يا جماعة انا عايز اعرف اية القرق بين العربيتين وعايز اشترى واحدة فيهم ومحتار جدا يا ريت حد يفيدنى فى الموضوع دة واكون شاكر ليكم جدا ويا ريت الاراء تكون من الملاك او عن تجربة شخصية وشكرااااااااااااااا
عرض للطباعة
يا جماعة انا عايز اعرف اية القرق بين العربيتين وعايز اشترى واحدة فيهم ومحتار جدا يا ريت حد يفيدنى فى الموضوع دة واكون شاكر ليكم جدا ويا ريت الاراء تكون من الملاك او عن تجربة شخصية وشكرااااااااااااااا
هو لية الموضوع اتعمل علية منقول كدة انا مش فاهم؟؟؟؟؟؟؟؟؟؟؟؟؟؟
هو الموضوع اتنقل لقسم المقارنات علشان يكون فيه فرصة اكبر لعرض كافة الأراء
عامة السبارك منتشرة اكتر من السيلاريو و كتير بيشكروا فيها
و من مميزاتها ان المساحة الداخلية معقولة بالنسبة لحجم السيارة و الشنطة حجمها معقول شوية يعني اكبر شوية من السيلاريو
حضرتك تشرفنا في الموضوع دا http://www.nilemotors.net/Nile/204258-a.html
هاتلاقي موسوعة عن سبارك..إن شاء الله كل حاجة تلاقيها
مش دى السيلاريو الـ3 سلندر 900cc..؟؟!! دى عربية مسخرة, e Respect :angry35:
مش هنسى أبدا أول مانزلت.. الوكيل التييييييييييييت.. كان بيقول فـ الأعلانات أنها صاااااااروخ, وبتطلع من 0-100 فـ 9 ثوانى..:ops: ؟؟؟!!!
الكذاااااااب ابن التييييييت (تانى).. دا البرافو التربو والجولف TSI بتعمل الرقم ده بصعوبة..!!!
وفـ الآخر.. طلعت موتور Suzuki موتوسيكل متسقط فـ عربية..؟!
رأيى الشخصى: خليك فـ السبارك الجديدة: أنا شفتها فـ معرض Formula, ومن كام يوم شفت واحدة سماوى فـ عباس.. يعنى بدأت تتباع..! :baby07:
- mini كروز من قدام, وأكر فـ الشراعة زى الألفا.. وشكلها جااااااااامد أوى الصراحة.. مع أنى مبحبش العربيات الكورى..؟! ههههههههه :B4_237:
والـbrochure اللى عندى بتاع منصور: بيقول انها موتور (Aluminum بالكامل) 1200 16v DOHC و80 حصاااااااان..تقريبا..!
طبعا دا رقم جاااااااامد على عربية صغننة..؟!! وسعرها كان around الـ70-75 ألف.
شوفها, وربنا يوفقك للأختيار..:praying:
الف شكر يا جماعة بجد ليكم كلكم
وفى انتظار باقى اراء الاعضاء المالكين للسيارتين دول عشان نستفيد كلنا وانا كمان اعرف اقرر
خليك في سبارك لايت سعر معقول جدااااااااا والاعضاء بيشكروا فيها جدا خد لفه صغيرة في قسم الشيفروليه
انا كنت زيك كده كنت محتار بين السبارك و السيلاريو و ال a113 و البيكانتو و ال i10
لو انت عايز تقارن بين السيلاريو و السبارك.........
الماتور : السبارك 1000 سي سي 4 سلندر.......السيلاريو 1000 سي سي 3 سلندر و ده مشكلته ان صوت الماتور عالي و العربية بتضعف جدا مع التكييف........
المساحة : السبارك اوسع من السيلاريو .......و الشنطة في السيلاريو بدون مبالغة تشيل 4 كتب بالعافية.......لكن الشنطة في السبارك انا حطيت فيها مرة 4 شنط هاند باج
قطع الغيار : السبارك اسعارها الي حد ما معقولة متقدرش تقول غالية ولا رخيصة.....بالنسبة للسيلاريو شبه غير موجودة
العربية عاملة 9200 كم معايا و بصراحة مريحة جدا جدا .......
لو معاك فوق 60 الف.......ممكن تفكر في البيكانتو و ال i10 ......انا جربت و سوقتهم......ممتازين بس لا يختلفوا عن السبارك في شئ...و طبعا فرق السعر و الكماليات في مصلحة السبارك
لكن لو حضرتك بتفكر في النيو سبارك.....فهي لحد دلوقتي محدش يعرف عنها حاجة....غير ان هي كماليتها ممتازة و سعرها بيبدا من 72000 جنيه
و حضرتك ممكن تستفيد اكتر و اكتر من الموضوع ده
http://www.nilemotors.net/Nile/204258-a.html (اهم مواضيع ال"سبارك")
و انا تحت امرك في اي استفسار
الف الف شكر يا دكتور بجد حضرتك اسان محترم جدا وانا عاجز عن الشكر يا فندم
انا بس كنت عايز اعرف تفاصيل اكتر عن السبارك يعنى اقصد حكممك انت عليها بما انك راكبها بقا ومن ملاكها عاملة اية معاك يعنى سحب وسرعة على الطريق وعفشة وموتور وتكييف واستهاك بنزين وتقفيل وكل شىء من مميزات وعيوب ويا ريت لو حضرتك تعرف سعرها دلوقتى كام؟ والف شكر مرة تانية لحضرتك واسف على الازعاج يا دكتور
ولا دى ولا دى,,,,بيكانتو...
سبارك طبعا
نيو سبارك انا ركبتها فى المصرية اللى فى كرفور الصحراوى عربيه محترمة
اولا نفس حجم الافيو5 من الداخل الكبوت اصغر شويه
واقفه جنب i10 ,والبيكانتو بصراحه فرق شاسع فى التقفيل والحجم وطبعا الموتور بما انو 1200 و 80 حصان
انا شايف ان سعرها مغالى فيه وبما ان كل العربيات مغالى جدا فى سعرها ( حسبى الله ونعم الوكيل) فما باليد حيله
لان المفروض تنزل كالاتى
المريايات كهرباء
فوانيس شبورة
والشبكبه تتلف بنيكل
لاكن فى المجمل ممتازه تفرق كتير عن ال i10 والبيكانتو فى البودى والمساحه والتقفيل والموتور
العفو يا فندم علي ايه ...انا تحت امرك
السحب : ممتاز جدا بالنسبة لسعة الماتور 1000 سي سي......و السرعة : اخر سرعة انا جبتها 150 كم بس طبعا مفيش stability بعد 120 كم
العفشة : ناعمة مش ناشفة ....مبتحسش بالمطبات
ماتورها هادئ و سحبه رائع الحمد لله
استهلاك البنزين جيد الي حد ما ........ الصفيحة بتعمل معايا حوالي 280 كم من غير تكيف و حوالي 230 كم بتكيف و طبعا كلهم داخل شوارع القاهرة
اما بقي مميزاتها : عربية صغيرة في الحجم اي مكان حتلاقيه حتعرف تركن فيه........تقفيلها ممتاز مفيهوش غلطة و ده عشان هي متصنعة و متقفلة بالكامل في كوريا........و اما تفتح الكبوت بتحس ان ماتورها بسيط و سهل بعد كدة اي ميكانيكي يمد ايه فيها
عيوبها : ان مقدمة العربية صغيرة و اما تفتح الكبوت بتحس ان كل حاجة قريبة من بعضها....و ده عيبه الوحيد في الحوادث ..ربنا يبعدها عنا ان شاء الله
تقييمي ليها : عربية ممتازه و من الافضل في فئتها و الارخص و بدأت في الانتشار جدا و ده دليل علي نجاحها
سعرها دلوقتي 56000 جنيه و ممكن تبقي في المعارض اقل 500 جنيه او الف جنيه
يا رب اكون افدتك و ربنا يوفقك في الاختيار ان شاء الله.. و متنساش تصلي الاستخارة
السلاريو 3 سلندر و هي اصلا التطور الطبيعي للالتو و العربيه مبعتش فخليك في السبارك