مصر ..... نفسى اشوف جمالها

**mostafa mahmod** · 01-04-2011 04:01 PM

المشاركة الأصلية كتبت بواسطة emo_ayman

مصر مليانة مناظر طبيعية واماكن اثرية وتاريخية جميلة.بص بقى يا سيدى الفاضل بما انه مجال شغلى ومن كلامك فهمت انك عاوز اماكن تحس فيها انك فى مصر الجميلة القديمة.

من الاماكن اللى الاجانب بيمشوا فيها عيونهم تايهة فيها وحاسين انهم جوا التاريخ:

شارع المعز لدين الله الفاطمى من اول الصاغة (الحسين) لحد بوابة الفتوح(عند محل زيزو وبابا عبده) وانصحك تمشى ف الشارع ده وقت الغروب وبلليل.

وكالة الغورى بيعملوا فيها عرض تنورة يوم السبت والاربعاء من 7.30 بلليل والدخول ببلاش.

لو عاوز تشوف مياه النيل بجد بلونها الازرق الفاتح اللى افتح وانقى من البحر الاحمر يبقى تطلع على السد العالى وبحيرة ناصر.هتشوف نهر النيل بجد (سيبك من اللون البنى اللى هنا ).

خد اصحابك واطلع على خان الخليلى واقعد على اى قهوة فى الميدان واسمع المغنيين وعازفى العود واشرب شاى بالنعناع(هههه).

مؤقتا هى ديه الاماكن اللى قادر افتكرها ولو افتكرت تانى هقولك.

لولولولولولولولى حبيب قلبى و الله

انا خالى ساكن فى شارع المعز اساسا و فعلا تحفه فنيه

و حلو اوى فكره التنوره دى بس قولى اروح ازاى وكاله الغورى دى يعنى هيا فين بالظبط

و الف شكر يا باشا و عايزك تظبطنا اماكن بقى

**Ayman-Ahmed** · 01-04-2011 04:17 PM

المشاركة الأصلية كتبت بواسطة sasaasdf

لولولولولولولولى حبيب قلبى و الله

انا خالى ساكن فى شارع المعز اساسا و فعلا تحفه فنيه

و حلو اوى فكره التنوره دى بس قولى اروح ازاى وكاله الغورى دى يعنى هيا فين بالظبط

و الف شكر يا باشا و عايزك تظبطنا اماكن بقى

ههههه طالما جيت فى السياحة يبقى زورونا تجدوا ما يسركم.هههه

وكالة الغورى هى امتداد شارع المعز او بطريقة اسهل للوصول وانت نازل من كوبرى الازهر على جامع الازهر هى بعد المنزل على يمينك بحوالى 50 متر.

خد بالك بقى فيه هناك اتنين واحدة على الشارع الرئيسى والتانية بعدها ب10 متر فى شارع صغير.اسال انت بس هناك على وكالة الغورى اللى فيها عرض التنورة.

وانت هناك بقى اسال على شاع الخيامية وهو امتداد شارع المعز لحد بوابة زويلة وافضل ماشى شوية لبعد البوابة لحد ما تلاقى الشارع بداء يوسع ومسقوف بالواح خشب كبيييييييرة.انت كدة فى الخيامية واتفرج عليهم وهما بيخيطوا قماش الخيم يدوى ولو فضلت مكمل علطول هتتطلع على شارع محمد على وروح بقى اتفرج على جامعى السلطان حسن والرفاعى بس دول لحد الساعة 5 مفتوحين.دول بقة تحف معمارية اسلامية.

**azmeralda** · 01-04-2011 04:25 PM

انا شفت صورة مكان فيه تلج فى سينا بس معرفش فين بالضبط كان تحفة

**mostafa mahmod** · 01-04-2011 04:25 PM

حبييييييييييييييييييييب هارتى 100 100 و الله
كل ما تفتكر كده حاجه كده تقولنا و اهو الناس برضه تستفاد من خبرات سعادتك الجامده

**Ayman-Ahmed** · 01-04-2011 04:43 PM

المشاركة الأصلية كتبت بواسطة azmeralda

انا شفت صورة مكان فيه تلج فى سينا بس معرفش فين بالضبط كان تحفة

ديه صورة اكيد متاخدة من على جبل موسى عند دير سانت كاترين وفعلا المنظر بيبقى رائع من فوق.بس للاسف مبيحصلش كل سنة الثلج.

المشاركة الأصلية كتبت بواسطة sasaasdf

حبييييييييييييييييييييب هارتى 100 100 و الله
كل ما تفتكر كده حاجه كده تقولنا و اهو الناس برضه تستفاد من خبرات سعادتك الجامده

هههه حاضر.

**Ayman-Ahmed** · 01-04-2011 04:47 PM

وديه صورة لشارع الخيامية.

http://farm1.static.flickr.com/183/4...f362aaa891.jpg

**MohaMed_Refaat** · 01-04-2011 04:49 PM

اللى عاوز يشوف جمال مصر الطبيعى سواء فى الجو او المناظر بشوف النيل فى الاقصر واسوان روووووووووووووووووووووووو ووووووووعة سبحان الخلاق انا بقالى اكتر من 5 سنين شغال فى السياحة ومع ذلك مازلت بنبهر بجمال الطبيعة الخلاب

**mostafa mahmod** · 01-04-2011 05:09 PM

المشاركة الأصلية كتبت بواسطة mohamed_refaat

اللى عاوز يشوف جمال مصر الطبيعى سواء فى الجو او المناظر بشوف النيل فى الاقصر واسوان روووووووووووووووووووووووو ووووووووعة سبحان الخلاق انا بقالى اكتر من 5 سنين شغال فى السياحة ومع ذلك مازلت بنبهر بجمال الطبيعة الخلاب

**mostafa mahmod** · 16-06-2011 09:50 PM

و و الله بعوده ايام و الاجازه - و قريبا رمضان - عايزين نرجع الامل فى مصر المحروسه و نشوف الاماكن اللى قلنا عليها و اهو منها يبقى مرجع للناس اللى نفسهم يشوفوا مصر بجد

معايا يا جدعان ولا ايه