تقييم للبيجو 405 رؤا

**behman** · 22-05-2010 06:14 AM

نا عندي مشكلة مع العربية وهي اني محتاج اغير الفتيس وسألت عليه في التوكيل لقيته ب 12000 الف جنيه
ارجوكم دلوني على مكان اشتري واحد مستعمل او استيراد اي حاجة تكون رخيصة انا امكاناتي متسمحش خالص بكده

غريبه موضوع تغيير الفيتيس ده !!! عالعموم .... لو الموضوع ينفع يتصلح و اكيد ينفع عشان هو مانيوال و مافيهوش تقنيه عاليه في شغله ... هاتلاقي قطع غيار ليه استيراد بتاع موديلات تانيه زي ال 505 .... و ال 504 و حاجات تانيه الميكانيكي هايعرفها لما يشوف الفيتيس او العطل اللي فيه
و دي من مشاكل العربيه .... ان حاجتها مش معروفه ولا متداوله ... بس لما تفك ... هاتلاقي قطع استيراد تمشي معاك
و بالنسبه للمكان اللي هاتلاقي فيه الكلام ده كلو .... في الحرفيين ...بصراحه انا ماعرفش حد معين بتاع بيجو ادلك عليه هناك
بس اي ميكانيكي بيفهم ( و فيه هناك كتير ) .. هاظبطلك الفيتيس حتي لو كان مش نافع .... بالتوفيق يا باشا

**seanmichaels** · 13-06-2010 09:38 PM

طب عندي سؤال: البيجو 405رؤا ماينفععش عليها قطع غيار ال405 القديمة؟؟

**behman** · 13-06-2010 10:04 PM

طب عندي سؤال: البيجو 405رؤا ماينفععش عليها قطع غيار ال405 القديمة؟؟

قطع غيار الموتور و العفشه و التعليق و كل ده مختلفه تماما ....
قطع الغيار اللي واحده في الموديلين هيه الصالون و الابواب و الكلام ده
فوانيس و اكصدامات و زجاج
الصاج بالكامل من بره
يعني من الاخر هما الاتنين واحد من بره ....لكن موتور و عفشه بالكامل مختلفين تماما

**KINGALF** · 27-08-2011 05:50 PM

ممكن سؤال للأخوه الافاضل
معى الرؤا من 2007 وعامله 30 الف كم و اريد ان استفسر عن زيت الكرونه حيث لم اقوم بتغييره من قبل؟
فهل يتم تغيير زيت الكرونه بالكامل ام يتم تزويده فقط و كل كام كيلو متر؟
وما هى النوعيه ودرجه اللزوجه الافضل للتغيير
برجاء الاجابه بسرعه

**KINGALF** · 27-08-2011 06:32 PM

المشاركة الأصلية كتبت بواسطة shobokshi

نقطة مهمة لكل مالكى الروا و خاصة اصحاب شكوة الفتيس التقيل
قمت بتغير زيت الفتيس فى البنزينة اليوم لشعورى ان هذا الفتيس يجب تغير زيته بعد فترة تليين
العربية عاملة 5350كم الآن و عند فتح الطبة السفلية لتفريغ الزيت وجدت ما كنت اشعر انه موجود
وجدت رايش الصناعة لاصق بالطبة المغنطيس و بعد تغير الزيت حسيت فعلا بفرق بالاضافة الى تشحيم عصاية الفتيس اللى كنت قمت بتشحيمها بنفسى من قبل
التوكيل بيقول تغير زيت الفتيس على 40000كم و ده دليل على مستواهم الفنى
زيت الفتيس 90\80 بتاخد حوالى 2.5 ك بالاضافة الى التشحيم التكلفة فى محطة البنزين حوالى 55جنيها
جربوها و ادعولى
ملحوظة هامة
طبقة الفتيس العلوية -- مفتاح النكيه نجمه حاول قبل ما تبدأ تغير الزيت فى البنزينه تتأكد انه عنده طقم الانكيه نجمة كبير لان طبعاً كلنا عارفين فهلوة الصنايعية المصرية
او اعمل زى و اشترى طقم ليك خليه معاك فى العربية اذا كنت غاوى صيانة بنفسك
الطقم فى حدود 25 جنيها طبعاالصينى

ممكن سؤال للأخوه الافاضل
معى الرؤا من 2007 وعامله 30 الف كم و اريد ان استفسر عن زيت الكرونه حيث لم اقوم بتغييره من قبل؟
فهل يتم تغيير زيت الكرونه بالكامل ام يتم تزويده فقط و كل كام كيلو متر؟
وما هى النوعيه ودرجه اللزوجه الافضل للتغيير
برجاء الاجابه بسرعه