أستاذ ZEZO كلامك صح 100% + نقد موضوعي مني

يا جماعة مع إني من أوائل مالكي الاسبرانزا إلا أن كلام الأستاذZEZO صحيح 100% ونقده جدا موضوعي ، ومش عارف ليه قفلتوا التعليق عليه ؟ وإليكم بعض الملاحظات :

1) الاسبرانزا عيبها الأساسي هو إن سحبها ضعيف جدا جدا لأنها المفروض انها 1600-118حصان - عزم 147 نيوتن ومن واقع اقتنائي للسيارة لمده 4 شهور وعملت بيها 12000كم حتى الآن أقدر أقول ان السيارة فعليا 1300 - 90 حصان - 130 نيوتن وهذا من التجربة الفعلية للقيادة ، لأنك مستحيل تشد مع النوبيرا مثلا أو اللانسر أو التويوتا 1300 حتى ، يا جماعة ده حتى اللانوس شديت معاه وسبقني ، انا مش عارف ممكن أشد مع مين عشان أسبقه ؟!!

2) العفشة ناشفة قوي ومش مرنه حتى بعد التعديل في علبة الدركسيون .

3) الدوكو بتاعها سئ جدا وخفيف أقل حاجة قشرة اللون بتطلع حتى لو حكتها بأظافرك ، أو أقل حكة تلاقي اللون طلع علطول

4) العربية دي كويسة جدا للي كان معاه قبلها 128 فأقل زي 127 سيات 133 - لادا فأقل - شاهين فأقل غير كده ماتنفعش صاحبها أبدا وحيشعر بالندم ، لأن اللي كان معاه لانوس أو فيرنا أو نوبيرا أو لانسر أو تويوتا . . . الخ حتى لو كانت 1300 فهذه الأنواع أفضل من ناحية السحب 1000 مره من الاسبرانزا

5) حد حيسألني طيب ما بعتهاش ليه؟ ، الرد : عاجبني شكلها وكمالياتها لكن سحبها وعفشتها لأ لأ لأ!!! . واحتمال أبيعها قريبا أسوة بالأستاذ ZEZO.

ملاحظة : كان معايا قبلها نوبيرا أوتوماتيك ولا مجال للمقارنه على الاطلاق فرق بين السما والأرض !!

وأمرنا إلى الله [/size]

احييك علي شجاعتك الرائعة....والتى -وللأسف- مش موجودة في الكثير من ملاكها...
و رببنا يصبرك عليها لغاية لمما تخلص منها..و على فكرة!!
اظن ان قوتها تقاس بالحمار :mrgreen: او جايز الحصان الصيني غير الحصان العربي :D (هتلاقيه مفعص كده و عنده انيميا و سل و جرب :mrgreen: )

و ربنا يكملك بعقلك

و دي اوصاف بسبب.....
كسيحة=سحب ضعيف
كئيبة=اوحش شكل شنطة (رأي شخصي)
عويلة=احتاج اوصل الRBM الى 4500 علشان اقتنع انني ممكن انقل للنقلة التانية
عليلة=كثيرة الأعطال
هلوعة=كثيرة الصراخ (بسبب التيل العلليل )
زحلوقة=كثيرة الزحلقة (بسبب البلنص بريك سيستم)
صدوئة=الصدا الذي يعلو الطنابير بسرعة

والله يا أستاذ ZEZO مش عارف أقولك ايه حسرتي في قلبي ، وبأردد دائما ولا يوم من أيامك يا نوبيرا ، لكن ربنا يصبر الجميع لغاية لما نلاقي حل للموضوع ده

وشكرا لك

وانا كمان بحيك على شجاعتك يا أ/ khalidsdk

ورأيك السليم ماهمكش السيارة

المهم مصلحة الاعضاء اللى ممكن تشترى وتقع فى فخ الاسبرانزا

اقتباس:

---

) الاسبرانزا عيبها الأساسي هو إن سحبها ضعيف جدا جدا لأنها المفروض انها 1600-118حصان - عزم 147 نيوتن ومن واقع اقتنائي للسيارة لمده 4 شهور وعملت بيها 12000كم حتى الآن أقدر أقول ان السيارة فعليا 1300 - 90 حصان - 130 نيوتن وهذا من التجربة الفعلية للقيادة ، لأنك مستحيل تشد مع النوبيرا مثلا أو اللانسر أو التويوتا 1300 حتى ، يا جماعة ده حتى اللانوس شديت معاه وسبقني ، انا مش عارف ممكن أشد مع مين عشان أسبقه ؟!!

---

لست معك تماماً في هذه النقطة، قد يكون عيباً فردياً عندك، أنا امبارح كنت رايح فايد لقضاء ويك إند مع الأسرة والشنطة كانت مليانة
خدت الطريق من م العبور لغاية مدخل فايد على طريق مصر اسماعيلية على سرعة ما بين 130 إلى 140، وأول مادخلت الطريق المؤدي إلى فايد فتحت على 160 مع التكييف وعديت وسبقت معظم العربيات اللي قلت حضرتك عليها لدرجة كنت تقريباً أبقى ماشي لوحدي

اقتباس:

---

2) العفشة ناشفة قوي ومش مرنه حتى بعد التعديل في علبة الدركسيون .

3) الدوكو بتاعها سئ جدا وخفيف أقل حاجة قشرة اللون بتطلع حتى لو حكتها بأظافرك ، أو أقل حكة تلاقي اللون طلع علطول

---

معك في هاتين النقطتين تماماً

اقتباس:

---

4) العربية دي كويسة جدا للي كان معاه قبلها 128 فأقل زي 127 سيات 133 - لادا فأقل - شاهين فأقل غير كده ماتنفعش صاحبها أبدا وحيشعر بالندم ، لأن اللي كان معاه لانوس أو فيرنا أو نوبيرا أو لانسر أو تويوتا . . . الخ حتى لو كانت 1300 فهذه الأنواع أفضل من ناحية السحب 1000 مره من الاسبرانزا

---

في شوية مبالغة هنا !!

اقتباس:

---

خدت الطريق من م العبور لغاية مدخل فايد على طريق مصر اسماعيلية على سرعة ما بين 130 إلى 140، وأول مادخلت الطريق المؤدي إلى فايد فتحت على 160 مع التكييف وعديت وسبقت معظم العربيات اللي قلت حضرتك عليها لدرجة كنت تقريباً أبقى ماشي لوحدي

---

المشكلة ان ده معناه ان المواتير بنخرج من عندهم تعبانة اصلا...مفيش مراقبة جودة عندهم دول والا ايه؟؟
حظك طلع حلو و حظى مش مفهوم!!

راجع

http://www.nilemotors.net/Forum/view...er=asc&start=0

اقتباس:

---

المشكلة ان ده معناه ان المواتير بنخرج من عندهم تعبانة اصلا...مفيش مراقبة جودة عندهم دول والا ايه؟؟
حظك طلع حلو و حظى مش مفهوم!!

---

دي مسألة قرف بأة :lol: :lol: :lol:

أنا ليا تحفظات على العربية بس والله كل ما أسافر بيها بأشعر إنها أكثر من كويسة جداً، يعني فعلاً امبارح في مشوار فايد كانت ممتازة ووالله بدون مبالغة كنت حاسس إنها أحسن من العربيات اللي ماشية معايا، لأني لو أردت إني أسحب وأعديهم كانت بتستجيب بمنتهى الكفاءة (المشكلة تكمن في إن مع الأداء الرائع ده تلاقي الواحد في برده شيئ من الخوف وبيقول لنفسه يابني دي صيني) بس بارجع أقول لنفسي إن كوريا مش فارقة عن الصين قوي ماهو لما نزل الكوري كنا بنقول للي هايشتريه انت هاتشتري عربية ورق؟؟!!
يبقى المفروض نسيب الأمر لله واحنا وحظنا، وبعدين هي كويسة أوي على قد الـ 60 ولا الـ 64 ألف اللي اندفعوا فيها ، يعني بصراحة المفروض اللي لبهاجم العربية دي يحط في دماغه إن اللي اشتراها دفع فيها 60 ألف مش 90 ولا 120 ألف عشان نقوله إيه العبط اللي انت عاملته ده؟؟
صح ولا لأ ؟؟!!

بص كده على TESTDRIVE للفيرنا:

http://www.nilemotors.net/Forum/viewtopic.php?t=2150

طب ما دي قريبة من الفئة السعرية...صحيح كماليات اقل..بس اعتمادية اعلى 1000000 مرة

ورغم كده محدش قعد يقول الفرناوية ولا الهيونداوية...ليه؟؟ علشان ناس عارفة قدر عربياتهم و مالهمش في الظيطة :wink:

والله ثم والله ثم والله
انت راجل جدع وعاوز تصقيفه على كلامك ده يا أستاذ خالد
أحييك بشده على هذا الكلام لأنه قليل جدا اللي يقدر يوصل للتقدير الحقيقي للسيارة وهو يمتلكها فعلا لأن ده بتبقى محايده رائعه صعب الوصول اليها بالذات مع الوزه ............... لظروفها العائلية


ومره أخري احييك أحييك أحييك على هذه الشجاعه وربنا ان شاء الله هيعوضك خير ... :D :D :D

اقتباس:

---

خدت الطريق من م العبور لغاية مدخل فايد على طريق مصر اسماعيلية على سرعة ما بين 130 إلى 140، وأول مادخلت الطريق المؤدي إلى فايد فتحت على 160 مع التكييف وعديت وسبقت معظم العربيات اللي قلت حضرتك عليها لدرجة كنت تقريباً أبقى ماشي لوحدي

---

أستاذ / وائل أنا كذلك جبت بيها 180 في طريق العين السخنة وكنت محمل والعربيه مليانه ، أنا أقصد التسارع لما العربية تبتدي تاخذ سرعتها بتاخذ وقت طويييييييل ، وبعدين كون إن حضرتك سبقت كل العربيات في طريق فايد فده شي رائع ، لكم تعال بقه خلي أي عربيه من العربيات اللي انت سبقتها دي يشد معاك فعليا ًويحطك في دماغه صدقني حيجيبك ويسبقك بكل سهوله والمشكله حتلاقيه 1600 زيك أو 1500 وحرقة الدم بقه لما يكون 1300CC ، انا مجرب الموضوع ده أكثر من مره لكن للأسف كنت بأخسر في النهاية.

اقتباس:

---

و دي اوصاف بسبب.....
كسيحة=سحب ضعيف
كئيبة=اوحش شكل شنطة (رأي شخصي)
عويلة=احتاج اوصل الRBM الى 4500 علشان اقتنع انني ممكن انقل للنقلة التانية
عليلة=كثيرة الأعطال
هلوعة=كثيرة الصراخ (بسبب التيل العلليل )
زحلوقة=كثيرة الزحلقة (بسبب البلنص بريك سيستم)
صدوئة=الصدا الذي يعلو الطنابير بسرعة

---

ياجماعة الراجل ده اخف دم فى المنتدى

نورت المندى يا زيزو

THE WISDOM WE CAN TAKE FROM OUR FALIER >>IS MORE WE CAN TAKE FROM OUR SUCCESS

العربية انا مش شايف انها كويسة لسعرها ولاحاجة ....ال 64 الف دول ممكن اجيب بيهم فيات باليو (حتي لو اصغر)اهي بردو فيات و يعتمد عليها او حتي فيرنا /بيكانتو اكيد مفيهمش كل المشاكل دي و هما زيرو و بعدين مفيش شركة محترمة تستمر في انتاج سيارة فيها كل العيوب دي... ده عيب واحد من دول يكفي انهم يسحبوا كل العربيات اللي اتباعت لحد ما يصلحوا العيب (اودي سحبت عدد كبير من عربياتها في المانيا علشان بتحدف و ماقالتش نغير علبة الدركسيون بعد كام شهر!!! و سكودا عملتها و غيرهم)و بعدين اي شركة عربيات جديدة طبيعي تبدأ بموديل واحد او 2 مش تدخل في كل الفئات!!فخم و اقتصادي و 4*4 !!
م/ابراهيم

اقتباس:

---

المشاركة الأصلية كتبت بواسطة ibrahim

العربية انا مش شايف انها كويسة لسعرها ولاحاجة ....ال 64 الف دول ممكن اجيب بيهم فيات باليو (حتي لو اصغر)اهي بردو فيات و يعتمد عليها او حتي فيرنا /بيكانتو اكيد مفيهمش كل المشاكل دي و هما زيرو و بعدين مفيش شركة محترمة تستمر في انتاج سيارة فيها كل العيوب دي... ده عيب واحد من دول يكفي انهم يسحبوا كل العربيات اللي اتباعت لحد ما يصلحوا العيب (اودي سحبت عدد كبير من عربياتها في المانيا علشان بتحدف و ماقالتش نغير علبة الدركسيون بعد كام شهر!!! و سكودا عملتها و غيرهم)و بعدين اي شركة عربيات جديدة طبيعي تبدأ بموديل واحد او 2 مش تدخل في كل الفئات!!فخم و اقتصادي و 4*4 !!
م/ابراهيم

---

اخر استدعاء لاودى سنة 2006 استدعت كل موديلات A8 من الاسواق موديل 2001 :shock: عشان خطأ مصنعى فى الحزام للراكب الخلفى :shock: محدش بيربطه اصلا

حاجة تدعو للتساؤل....امال فين عتاولة الأسبرانزا...والرابطة والمنظمة والناس الحلوة دي؟؟؟
مش هممة اللي حابيينها و طايرين بيها مع ان اظن ان اغلبهم حاجزها بس!!
متيجوا تتفرجوا و تفسرولي اللي حصلي ده حصل ليه يا بشر..؟؟؟؟
بدل ما ناقص تعملوا سلام وطني ليها....تعالو فهموني احسن؟؟؟

الا ان عجزتم عن الرد....فأرجو الا تقوموا بعمل الهيصة دي علشان محدش يمشي وراكو ويلبس :evil:

اقتباس:

---

المشاركة الأصلية كتبت بواسطة Zezo9500

حاجة تدعو للتساؤل....امال فين عتاولة الأسبرانزا...والرابطة والمنظمة والناس الحلوة دي؟؟؟
مش هممة اللي حابيينها و طايرين بيها مع ان اظن ان اغلبهم حاجزها بس!!
متيجوا تتفرجوا و تفسرولي اللي حصلي ده حصل ليه يا بشر..؟؟؟؟
بدل ما ناقص تعملوا سلام وطني ليها....تعالو فهموني احسن؟؟؟

الا ان عجزتم عن الرد....فأرجو الا تقوموا بعمل الهيصة دي علشان محدش يمشي وراكو ويلبس :evil:

---

على فكره يا زيزو أنا اول مره أعلق في أي حاجه انت بتكتبها فاياريت تسمح لي أعلق على أخر مداخله لك

ممكن؟

طيب ماشي

بـُص يا سيدي إللي أنا فهمته من موضوعاتك أنك بتحكي عن تجربتك الشخصيه مع العربيه وطبعا نيتك خير وعاوز ماحدش تاني يتغش في العربيه دي وينوبك ثواب أنك ماحبتش إن حد تاني يتدبس زي ما أنت أتدبست

أنا كده فهمت قصدك ؟؟؟؟؟

طيب

المداخله الأخيره دي أنا فهمت منها أنك بتنكـُش الناس أصحاب الأسبرانزا إللي هما أشتروا خلاص وبيحاولوا انهم يجدوا حلول للمشاكل الموجوده بالسياره مثل عمل رابطه وخلافه

أنا كده فهمت المداخله الأخيره دي ؟

لو انا مافهمتش ونبي فهمني وأكسب فيا ثواب

ولو أنا كده فهمت صح إن قصدك من المداخله الأخيره أنك تسخن الموضوع بينك وبين ملاك الأسبرانزا يبقى أسمح لي انت كده خرجت عن الموضوع وهدفك السامي وبعدت عن الثواب إللي بترجوه من ربنا وكمان هاتبدأ تكسب أعداء من خلال الحوارات دي

أنا مستني منك التوضيح يا زيزو باشا


أنا كررت تعليقي لك لأنك كررت نفس المداخله في عدة موضوعات
http://www.nilemotors.net/Forum/viewtopic.php?p=19664

اقتباس:

وأكسب فيا ثواب


اكسب الثواب ان شاء الله
يا سيدي انا اللي حصلي ده كان قبل ما اعرف اي حاجة عن السايت الجامد ده..و ملاك الأسبرانزا ربنا يباركلهم على الاخر..ويارب كده تفضل عربياتهم سليمة كده و زي الفل دايما...ويشفيهالهم
اقتباس:

يا سيدي إللي أنا فهمته من موضوعك أنك بتحكي عن تجربتك الشخصيه مع العربيه وطبعا نيتك خير وعاوز ماحدش تاني يتغش في العربيه دي وينوبك ثواب أنك ماحبتش إن حد تاني يتدبس زي ما أنت أتدبست



ده هوة المطلوب اثباته...وانا مش عايز انكش حد ولا اضايق حد...وعلى رأي المثل:حمارتك المشلولة تغنيك عن سؤال الئيم

بس متبقاش مشلولة و عرجاء...واعملها فيراري؟؟ صح واللا ايه؟؟

واللي اكتشفته في اليومين اللي فاتوا ان اللي حاصل هوة العكس....بدليل ان محدش رد

و انا هحاول اكسب ثواب على قد ما اقدر

احنا ماشيين كويس من الصبح فيه ايه عايز افهم يازيزو

أ.khalidsdk
اولا احييك على شجاعتك و كلامك الصريح المعروف لكل مالكى الأسبرانزا بس علشان ماركبوش عربيات تانيه فمش مقتنعين و حاسين ان هى دى العربيات ............
ثانيا , انت فين يا عم و انا بهاتى بقالى 7 شهور ان العربيه دى مش حلوه و مش كويسه و مقلب للى يشتريها و و و و , و فى الأخر بتحارب من اللى حاجزين و اللى لسه شاريين ؟؟؟؟ و للا كل ده كنت بتجرب العربيه هههههههه , يا اخى دى سوقتها من اول مره 5 دقائق نزلت قولت كل العيوب و ماحدش صدقنى و قالوا كل ده فى خمس دقايق ...... و ركبتها و سقتها تانى اكتر من 10 مرات علشان يمكن اكون ظالم العربيه و طلع ان العربيه هى اللى ظالماهم و بيطلعوه فيا ههههههههههه
a7'ook
Sherif

اقتباس:

---

المشاركة الأصلية كتبت بواسطة sh_masry

أ.khalidsdk
اولا احييك على شجاعتك و كلامك الصريح المعروف لكل مالكى الأسبرانزا بس علشان ماركبوش عربيات تانيه فمش مقتنعين و حاسين ان هى دى العربيات ............
ثانيا , انت فين يا عم و انا بهاتى بقالى 7 شهور ان العربيه دى مش حلوه و مش كويسه و مقلب للى يشتريها و و و و , و فى الأخر بتحارب من اللى حاجزين و اللى لسه شاريين ؟؟؟؟ و للا كل ده كنت بتجرب العربيه هههههههه , يا اخى دى سوقتها من اول مره 5 دقائق نزلت قولت كل العيوب و ماحدش صدقنى و قالوا كل ده فى خمس دقايق ...... و ركبتها و سقتها تانى اكتر من 10 مرات علشان يمكن اكون ظالم العربيه و طلع ان العربيه هى اللى ظالماهم و بيطلعوه فيا ههههههههههه
a7'ook
Sherif

---

مين قال إن مالكي الاسبيرانزا ما ركبوش عربيات تانية

هو لازم الواحد يتمنظر بالعربيات إللي ركبها علشان يتقال عليه خبير و بيفهم

أنا بجد مستاء جدا من الكلام اللي عمال يتقال علينا كأعضاء (مالكين أو حاجزين للعربية) ، بجد كلام ليس فيه أي إحترام لينا بأي شكل

هاجموا العربية اشتموها ، والعوا فيها بجاز ، بس علشان واحد يجي يقول (أصل دول ماركبوش قبل كدة - أصل دول مش عايزين يصدقوا - أصل دول بيضحكوا على نفسهم و الناس) و كلام غريب من ده ، لا يمكن يقبل لا النهاردة و لا بكرة و لا في أي وقت و لا من أي حد، لا تحت بند الحرية الشخصية و لا تحت بند الهزار، ده ممكن يندرج بس تحت بند الفتاوي

الغريب إن ماحدش فينا بيهاجم أي مالك من ملاك الماركات التانية ، و لا حد فينا اتهمه إنه مش بيفهم أو انه اضحك علية (يعني عقلوا على قده)و لا إنه غشيم مش بيفهم في العربيات و لا إنه محدث نعمة و أول مرة يركب عربية فحد باعلوا التورماي و هو فرحان بيه و لا حاجة من ديه

أنا في النهاية بجد خلاص ،

آسف جدا ليكوا علشان حجزت العربية
و آسف جدا ليكو إن أنا جيبتها

و أنا إللي أستاهل الكلام إللي بتوصفونا بيه علشان فكرت أركب عربية بسعر معقول

و أنا فعلا لسة محتاج أتعلم إزاي ما يضحكش عليا و أشتري التورماي

متزعلش يا محمد بيه . وانا لسه بطالب المشرفين باستقدام دكتور نفسانى للملاك والحاجزين والى بيفكر يحجز .

ههههههههههههههههههههههههه هههههه

معلهش انا ملقتش حل تانى


السلطان ابو النجا الاول

خلاص يا جماعه وائل عطيه قال الخلاصه و اعذروهم بقى

اقتباس:

---

متزعلش يا محمد بيه . وانا لسه بطالب المشرفين باستقدام دكتور نفسانى للملاك والحاجزين والى بيفكر يحجز .

ههههههههههههههههههههههههه هههههه

معلهش انا ملقتش حل تانى

---

شكرا سيدي الفاضل بس سؤال كده ع السريع اللي اشتروا البولينيز والتاتا ومازوالوا يشتروهم ويتاجروا فيهم ماذا يحتاجون

والله يا أستاذ خالد أنا بجد ما يهمنيش اتهم يتكلموا على العربية كدة و لا إنهم يطلعوا عليها سمعة و لا أي حاجة

بس علشان حد يتهمني إني:
1- كذاب و عايز أضحك على الناس و أخليهم يشتروا عربية معيوبة
2 - إن أنا محدث نعمة.
3 - إن أنا ما بفهمش حاجة.

و بكلام مباشر و صريح ، فعلا بدون ذكر أسماء بس موجه لناس تحمل صفة معينة ، يا عني مباشر

إزاي أقبل ده

طيب أنا ممكن الآتي:
1 - أبداء بتحضير ملف عيوب كامل عن بعض المركات.
2 - و أبداء أسرد هذه العيوب (عن تجارب شخصية برده) واحدة و احدة.
3 - و بعدين هابداء أهاجم الناس إللي راكبة العربيات ديه و أتهمهم إنهم إشتروا التورماي و إن عربياتهم ديه ما تساويش إن أقول عليها عربية.
4 - هابدأ أعمل دعاية سيئة ليها و أطلع على العربيات ديه سمعة.

سؤال مهم جدا، السيناريو السابق ده ما حدش فيكوا بيشبة عليه؟؟؟؟؟؟؟؟؟؟؟

مش هو ده إللي حصل بالتدريج معانا هنا

بكرر كلامي ، هاجم السيارة و قول رأيك بمنتهى الحرية و الموضوعية و الأدلة، لكن لا تسفهة من مالكيها و حاجزيها

مع ملاحظة إن مالكيها هما أكتر ناس و أول ناس قالوا على بعض العيوب البسيطة المتفرقة معهم و أعلنوا عنها بمنتهى الأمانة و الموضوعية، و هما بردة أصحاب الآراء الموضوعية في الرد على أي مستفسر بيسأل عن أي مقارنة (وإللي مش مصداقني، يروح يراجع الردود على المستفسرين ، و يحكم مين معتدل و مين بيبالغ)

أنا يا جماعة متابع بتركيز شوية بقالي أسبوع المنتدى، و بجد عمال أراقب و أقيم و أحسب عدد المشاركات الإيجابية (التي بها معلومات حقيقية) و عدد المشاركات الغريبة و المتكررة في كل مكان بشكل غريب و ملفت للنظر و يضع ألف تسؤل و علامة إستفهام بجد، عرفين لاقيت إيه:
1 - المشركين الأساسيين في المنتدى إنسحبوا بهدؤ.
2 - المشاركات المتكررة (الغريبة) من وجهة نظري الشخصية، تمثل أكثر من 70% من المشاركات.
3 - المشاركات المفيدة حقا و التي توفر معلومات نسبتها ضئيلة أقل من ال 30% الباقية ، حيث إن الباقي مشاركات ممكن تكون إجتماعية أو هزلية.
4 - عدد المشاركات من المشاركين من خارج منتدى الاسبيرانزا (غير مالكين) تقريبان يساوي 50% من عدد المشاركات و قد تزيد النسبة قليلا.(ظاهرة غير صحية و تفقد منتدى الاسبيرانزا مصداقيته).

ادينى اقتراحاتك على الخاص لو سمحت علشان انا زهقت كل ما أحاول أنظم مكان للعيوب و مكان للمؤيدين يبوظوا كل حاجه عاجباهم الفوضى كده و لا ايه؟

انا شايف والله ان اقتراح د/ ايهاب بدر هو اسلم شىء وهو عدم الرد . لان بعد المناقشه بتلاقى الموضوع اخد بعد

شخصى بعيد تماما عن الموضوع وتلاقى نفسك حضرتك مضطر ترد وتدافع وكلمه منك على كلمه منه تاهت المواضيع

وتحول المنتدى الى قالى وقلتله .فانا شايف بعد اذنكه يكون الرد على اد السؤال لو فيه سؤال فنى بعيدا عن الكلام الى

ملوش لازمه . لكن لو صديق خد وادى معاه زى منته عاوز . وطبعا لو سلطان يبقه الرد عليه واجب

ههههههههههههههههههههههههه ههههههههه



السلطان ابو النجا الاول

هذا الموضوع منتهى و شكرا