ان شاء الله مين نازل يوم الجمعة الجاية

**Abomar77** · 30-03-2011 10:08 PM

مــــــادة 3 : السيادة للشعب وحده، وهو مصدر السلطات، ويمارس الشعب هذه السيادة ويحميها، ويصون الوحدة الوطنية .

يبقى لازم ننزل يوم الجمعة عشان نحميها

**fathey_mansour** · 31-03-2011 12:43 AM

المشاركة الأصلية كتبت بواسطة cheetos_892005

لازم الخلط بين اللي قال لا على اللي عايز المظاهره عالعلماني عالكافر على بتوع البرادعي

مش عارف ارد اقول ايه بجد

اين الخلط الذي تقصده ولا تسفيه الراي وذكر كلمة الكفر والاتهام اصبح موضه

**sharpvision** · 31-03-2011 01:06 AM

مش نااازل لانى مش مقتنع كفايه , واسف مش عاوز اقتنع ...

**cheetos_892005** · 31-03-2011 01:27 AM

المشاركة الأصلية كتبت بواسطة fathey_mansour

اين الخلط الذي تقصده ولا تسفيه الراي وذكر كلمة الكفر والاتهام اصبح موضه

انا بقول عالردود من عينة

اصل دول اللي ماشين ورا البرادعي ((تحسه بقا عار ))

اصل دول العلمانيين اللي عايزنها تولع

اصل دول الكفره اللي مش طايقين السلفيين

اصل دول اللي قالوا لا و نازلين من حرقتهم

ملحوظه هامه : مش كل الردود دي اتقالت هنا ....خصوصا الكفره .....انا بقول عالفيس بوك و هنا و في الشارع و الجامعه

ولو منزلش المظاهرة يبقي خاين للثورة وعميل وضيع دم الشهداء ولجنة الكترونية للحزب الوطني
اي بتنجان وخلاص[/quote]

انا عن نفسي مشفتش حد قال كده ....لاني واحد مؤيد ليها بس مستحيل انزلها لاني عندي امتحان في المشروع يوم السبت

ناس كتير كده و محدش قالي حاجه .......و معظم الناس كانت بتايد و ترفض الثوره من تحت البطانيه مش هنكدب

**dr-mohamed** · 31-03-2011 01:53 AM

المشاركة الأصلية كتبت بواسطة cheetos_892005

ولو منزلش المظاهرة يبقي خاين للثورة وعميل وضيع دم الشهداء ولجنة الكترونية للحزب الوطني
اي بتنجان وخلاص

انا عن نفسي مشفتش حد قال كده ...
شيتوس اتقالت في المنتدي هنا لمجرد ان احد الاعضاء اختلف على ما يريده البعض انت ضد الثورة ولا ايه ؟؟؟؟؟؟
لاني واحد مؤيد ليها بس مستحيل انزلها لاني عندي امتحان في المشروع يوم السبت
ليه يعن هو الامتحان اهم من الثورة واستمرار الثورة ؟
انت رفضت النزول لان عندك امتحان يوم السبت
يبقي فيه اولويات انت شايف ترتيبها صح
الاقلية دلوقت شايفة الاولوية النزول يوم الجمعة والاغلبية العكس
اللى رافض النزول لم يتهم من ينزل لكن بعض من قرروا النزول قرروا توزيع الاتهامات على من رفضوا النزول
ناس كتير كده و محدش قالي حاجه .......و معظم الناس كانت بتايد و ترفض الثوره من تحت البطانيه مش هنكدب[/quote]

المشكلة ان من كانوا تحت البطانية هم الابطال على النت الان يعني هو حد كان شايف الواقع ؟
كريم منير اتهم انه ضد الثورة ولازم يعتذر للثوار وهو اللى نزل من بيته نص الليل في عز الثورة والاضطراب علشان يودي بطاطين لتغطية جثمان الشهداء والمصابين
احد الاخوات هنا طبيبة اعتقد انها لم تكن تزور بيتهم لعملها المستمر في علاج المصابين من اول يوم في الثورة لمجرد انها فضفضت في وقت ما بعد الثورة بخوفها وزملاهئا من البلطجية اللى بيتهجموا على المستشفيات كام عضو دخلوا يشمتوا فيها وفي الاطباء كلهم ويذموا فيها وفيهم
وانا لا ادري حقيقة او ظروف من قاموا بذلك لكن معظمهم ممن قلت انت عليهم ثوار من تحت البطانية

**tito_1980** · 31-03-2011 02:31 AM

[quote]
1- الأسراع في محاكمة كبار الفاسدين و علي رأسهم مبارك و ثلاثي الشر : زكريا عزمي و صفوت الشريف و فتحي سرور .
[/ محاكمه ثلاثي الشر مش بالساهل لازم مستندات و محاكمات و جلسات و غيره اما مبارك فلا يجوز محاسبته قانونا قبل يو 11 اغسطس من هذا العالم و بعد التاريخ ده ممكن المطالبه بمحاكمته مع ان الجيش قايل ان انه مش هيلاجقه قضائياquote]

2- حل الحزب الوطني اساس الخراب و الفساد في بلادنا .

المشكله في الحزب نفسه المشكله في سياسات الحزب و الحراميه اللي كانوا فيه

3- تطهير الأعلام الفاسد الذي يدافع عن المجرمين و يؤيد الثورة المضادة لأجهاض ثورة الشعب , و استبدال رؤساء الجامعات و المحليات و الاعلاميين الفاسدين بأعلاميين شرفاء للمساهمة في توعية الناس و عدم تضليلهم .

برضه هياخد وقت الموضوع ده و اصلا كده كده المفروض منستمعش للناس دي من اساسه

4- الأفراج عن معتقلين الرأي الذين اعتقلهم الأمن المركزي مسبقا و الشرطة العسكرية حديثا .

ممكن برضه و ده طلب مشروع في الوقت الحالي

5- التأكيد علي حرية الرأي و التظاهر السلمي و عدم العمل بأي قانون يصدر لتقييد رأي الشعب الذي يستمد الجيش منه شرعيته .

الجيش اصلا منع التظاهر لاي سبب من الاسباب و ممكن المظاهره دي تعمل كلاش كبير بين المتظاهرين و الجيش

6- الأسراع من مصادرة اموال الطغاة و رجال الأعمال الفاسدين و تجميد كل ارصدتهم في كافة بنوك العالم و اولهم ال مبارك .

واحده واحده بس بسهوله الموضوع ده و اصلا انسوا ان الدول الاجنبيه تجمد ارصده مبارك

**mahmoodallam** · 31-03-2011 05:06 AM

انا نازل

**amado ibrahim** · 31-03-2011 07:07 AM

لما انزل اشوف ايه حكاية الكائنات الثورية الديموقراطية الليبرالية اللوزعية اللى الناس بتقول عليها

هل هما ليهم انف و لا خياشيم

هل عندهم قلب

طب لو عندهم يا ترى بيتكون من كم غرفة

اربعة زينا

تلاتة زى التماسيح

اتنين زى الطيور

عندهم ايدين و رجلين ولا بيطيرو

هل هيمدو انيابهم عشان يمصو دم البورصة المصرية اللى قافلة يوم الجمعة

هل هيسلطو عليك اشعة هس هس
تخليك متعرفش تفتح التلفزيون او النت (اللى الناس ساكنة فيها )
مجرد ساعة بالليل عشان تعرف اراء مرشحى الرئاسة
و توجهات التيارات السياسية المختلفة
و الحوار الوطنى
و الاعلان الدستورى (اعلان مين يمعلم ده 62 مادة غير مادة النشر يعنى تلت دستور و بالباقى عيش)

مش عارف اقول ايه

لما ارجع يوم الجمعة ان شاء الله ابقى احكيلكو عن لقاءات من النوع الثالث

بس ادعولى الطبق الطاير ميخطفنيش