزام باكبر قدر من القوانين المعروفة سلفا كالبناء على الاراضى الزراعية او تعلية ادوار مخالفة او حيازة سلاح كلها اشياء مجرمة بحكم القانون
ولكن هذا سيستمر الى ان يتم تطبيق القوانين فعليا على كل المصريين بشكل متساوى والى ان نصل لهذا التطبيق يرحمنا الله مما نراه كل يوم فى الشارع
احب ازود :
الناس اللى مش بتهتم بانوار العربية الامامية والخلفية وجميع الاشارات والتاكد انها شغالة
ده غير الناس اللى مش بتستخدمها اصلا
بجد دى اهم من حزام الامان
و بتسبب حوادث كتير ربنا يسترها
انا مش فاهم بجد الناس دى بتوفر فاتورة كهرباء العربية هههه ولا ايه الموضوع