يا خبراء ساعدووووني انا هتجنن .. عندي في عربيتي الجهاز الصيني اللي فيه راديو اف ام و مدخل للفلاشة و كارت الميموري
المشكلة انه و العربية واقفة بيقرى الفلاشة عادي و تقلب الاغاني و تسمع كل اللي على الفلاشة من غير تقطيع
لكن بعد ما امشي بالعربية شوية الاقي الجهاز هنج و كتب على شاشته ارقام غريبة و ساعات ما يكتبش حاجة يرستر تاني لوحده
ارجو الحل انا غيرت 4 فلاشات و 3 كروت ميموري و برده نفس المشكلة
هوا تقريبا عاوز عربيه معفنه عشان يشتغل فيها
شغال زي الحلاوه في الميكروباصات والتكاتك
المشكله في البيئه المحيطه
تلاقيك بتشغل عمرو وتامر والناس دي
جرب تحط عالفلاشه بعرور ومحمود الحسيني حتلاقيه اشتغل
يا باشا انا مشغله في عربية لادا و بشغل شعبي مهرجانات هههههههههههه
ارجو الحل يا عباقرة
السلام عليكم ورحمة الله
هو الحقيقه الجهاز ده أثبت فشله الزريع بيبوظ ولاعات وفلاشات ومبيشتغلش عند حد
بدل التعب تشتري كاسيت بيقبل الفلاشه أو تحول الكاسيت بتاعك يشتغل بالفلاشه
يا باشا انا الكاسيت بقولك اللي هو فيه فلاشة و كارت ميموري و من غير ولاعة ولا حاجة بياخد باور عادي و يركب فيه السماعات و يشتغل
بجد انا تعبت بقالي 4 شهور في المشكلة دي
يرجال ارمى و هاتلك الميتسوبيشى انضف منة و احسن منة و ناس كتيرة بتشكر فيه
يمكن عيب فى كهربه العربيه على الدينمو
لانك بتقول انه شغال على البطاريه ممتاز
حاول توصله طرفين مباشر من البطاريه وتحطله مكثف(كندنسر)
اقتباس:
المشاركة الأصلية كتبت بواسطة rotanamasoud
وصلته مباشر من البطارية و حطيت كوندنسر بس برده نفس المشكلة
انا اظن المشكلة في الجهاز نفسه يمكن؟
ولو المشكلة في الجهاز يستاهل اوديه لحد يصلحه ولا ايه
العيب فى حاجه متصله بكهربه العربيه
دينامو
بوجيهات
اسلاك بوجيهات
اى حاجه بتعمل شوشره على الكهربا اللى متصله بالبطاريه
كان عندى mp3 الولاعه بيعمل كده والعيب طلع من الدينامو
ارميه وهاتلك كاسيت نضيف احسن
دة عيب تركيب مش عيب كاسيت ابدا
وبعدين هو الكاسيت ايه اصلا