مصر ..... نفسى اشوف جمالها

**mostafa mahmod** · 29-03-2011 03:26 PM

كام واحد ممنا شاف منظر فى فيلم عجبه و قال نفسى اشوف المكان و الجمال ده (( معقوله ده فى مصر ))

فى اماكن كتير اوى الاقى الاجانب متصورين فيها و حافظينها زى اسمهم و انا مصرى و معرفهاش !!!!!؟؟؟؟

طب ليه يا جماعه ليه مكونش مصرى بجد و اروح الاماكن الجميله دى

و الله العظيم انا ساعات بشوف فى افلام ( النيل ) بحس انه مش النيل بتاعنا - و الله شكله مختلف -

فكالعاده لجأت الى اجمل منتدى فى مصر علشان ابقى مصرى بجد

يا ريت يا جماعه اى حد فاهمنى و عارف قصدى ايه يقولنا على الاماكن اللى نروحها و خلينا بقى نكتشف مصر و جمالها من اول و جديد

**MOUSTAFA_SAAD** · 29-03-2011 08:23 PM

الاماكن معروفه بس المهم جيبك جاهز ولا لا
واول الامكان تروح تستجم مع الريس السابق هناك فى شرم

**mostafa mahmod** · 29-03-2011 08:52 PM

ههههههههههههههههههههههههه ههه يا ريت اشوف امه و دنا كنت >>>>>>>>>>>>

المهم انا مش قصدى فنادق و مطاعم و الكلام الفكسان ده انا عايز اماكن احن انى فى مصر مصر بتاعت زمان (( الاصاله و التاريخ )) -ايه جو المسلسلات ده - عايز اشوف الحاجات اللى الناس بتجيلنا من بره عشان تشوفها
فاهمنى !!!!؟؟؟؟؟

للدرجه دى مصر مقرفه :(

ايه يا جدعان للدرجه دى مصر مقرفه و مفيهاش اى اماكن حلوه

**MISS_MONA** · 31-03-2011 07:01 PM

يبقى انت اكيد اكيد فى مصر

تعالى عندنا اسكندريه

**mostafa mahmod** · 31-03-2011 07:18 PM

اسكندريه ........ الله عليها بجد عروس البحر

بس اعمل ايه بقى مش هينفع اروح الا فى الاجازه عشان الجامعه

**zyadahmed** · 01-04-2011 03:14 AM

اجمل مناطق شوفتها فى مصر ايام التجنيد فى صحراء مصر الغربية قريب من السلوم وبرانى ومحيطها بجد تحفة فنية طبيعية

ولو عايز مناطق للفسح جميلة انا خلاص زهقت من اسكندرية اللى اصبحت فى النازل فى عهد المحافظ السابق عادل لبيب
بالاضافة للزحام المبالغ فيه فيها وارشح لك اسوان وما حولها ارض بكر جميلة

**chato_eg** · 01-04-2011 02:20 PM

رحلة نيلية من الأقصر لأسوان.....تجربة أتمنى تكرارها
بالطبع سيناء...أرض كل ذرة من ترابها تروى قصة من التاريخ
الواحات بالصحراء الغربية...أتمنى أن أزورها

**Ayman-Ahmed** · 01-04-2011 03:53 PM

مصر مليانة مناظر طبيعية واماكن اثرية وتاريخية جميلة.بص بقى يا سيدى الفاضل بما انه مجال شغلى ومن كلامك فهمت انك عاوز اماكن تحس فيها انك فى مصر الجميلة القديمة.

من الاماكن اللى الاجانب بيمشوا فيها عيونهم تايهة فيها وحاسين انهم جوا التاريخ:

شارع المعز لدين الله الفاطمى من اول الصاغة (الحسين) لحد بوابة الفتوح(عند محل زيزو وبابا عبده) وانصحك تمشى ف الشارع ده وقت الغروب وبلليل.

وكالة الغورى بيعملوا فيها عرض تنورة يوم السبت والاربعاء من 7.30 بلليل والدخول ببلاش.

لو عاوز تشوف مياه النيل بجد بلونها الازرق الفاتح اللى افتح وانقى من البحر الاحمر يبقى تطلع على السد العالى وبحيرة ناصر.هتشوف نهر النيل بجد (سيبك من اللون البنى اللى هنا ).

خد اصحابك واطلع على خان الخليلى واقعد على اى قهوة فى الميدان واسمع المغنيين وعازفى العود واشرب شاى بالنعناع(هههه).

مؤقتا هى ديه الاماكن اللى قادر افتكرها ولو افتكرت تانى هقولك.

**Ayman-Ahmed** · 01-04-2011 03:55 PM

وده شارع المعز بلليل من حوالى 4 شهور

**mostafa mahmod** · 01-04-2011 03:55 PM

ايوه كده يا جدعان ظبطونا

الموضوع: مصر ..... نفسى اشوف جمالها

LinkBack

أدوات الموضوع

عرض

-

-

-

-

-

المواضيع المتشابهه

نفسى افهم ...... نفسى اعرف

اول مره اشوف كده فى الغردقه

نفسى اشوف دارج ما بين سيراتو 4 سرعات و 6 سرعات

اول مرة اشوف كدا فى حياتى

اول مره اشوف اللينيا

الكلمات الدلالية لهذا الموضوع

المفضلات

المفضلات

ضوابط المشاركة