بركب شكمان جديد فعرفت انى لازم اغير جوان منين أجيب جوان شكمان للهوندا شادو 750 و سعره كام؟
عرض للطباعة
بركب شكمان جديد فعرفت انى لازم اغير جوان منين أجيب جوان شكمان للهوندا شادو 750 و سعره كام؟
صباح الفل
بخصوص الجوان ده بيبقي علي حسب شكل علبة الجكمان فيه مدور و فيه بيضاوي و فيه مثلث ( الكلام ده للعلب في الريس و التورينج)
ممكن لو مش لاقي عند حد بتاع موتوسيكلات تروح لوحد من بتوع الجوانات يفصلك واحد علي حسب الشكل و مش حيعمل 20 او 30 جنيه
و انتظر راي الناس برضة ممكن حد يفيدك اكتر
بص على الجوان الاول مش شرط يكون باظ لانه تقريبا جوان نحاس
لو ملقتش مفيش مشكلة ممكن تعمل واحد عمولة عادى اى واحد بتاع جونات 10 ج هتخلص القصة بس قلة عايز خامة مستوردة بلاش المصرى لانة وحش جدا
انا شاكر جدا لرائيك السريع بس انا سمعت عن معجون لونة اسود قبل ما ركب الشكمان ادهن الجوان القديم بيه بدل ماجيب واحد جديد و بالنسبة لشكل الجوان فهو مدور وايه رايك اركب كده علاطول من غير الجوان ولا فيه قلق
الجوان نحاس فعلا و فين الاقى واحد بتاع جوانات قريب من مدينة نصر
يارجالة والله انا شاكر لردودكم السريعة دى و خبرتكم الجميلة الله ينور
الجوان المدور موجود عند اي حد بتاع موتوسيكلات مش محتاج تفصل واحد
ينفع اجيب من السبتية عند الناس بتوع الصينى ؟
الله ينور الناس قامت بالواجب
طب معلش انا حاتقل عليكو شوية اصل انا جديد فى الحوار ده و معرفشض حتى ميكانيكى واحد و لا محل قطع الغيار اصلا
فجيب من محلات الموتسيكلات الصينى فى الوكالة مثلا ولا اعمل واحد عمولة و فين اقرب واحد فى مدينة نصر يعمل الموضوع ده
فى واحد بتاع جونات فى السابع مدينة نصر بص فى مطعم ابو رامى فى دهرة هتمشى شوية تسال فين بتاع الجونات اسمة ميدو على ما اذكر
ونصحتى ليك اتفق معاة على السعر قبل ميعمل حاجة ولو سالك الجوان دة عيزة فى اة قلة واحد صحبى ادهولى وعايز واحد مثلة
شكرا للرجالة على المجهود الجميل ده فعلا كان الواحد محتاس
بص يا سيدي الفاضل
الموضوع بسيط جدا بس لازم العناية
يعني لمل تقك الشكمان يبقي لازم تغير الجوانات المدورة عند ألتقاء أول الشكمان مع وش السلندر و دي بتكون عادة نحاس طري علسان يطبع مع ربط الكوعة بتاعة الشكمان و تمنع أي تسريب
الشادو علي ما أعتقد يحتاج جوانات 2 بوصة و المقاس ده منتشر جدا جدا في معظم الهوندا
و الأفضل أنك تشتري بتوع الهوندا الأصليين و دول موجودين بكثرة عند العفريت في دير الملاك و غيره
بس بلاش الصيني و بلاش العمولة
طب ياباشا مفيش مكان غير دير الملاك فى مدينة نصر او مصر الجديدة وهل لازم لازم اغير الجوان و اركب جديد؟
ينفع تعمل اى جوان بس تكون خامه تقيله شوية علشان تستحمل درجه الحرارة
فى محل اسمه لاشين فى مدينة نصر ممكن تلاقى عنده كل شى للمكته
فين لاشين ده ياباشا فى مدينة نصر ؟