عايز اعمل ريموت السنتر فى المفتاح

**Hacker5** · 13-04-2008 11:47 AM

كنت عايز اخلى ريموت السنتر فى المفتاح نفسه انا عندى الريموت لوحدة و المفتاح لوحده

فهل ينفع اجيب المفتاح لوحده و يتخرط على المفتاح القديم و يتعرف على الانذار الموجود فى العربية ( بدون تغير الانذار المفتاح فقط)

ياريت لو ينفع تقولولى اروح لمين و اجيب الحاجة منين و كدة

شكرا مقدما

**Akram** · 13-04-2008 03:57 PM

أيوه ينفع بس الكلام ده في حالة ان الريموت فيه مفتاح طالع منه و في الغالب المفتاح ده بيكون بتاع ياباني ,
المهم بتروح لبتاع المفاتيح و هو ممكن يقص المفتاح اللى معاك و بيعمل في فتحات لكي يركبه مكان المفتاح الأصلي اللي جاي في الريموت و بيفك الريموت و يركب المفتاح الجديد فيه و يثبته كويس ,
(( بس يفضل انك تعمل نسخة جديدة و تسيب المفتاح اللى معاك أحتياطي ))
و بكده يبقى عندك المفتاح في الريموت .

**Hacker5** · 14-04-2008 10:07 AM

شكرا يا باشا على ردك بس انا الريموت مافيش مفتاح طالع منه

**Akram** · 14-04-2008 05:57 PM

انا سئلت على الموضوع ده و عرفت الآتي :
انك ممكن تروح في التوفيقية و تشتري ريموت جديد من اللي بيبقى معاه مفتاح و فيه ناس في التوفيقية بيعملوا برمجه للمفتاح الجديد علشان يشتغل بنفس التردد اللى على المفتاح القديم ,
و بعد كده تروح لبتاع مفاتيح يعمل القصة اللى قلتلك عليها في الرد الأول ,
أرجو إن تكون إجابتي مفيده.

**Hacker5** · 15-04-2008 09:27 AM

شكرا يا اكرم باشا على ردك معلش انا عارف انى ازعجتك

بس حضرتك متعرفش حد فى التوفيقية تجيب منه الريموت المفتاح؟

**amrokhafagy** · 20-04-2008 11:20 AM

انا مركب فى عربيتى انذار سيمفونى بيكون طالع من جهاز الريموت مفتاح خام بتروح لبتاع المفاتيح بخرط المفتاح بتاع الريموت على المفتاح الاصلى وبالطريقة دى انا شايف انك لازم تغير جهاز الانذار فقط وتجيب نوع اخر