الحمد لله سرقوا حقيبتى من السيارة فى عز الظهر

السلام عليكم ورحمة الله وبركاته
======================
أخوانى الأعزاء لا تتركوا اى شيئ له قيمة فى السيارة

انا اليوم بعد انتهاء العمل فى طريق السويس انطلقت بالسيارة للمنزل وعند نادى المقاولين ركنت السيارة فى شارع الأتوستوراد (طريق النصر ) أمام المسجد حتى أصلى العصر ثم أكمل طريقى الى المنزل وبعد خروجى من المسجد فوجئت بهواية السيارة مكسورة ونظرت بداخلها فلم أجد حقيبتى ولا حقيبة زميلى .... والحمد لله على كل شيئ

فأرجوا منكم توخى الحزر ... وأتخاذ الإحطياطات اللأزمه لتجنب مثل هذا الموقف .

أخوكم محمد نور

ربنا يعوض عليك

ربنا يعوضك خير
ويكفينا ويكفيك شر السوء
هل الشنطة كان فيها حاجات غالية او ورق مهم
ربنا ينتقم من ولاد الحرام

قدر الله وما شاء فعل
ربنا يعوض عليك

ربنا يكرمكم وحميكم من اللصوص ومن كل شر ... حقيبتى مكانش فيها حاجه مهمه قوى مصحفيين وبرفان وفلوس فضه وفلاشه 64 جيجا ... لكن حقيبة زميلى كلها أوراق مهمة رخصة السيارة ورخصة القياده وكرتين فيزا البطاقه وشوية فكة المشكلة فى أوراقه حيتعب قوى على ما يستخرج غيرهم

اللى أنا مستغربله ازاى كسرو الزجاج وفتحو الباب وخدو الحقيبتين فى شارع رئيسى ووسط الناس ومحدش من الناس اتدخل ؟؟!!

لكن الحمد لله انه جت على كده ... على فكرة أنا لسة شارى السيارة الشهر ده ودى أول سيارة أمتلكها ... وبفكر جدياً ابيعها ... المواصلات ارحم من الهم ده

قول الحمدلله انهم لم يسرقوا السيارة ..

فيه غيرك عربيته باللى فيها بتتسرق
احمد ربنا