الموضوع: الفرق بين انواع الفيمية

المشاركة الأصلية كتبت بواسطة momohsen

انا كنت فى شارع دمشق وسألت على الفيمية عند ابراهيم عالم الباجات قالى فية نوعين:
1.النوع الاول فيمية عادى و دة بيتكلف حوالى 70
2.النوع الثانى فيمية ضد الخدش و دة اللى بيركب هناك قالى افضل كتير و بيتكلف حوالى 160
هل يا ترى حد ركب النوع الثانى و حس انة افضل فعلا

انا ركبت النوع التانى وفعلا احسن بكتيييييييير من النوع العادى
وعلى فكرة بردو جربت الفاميه العادى ابو 20 و25 فى عربية تانية العربية التانية الفاميه بتاعها باظ مرتين وغيرناه

انا اول مرة اسمع عن النوع التاني دة
انا بفيم علي طول
واساسا صاحبي فاتح محل اكسسوارات وبادجات وفامية وكدة وبكون قاعد معاة علي طوول
انا مفيم العربية كلها ل50 جنية

معلومة للي مايعرفش..

أنا ليا صاحبي عنده محل اكسسوارات عربيات..

الفامية بينزل جملة بسعر 5 جنيه ونص للرول الصيني و 8 جنيه للرول التايواني !!
والكرتونة بتنزل مشكلة من جميع الدرجات..

العربية بتاخد رول ونص
مفيش عربية بيكفيها رول واحد أبدا..

يعني اللي يقولك افيملك عربيتك بأكتر من 50 جنيه يبقى بيستهبل علني
واللي يقوللك معلش اصل الدرجة اللي انت مختارها أغلى من العادي يبقى برضه بيستهبل..

ولو رايح لصنايعي شاطر وعاوزه يفيملك عربيتك ماتسيبهوش يغلي عليك..
اشتري انت الفاميه واتفق معاه على مصنعية إيده..

رول الفاميه تعرف تجيبه بـ10 - 12 جنيه من التوفيقية بعد الفصال..

هاتجيب اتنين ويبقى يفيض معاك نص رول العب بيه براحتك عالفوانيس أو أي حاجة

انا عن نفسى جبت رول الفاميه من التوفيقيه ب 10 جنيه و بيبسى و حركات ب 5 جنيه يعنى اجمالى 15 جنيه و انا اللى عملته بنفسى ... و مش صعب هو عايز صبر بس ... خصوصا فى الزجاج الخلفى علشان لو فيه بومبيه مش هاينفع يتلزق كله مره واحد ..و لازم يتقطع 3 او 4 شرايح
الحوار بياخد حوالى ساعه مثلا او ساعه و نص

المشاركة الأصلية كتبت بواسطة momo44

هتفرق ايه كله على بعضه
او شرائح
؟؟؟؟

انه هيبقى فيه هوا ( فقاقيع فى الفاميه ) لو كله على بعضه و بالتالى صعب انك تتحكم فى الحجم ده كله ... انما شرايح بتقدر تتحكم فيه احسن ( عشان الشريحه حجمها اصغر ف التحكم فيها افضل) و ده اللى بسمعوا يعنى و بشوفوا بيتعمل ( و انا لما عملت الفاميه كانت شغاله كويس المتعب بس انك تظبط الخطوط مع بعضها و ماتبقاش لا كبيرة اوى ولا فى فرق مابينهم ) ... و لو اتعمل حلو مش بيبان غير الصبح بس ( 3 او 4 سطور كده اللى هى الفواصل )

السلام عليكم ,
اسمحولي اشارك معاكم برائيي المتواضع ,
اولا" ابدأ بسؤال واحد فقط , لماذا تريدون لصق فامية علي زجاج سيارتكم ؟
1-الرد الأول ( شقاوة وروشنة )
2- الرد الثاني ( لعزل الحرارة عن السيارة )
أما بالنسبة لأصحاب الرد الأول فأقول , ربنا يهديكم ويصلح بالكم وبلاش الشقاوة داخل العربيات لأنكم علي طريق وربنا هو الستار.
أما بالنسبة لأصحاب الرد الثاني فأقول عن خبرة ودراسة وتجربة , هذا الفامية خطر جدا علي السيارة وعلي صحتكم لأنة لا يعزل الحرارة ,بل يحتفظ بها ويمتصها من الخارج ويشحنها بسيارتكم , وهذا يوثر سلبا علي الكراسي والتابلوة وعلي اداء التكييف ومحرك السيارة , وتخزين الحرارة يؤثر علي صحة الاشخاص وبالذات الاطفال عند دخول السيارة , ولذلك ينصح بتهوية السيارة جيدا قبل ركوبها , ويوجد فامية مخصص للعزل الحراري ببعض الشركات العالمية المتخصصة بمصر ,مثل في كوول و الليمنيور ,وتتفاوت اسعر التركيب حسي لون الفامية , كلما كان شفاف اكتر والرؤية واضحة يكون السعر أغلي .
ولكم تحياتي