الموضوع: القصة بدأت ولم تنته

السلام عليكم ورحمة الله وبركاته

إخوة الإسلام يقول تعالى فاقصص القصص لعلهم يتفكرون

حكاية .. حصلت في مصر .. من كااااام ألف سنة ..

لعلنا نتفكر

كان في حاكم ظالم حكم مصر ( مدة طويلة )

قال الله عنه إن فرعون علا في الأرض علا يعني طغا و تجبر كان بيظلم شعبه و بيستعبدهم

( ديكتاتور) بمعنى الكلمة (قَالَ فِرْعَوْنُ مَا أُرِيكُمْ إِلَّا مَا أَرَى وَمَا أَهْدِيكُمْ إِلَّا سَبِيلَ الرَّشَادِ)

كان يظن إن وجوده هو (الاستقرار) و (رحيله) هو الفوضى

و كان عنده إعلام فاسد بيقلب الحقائق

الإعلام بتاعه كان بيقول على أهل الدين إنهم( إرهابيين) و (متطرفين) وإنهم هم اللي هيفسدوا

البلد ويدمروها و إنه هو و حكومته هما الناس العاقلين اللي عارفين مصلحة البلد

وقال الملأ من قوم فرعون أتذر موسى وقومه ليفسدوا في الأرض

قالوا ده موسى و اللي معاه دول عندهم (أجندات) خارجية و عاوزين يخرجونا من بلدنا

قالوا إن هذان لساحران يريدان أن يخرجاكم من أرضكم بسحرهما ويذهبا بطريقتكم المثلى

وطبعا كان بيحارب الناس دي بكل قوته

يستضعف طائفة منهم يذبح أبنائهم ويستحيي نسائهم إنه كان من المفسدين

كان من ضمن حكومته

(رجل أعمال) كبييييييير جداً عنده فلوس كتييييييييييير جداً

إِنَّ قَارُونَ كَانَ مِنْ قَوْمِ مُوسَى فَبَغَى عَلَيْهِمْ وَآتَيْنَاهُ مِنَ الْكُنُوزِ مَا إِنَّ مَفَاتِحَهُ لَتَنُوءُ بِالْعُصْبَةِ أُولِي

الْقُوَّةِ إِذْ قَالَ لَهُ قَوْمُهُ لَا تَفْرَحْ إِنَّ اللَّهَ لَا يُحِبُّ الْفَرِحِينَ

كان الشعب بيتعقد لما يسمع الأرقام اللي عنده أو لما يشوفه وهو ماشي في الموكب بتاعه

فَخَرَجَ عَلَى قَوْمِهِ فِي زِينَتِهِ قَالَ الَّذِينَ يُرِيدُونَ الْحَيَاةَ الدُّنْيَا يَا لَيْتَ لَنَا مِثْلَ مَا أُوتِيَ قَارُونُ إِنَّهُ لَذُو حَظٍّ

عَظِيمٍ

المهم ..

بعد قصة طويلة في الصراع بين الحق و الباطل ..

الله سبحانه وتعالى (أسقط النظام) وأهلك الطاغية

وَجَاوَزْنَا بِبَنِي إِسْرَائِيلَ الْبَحْرَ فَأَتْبَعَهُمْ فِرْعَوْنُ وَجُنُودُهُ بَغْيًا وَعَدْوًا حَتَّى إِذَا أَدْرَكَهُ الْغَرَقُ قَالَ آمَنْتُ

أَنَّهُ لَا إِلَهَ إِلَّا الَّذِي آمَنَتْ بِهِ بَنُو إِسْرَائِيلَ وَأَنَا مِنَ الْمُسْلِمِينَ

و خسف برجل الأعمال الكبير الأرض

(فَخَسَفْنَا بِهِ وَبِدَارِهِ الْأَرْضَ فَمَا كَانَ لَهُ مِنْ فِئَةٍ يَنْصُرُونَهُ مِنْ دُونِ اللَّهِ وَمَا كَانَ مِنَ الْمُنْتَصِرِينَ)

لحظة ..إنت فاكر القصة انتهت لحد كده ؟؟

زمان ..

لما كنت باسمع قصة موسى عليه السلام كنت بافتكر إن دي نهاية القصة

و إن قومه بعد كده عاشوا في تبات ونبات .. وخلفوا صبيان و بنات

و للأسف ..

ناس كتير دلوقت فاكرة إن القصة اللي إحنا عايشينها دلوقت انتهت ..

و إن كده كل المشاكل اتحلت ..

لكن ..للأسف ..القصة .. لسه مانتهتش

ياااااااااااااااااااه

مين كان يصدق إن فرعون الظالم اللي كان عنده كل المُلك ده هو وهامان و قارون ،

مين كان يصدق إن كل دول يهلكوا في لحظة واحدة كده ..

والله بعد كل الذل و الاستعباد اللي شافه بني إسرائيل في عهد فرعون ، المفروض يفضلوا طول

عمرهم يشكروا ربنا على إنه خلصهم من الظالم ده ..

موسى عليه السلام كان دايماً بيفكرهم بالنعمة دي عشان يشكروا ربنا عليها

وَإِذْ قَالَ مُوسَى لِقَوْمِهِ اذْكُرُوا نِعْمَةَ اللَّهِ عَلَيْكُمْ إِذْ أَنْجَاكُمْ مِنْ آلِ فِرْعَوْنَ يَسُومُونَكُمْ سُوءَ الْعَذَابِ

وَيُذَبِّحُونَ أَبْنَاءَكُمْ وَيَسْتَحْيُونَ نِسَاءَكُمْ وَفِي ذَلِكُمْ بَلَاءٌ مِنْ رَبِّكُمْ عَظِيمٌ * وَإِذْ تَأَذَّنَ رَبُّكُمْ لَئِنْ شَكَرْتُمْ

لَأَزِيدَنَّكُمْ وَلَئِنْ كَفَرْتُمْ إِنَّ عَذَابِي لَشَدِيدٌ

خلاص ربنا أهلك الطاغية اللي كان بيحارب الدين و كان مانعكم من الإيمان

جاء دوركم ..

قَالَ عَسَى رَبُّكُمْ أَنْ يُهْلِكَ عَدُوَّكُمْ وَيَسْتَخْلِفَكُمْ فِي الْأَرْضِ فَيَنْظُرَ كَيْفَ تَعْمَلُونَ

لكن ..

سبحان الله ..

بدل ما يشكروا ربنا و يجتهدوا في طاعته شكراً له سبحانه على النعم العظيمة دي ،

باعوا الدين ..

أول ما (سقط النظام) شافوا ناس بيعبدوا الأصنام

و قالوا عاوزين نبقى زيهم !!!

قالوا اجعل لنا ديمقراطية .. كما لهم ديمقراطية

قالوا إحنا مش عاوزين شرع الله

إحنا عاوزين دولة(مدنية)

إزاي هنحكم الناس بالشرع وفي ناس عايشين معانا

بيعبدوا الأصنام)!!؟

و عشان الناس دول ميزعلوش

إحنا هنعبد الأصنام زيهم !!!!

وَجَاوَزْنَا بِبَنِي إِسْرَائِيلَ الْبَحْرَ فَأَتَوْا عَلَى قَوْمٍ يَعْكُفُونَ عَلَى أَصْنَامٍ لَهُمْ قَالُوا يَا مُوسَى اجْعَلْ لَنَا إِلَهًا

كَمَا لَهُمْ آَلِهَةٌ قَالَ إِنَّكُمْ قَوْمٌ تَجْهَلُونَ

تخيل ...

هل ممكن يبقى في حد بالجحود ده ؟؟

بعد ما ربنا أنعم عليه و خلصه من الظلم اللي كان عايش فيه

يروح يدور على شرع تاني غير شرع ربنا ؟؟؟

و يطيع حد تاني و يعصي ربنا ؟؟

سبحان الله

و كمان ظهر منهم ناس خبيثة حاولت

(تركب الموجة)


بدأوا يسخروا و يشنعوا على أهل الدين ويتهموهم أبشع التهم ..

اتهموهم بالسلبية

قَالُوا أُوذِينَا مِنْ قَبْلِ أَنْ تَأْتِيَنَا وَمِنْ بَعْدِ مَا جِئْتَنَا

قالوا لموسى و للمؤمنين : النظام السابق كان بيظلم فينا و انتوا كنتوا نايمين وسايبينا

مضحيتوش زينا !!

سبحان الله !

نسيتوا ؟؟

نسيتوا أهل الدين و التضحيات اللي ضحوها ؟؟

نسيتوا أم موسى لما ضحت بابنها و رمته في البحر ؟؟

نسيتوا ماشطة بنت فرعون اللي اتحرقت هي و أولادها في الزيت المغلي ؟؟

نسيتوا مؤمن آل فرعون ، و السحرة اللي آمنوا و فرعون قتلهم و .. و ..

سنين طويلة من التضحيات اللي قدمها أهل الدين

سنين طويلة شافوا فيها الويل من تعذيب و قتل و اعتقال ..

فقط لأنهم يقولون لا إله إلا الله ..

كل ده اتنسى و سمعوا كلام ناس ..

عمرها ما ضحت ولا حد سمع عنها قبل كده ؟؟

سمعوا كلام واحد عمل لهم عجل ذهب و قال لهم اعبدوه

فَأَخْرَجَ لَهُمْ عِجْلًا جَسَدًا لَهُ خُوَارٌ فَقَالُوا هَذَا إِلَهُكُمْ وَإِلَهُ مُوسَى فَنَسِيَ

و سمعوا كلام اللي ...

قَالُوا يَا مُوسَى إِنَّا لَنْ نَدْخُلَهَا أَبَدًا مَا دَامُوا فِيهَا فَاذْهَبْ أَنْتَ وَرَبُّكَ فَقَاتِلَا إِنَّا هَاهُنَا قَاعِدُونَ

سمعوا كلام كل حد و سابوا كلام ربنا ..

فكانت العقوبة عليهم من الله هي التيه

تاهوا في الأرض ..

قَالَ فَإِنَّهَا مُحَرَّمَةٌ عَلَيْهِمْ أَرْبَعِينَ سَنَةً يَتِيهُونَ فِي الْأَرْضِ فَلَا تَأْسَ عَلَى الْقَوْمِ الْفَاسِقِينَ

أربعيــــــــــــــــــــ ـن سنة تايهين

لأنهم هم اللي اختاروا التوهان

لأنهم اتخلوا عن دين ربنا ، وقعدوا يدوروا على أي حاجة تانية

هم أصلاً مش عارفين بيدوروا على إيه

تايهين ..

اللي يقول أصنام

واللي يعبد العجل اللي عمله السامري

اللي يقول دولة علمانية

واللي يقول برلمانية

واللي يقول نظام اشتراكي ..

تايهيــــــــــــــــــــ ــــــــن

مع إن دين ربنا كان واضح قدامهم

شريعة نزلها ربنا من فوق سبع سموات

عشان تُصلح البشرية في كل زمان ومكان

مفيش فيها مجال للتجربة أو الخطأ..

النهاردة إحنا جايين نحذر ونقول ..

إن القصة ..

لسه مانتهتش ...

القصة ابتدت

و مش عارفين هتبقى إيه نهايتها ..

وزي ما موسى عليه السلام قال لقومه ، هنقول لنفسنا :

قَالَ عَسَى رَبُّكُمْ أَنْ يُهْلِكَ عَدُوَّكُمْ وَيَسْتَخْلِفَكُمْ فِي الْأَرْضِ فَيَنْظُرَ كَيْفَ تَعْمَلُونَ

ياترى بعد ما ربنا أهلك عدونا و أهلك اللي ظلمونا (

كيف سنعمل) ؟؟؟

هل هندخل التيه و نعيش في حيرة من تاني بين مناهج أرضية كل يوم بتثبت فشلها ؟؟

ولا هنختار طريق ربنا الواضح ؟؟

القصة .. مانتهتش ...

[mark=#b30404]

وصل اللهم وسلم على الحبيب محمد

[/mark]