السلام عليكم
اخي الكريم كيف حالك
دلوقتي انا عايز اسالك يعني ايه غالية ويعني ايه رخيصة ونسَبها ازاي واكيد مقارنة طبعا بالكوري
اولا انواع قطع الغيار نفسها وثانيا العمر الافتراضي نفسه
بالنسبة لانواع قطع الغيار ... هتلاقي الياباني الاصلي في التوكيل وقطع غيار ياباني وتايواني وصيني وطبعا الياباني الاصلي اغلي من انواع الياباني التانية اغلي من التايواني اغلي من الصيني وهكذا
فهتلاقي الياباني دائما اغلي من الكوري .... ده الظاهر بس ..
لكن لو جيت حسبت العمر الافتراضي لقطعة الغيار الياباني انها ممكن تقعد لضعف مدة الكوري اللي هي بتاعه بلدها اصلا
اكيد ساعتها مش هاتبقي غالية
وبفضل الله العربية والله اللي سمعت فيها كلمة حق من صاحب محل قطع غيار محترم ومعروف في جسر السويس ان العربية ديه محترمة جدا وعفشتها بتقعد اطول وقطع غيارها معمرة عن اللانسر
وهو نفسه اشتري صني ما اشتراش لانسر .
بالنسبة للتوكيل ... اكيد طبعا اي صيانة توكيل بتبقي اغلي من اي صيانة بره
بس بيضمنلك ايه؟؟؟
1- سرعه ودقة الصيانة سواء دورية او صيانة شاملة
2- تغير كل جزء معطوب بجزء سليم تماما يوافق باقي العربية علشان ميبوظش حاجة تاني.(وفي حالة الصني يبقي قطع غيار ياباني)
3-اي قطعه غيار بتركب بيبقي ليها ضمان عند التوكيل وممنك تقعد بالشهور غير بره طبعا اول ما تشتري الحاجة صاحب المحل ولا يعرفك.
كفاية بس ان شغلهم بس في النوع ده ... يعني حفظوا العربية مسمار مسمار وهيعرفوا يحلوها وبسرعه ان شاء الله
ولو حولت الموضوع ده كله فلوس هتبان انها غالية بس انت ماشي بالعربية مطمن بفضل الله وتعتمد عليها
وفي الاخر برده .. اسعار صيانة التوكيل مش اللي هي تخض
يعني اعلي صيانة للعربية في حياتها صيانة ال40000 وهتعمل حوالي 1000 -1200 علي ما افتكر
المبلغ ده والله دفعته في يوم واحد لحتة بلاستيكة للبولو ..... فتوكل علي الله ومتنساش الاستخارة والله المستعان
وربنا ييسرلك كل خير ان شاء الله
اقعد بالعافية
المفضلات