مايكل نبيل مش عايز يحارب - و الشرطه العسكره هتمسكه (دعوه لنقاش التجنيد الاجبارى)

**MMamdouh** · 29-03-2011 01:17 PM

المشاركة الأصلية كتبت بواسطة wahba87

انا معترض على التجنيد الاجبارى ما دام الجيش مش محتاجنى ولا هيستفيد منى اصلا

و انا تحت امر الجيش لو محتاجنى طبعا و هفيد بلدى

هل المفروض الجيش يبعت SMS للشعب لما الحرب تقوم؟... ولا يبقى جاهز للحرب

"العرق فى التدريب يوفر الدماء فى المعركة"

MMamdouh

**MMamdouh** · 29-03-2011 01:23 PM

المشاركة الأصلية كتبت بواسطة human12

مايكل نبيل سند، شاب مصري، عمره 25 عامًا، طبيب بيطري من أسيوط، يقول إنه أول رافض لنظام التجنيد الإجباري في الجيش المصري؛ لأنه لا يريد أن يقف يومًا أمام جندي إسرائيلي ليحاربه، بينما كل ذنب الإسرائيلي أنه يدافع عن حق دولته في الوجود...!

وفي حوار ل...ه، مع صحيفة “يديعوت أحرونوت” الإسرائيلية، قال مايكل إنه أول شاب مصري يرفض تسليم نفسه للتجنيد، موضحًا أنه سيتحمل العواقب الصعبة لقراره أيًا كانت، لأنه مسالم بطبيعته، وضد الحرب بشكل عام.

وأضاف أنه يرفض أن يكون جزءًا من حمامات الدم والصراعات التي يدخلها الجيش في المنطقة، وأنه يعتبر أن التجنيد الإجباري نوع من العبودية.

وأشار مايكل إلى أن المؤسسة العسكرية في مصر شنت ضده حملة إعلامية اتهموه فيها بالخيانة والعمالة لصالح دول أجنبية، وهو ما أخافه أكثر بسبب شعوره أن حياته مهددة أكثر إذا دخل الجيش.

وقال إنه ليس وحده الذي يرفض الخدمة العسكرية الإجبارية، فهو يقود حركة سياسية اسمها “لا للتجنيد الإجباري”، فيها أكثر من 30 ناشطًا، بينما وصل عدد مؤيديها على صفحة “الفيسبوك” لأكثر من 3000 عضو. وانتشرت الفكرة في العالم العربي، حتى وصلت إلى بعض النشطاء في سوريا

انا مش معاه
بس يا ريت بلاش مناقشات و مشاحنات على طريقه مصر هيه امى و اللى مش معايا يبقى ضدى :)
عايزين كلام عقلانى

و هو الباشا لما يبقى جندى مصرى مش حيبقى بيدافع عن ارض مصر زى الجندى الاسرائيلى "المسالم"؟

و هو حد قال ان جيش مصر شغلتة الهجوم على اسرائيل؟؟ مهى شغلتة الدفاع عن الارضاضى المصرية زية زى الاسرائيلى "الطيب الاليف"

طيب لو التهديد من بلد عربى زى السودان او ليبيا حيروح يحارب و يضرب فيهم عادى؟

و النظام عندنا كدة فى مصر... لو هو مش عاجبة النظام يعترض علية بشكل محترم مش يهرب زى ال....

لو الدنيا مشيت كدة يبقى اللى شايف الجمارك زيادة يهرب بضاعتة و اللى شايف الضرايب عالية يضرب دفاتر و اللى شايف حاجة غالية علية يسرقها و هكذا

و ايه يعنى 30 ناشط و 3000 لايك على الفيس بوك؟؟؟ هو كل من عمل صفحة على الفيس بوك يعمل ما بدالة؟؟؟

دى شوية ناس تفقع بصراحة

MMamdouh

**otefa** · 29-03-2011 01:27 PM

المشاركة الأصلية كتبت بواسطة human12

انا معاك
بس هو بيقول انه مش عايز يعمل كده

طيب ايه الحل؟ يتسجن؟

يعنى اللى شايف نفسه مش راجل على حد تعبيرك يتسجن؟

اغلب اللى بيدخلوا الجيش اجبارى نفسهم فى واسطه عشان مايدخلوش
و كتير بيعتبر ان ده زى ابتلاء من ربنا و ماعندوش حل يخلص منه

ممكن متابعه بسيطه فى الاجتماعى و هنلاقى الناس متضايقه جدا ان هيه بتروح الجيش

مايكل ده خد خطوه انه قال لا مش عايز يخش بدل اللى بيقولوا لا مش عايزين و بيدوروا على واسطه

ده اتجاه و مش صغر و كتير بيخاف يقول عشان خايف من التعليقات بتاعه مش راجل و الكلام ده

ارجو مناقشه موضوعيه يعى هو طرى ولا مش طريى مسلم ولا مسيحى ولا ملحد مش مشكلتنا

احنا بنتكلم على ظاهره موجوده فعلا و احنا بندور حواليها و نقول كلمتين بتوع و طنيه و مصر هي امى

(( وأضاف أنه يرفض أن يكون جزءًا من حمامات الدم والصراعات التي يدخلها الجيش في المنطقة، وأنه يعتبر أن التجنيد الإجباري نوع من العبودية.

وأشار مايكل إلى أن المؤسسة العسكرية في مصر شنت ضده حملة إعلامية اتهموه فيها بالخيانة والعمالة لصالح دول أجنبية، وهو ما أخافه أكثر بسبب شعوره أن حياته مهددة أكثر إذا دخل الجيش.))
هو مش عايز يدخل الجيش لأسباب واهية تانية خالص
أنما تفسيراتك وتحليلاتك في أتجاه تاني
السؤال أو الموضوع يبقى أيه السلبيات ألي بتخلي الناس مش حابة التجنيد؟

**MMamdouh** · 29-03-2011 01:30 PM

المشاركة الأصلية كتبت بواسطة human12

اغلب اللى بيدخلوا الجيش اجبارى نفسهم فى واسطه عشان مايدخلوش
و كتير بيعتبر ان ده زى ابتلاء من ربنا و ماعندوش حل يخلص منه

ممكن متابعه بسيطه فى الاجتماعى و هنلاقى الناس متضايقه جدا ان هيه بتروح الجيش

مايكل ده خد خطوه انه قال لا مش عايز يخش بدل اللى بيقولوا لا مش عايزين و بيدوروا على واسطه

ده اتجاه و مش صغر و كتير بيخاف يقول عشان خايف من التعليقات بتاعه مش راجل و الكلام ده

ارجو مناقشه موضوعيه يعى هو طرى ولا مش طريى مسلم ولا مسيحى ولا ملحد مش مشكلتنا

احنا بنتكلم على ظاهره موجوده فعلا و احنا بندور حواليها و نقول كلمتين بتوع و طنيه و مصر هي امى

انا معاك ان الجيش قرف و بهدلة... بس الهروب منة مش هو الحل

اللى بيجيب واسطة بيجيبها عشان يخدم فى حتة كويسة او ينزل اجازات و كدة... انما اللى داخل مع دفعتة لازم يدخل الا لو عندة مشكلة طبية و الكلام دة مفيهوش واسطة

و تانى الحل مش انى اهرب... و صاحبنا دة فعلا %@$%2.... لو كان دخل و ادى الخدمة مكنش عمل الهيصة دى كلها... هى كل الفكرة انه عايز يفلسع من الجيش

MMamdouh

**l0new0lf** · 29-03-2011 01:34 PM

مايكل ده حظه وحش جدا انه مجاش معاد تجنيده ايام الستينات كان الى بيدخل الجيش بيعد على الاقل 10 سنين

المشاركة الأصلية كتبت بواسطة otefa

السؤال أو الموضوع يبقى أيه السلبيات ألي بتخلي الناس مش حابة التجنيد؟

اكبر سلبيه ان الجيش تهريج منظّم
يعنى بهدله و قرف على الفاضى و ماستفدتش منه بحاجه خالص

**ahmed4000** · 29-03-2011 01:39 PM

المشاركة الأصلية كتبت بواسطة human12

لا اعتقد ذلك
الضرائب ليست تجنيد و كمان الضرائب انت بتدفعها على الربح اللى بتربحه عشان الدوله تصرف عليك تانى يعنى موضوع مختلف تماما
كمان السرعه و الخروج على النظام ديه قوانين مدنيه برضه

بس العسكريه مختلفه تماما لانك بتاخد انسان و هو معرض فى اى وقت ان تقوم حرب و لازم يشارك فيها اجبار

ده الفرق

انا بشرح الفرق مش بتحيز لوجهه نظره
حتى يبقى التعليق موضوعيا و مانقولش بلاش بقى قوانين مدنيه وخلافه

مع انى لا اعتقد بوجود فرق جوهرى بين الاتنين
لكن برده الاجبار يبقى حق للدولة سواء فى فرض احكام مدنية او عسكرية

**SHNORY** · 29-03-2011 02:07 PM

الطابع العام للجيش عندنا هو طابع الاهانه الصرف
كل واحد يدخل الجيش يرجع يحكي عن الصول فلان والعسكري علان
اللي هوايته لعن سنسفيل الشباب والطرقعه علي قفاهم
ففكره الجيش المسيطره علي الناس هي انك داخل حرب اهانات من طرف واحد
وواجبك انك تستحملها وبكده حتبقي راجل
وحتشرب ميه وسخه وتتشتم
وتاكل اكل بايظ وتتشتم
ومتستحماش وتتشتم
بجانب ان فتره التجنيد ماهي الا ضياع لسنين العمر وتفويت اي فرص عمل او سفر او بناء اي حجر اساس في مستقبل الشخص
والناس زي ما بتدخله زي ما بتطلع منه
بدون اضافه اي خبرات او مهارات تؤهل الفرد للقتال
العيل من دول يدخل الجيش رفيع مسوس
ويطلع من الجيش ارفع واسوس
لونه بس بيتغير ومفيش عضله زياده بتتحط في جسمه
=========================
دي الفكره السائده عن الجيش المصري والتجنيد الاجباري اللي الناس بتروحه
علشان كده بيكون يومه ويوم اهله اسود اللي يسمع اسمه في التجنيد

-لو كان الجيش بيضيف مهارات تنفع الشاب في حياته اكيد كانت الناس جريت اتطوعت وبقي للتطوع طوابير ملهاش اول من اخر
==========================
هي دي الصفات السائده في الجيش المصري
عن طريق السمع وتجارب الاصدقاء اللي دخلوا الجيش
والله اعلم اكيد اللي دخلوه الجيش اعلم مني بالمواضيع دي
لاني مليش جيش
==========================
بالنسبه للاخ مايكل
فانا اقترح انه يدخل سلاح الترفيه اكيد حيتبسط جدا
وحيبسط ناس كتير وحيتمني الحرب تقوم علشان يستفيد من الاعداد
اللي بتيجي في التعبئه العامه ساعه الحرب

حصلت على انذار مصوب بوقف اسبوع لمخالفتك القاعدة 9أ
إدارة المنتدى

-

-

-

الموضوع: مايكل نبيل مش عايز يحارب - و الشرطه العسكره هتمسكه (دعوه لنقاش التجنيد الاجبارى)

LinkBack

أدوات الموضوع

عرض

-

-

-

-

-

-

المواضيع المتشابهه

الاسباب الحقيقية للقبض على مايكل نبيل

الله يهديك يا مايكل نبيل

معلومات خطيره عن اعضاء حركة 6 ابريل مايكل نبيل

عايز أروح لي نبيل مازدة بكرة

عايز اصلح الشاسيه في مجمع الشرطه حد جرب او يعرف اي حاجه؟

الكلمات الدلالية لهذا الموضوع

المفضلات

المفضلات

ضوابط المشاركة