عرض للطباعة
السلام عليكم
انا اشتريت امبارح لانسر 2003 1300ccبومه فابريقه بالكامل برة وجوة بدون خرابيش على الاطلاق عامله 100 الف كيلو كانت مرفوعه سنتين وكاوتش وبطاريه جديدة انا جبتها 63 الف ياريت اعرف السعر دة كويس ولا لاء ويا رت اعرف كمان افضل طريقه لاستخدام الفتيس الاوتوماتيك وكيفيه المحافظه عليه واسعار قطع الغيار واى موضوع متعلق بيها
وشكرا للاهتمام
تفضل يا باشا موضوع شامل وعام بس للمكواة وهي نفس الموديل 2003 وحاجات للفتيس الاوتوماتيك
http://www.nilemotors.net/Nile/16669...02-2003-a.html
الف مبروك ربنا يباركلك فيها المكوة جميلة برضوا و2003 حلوة
الف شكر يا جماااعه على الاهتماام بس يا ريت لو اعرف السعر كدة حلو ولا ايه
باشا انا اسف على الازعاج بس الموضوع دة انا شفته قبل كدة ومفيهوش طريقه استخدام الفتيس والغيارات الى فيه دى بتاعت ايه انا مسوقتش اوتوماتيك قبل كدة وعايز اعرف بتاع ايه ال1 وال2 وال3 والl وامشى ازاى والكيك داون دة فين وهل في اوفر دريف او هولد زى الاوبترا ولا لاء وطريقه النقل الصحيحه بين الغيارات وزاى الفتيس يكون بايظ مع العلم بانى يا دوب دفعت عربون 200 جنيه بس ولسه هستلمها يوم الاحد فممكن بردو اعرف عيوب الفتيس واجربه ازاى وايه لمض الاعطال وفيها اير باج واى بى اس ولا لا يعنى حجاااان كدة
وسمعت ان فلتر البنزين ب550 جنيه الكلام دة صحيح ولا ايه
معلش انا طولت عليك بس ارجو الافادة
http://www.nilemotors.net/Nile/208791-a.htmlاقتباس:
المشاركة الأصلية كتبت بواسطة sherif309
ممكن حضرتك تلاقى كل حاجه هنا
بالنسبه للاوفر درايف مفيهاش
ايوة فعلا فلتر البنزين بالنسبة للبومة 550 جنيه فى التوكيل اسال فى التوكيل بكام لمويل عربيتك مش شرط يكون غالى برضوا على حسب شكلهاقتباس:
المشاركة الأصلية كتبت بواسطة sherif309
أول شكل للبومة..ولا أخر شكل للمكوة؟؟
عموما
السعر لوووز جدا على فكرة .. لو حالتها زي مانت بتقول فابركية بره وجوه وماشية قليل وكاوتشها جديد
مبرووووك عليك
الى هجيبها ان شاء الله اول شكل البومه وهيا زى ماقولت قبل كدى فابريقه بالكامل بدون خدوش برة وجوة نهائى وعامله 100 الف
بس انا ليا استفسار انا عربيتى الى معايا دلوقتى اوبترا 2005 راشه بالكامل من برة وحته بسيطه فى الشنب وصجها خفييييف جدا هيا طبعا سحبها والكيك داون بتاعتها تعدمهم وبتجمع بسرعه جدا وثابته على الطريق وتكيفها تلاجه ومبياثرش على الموتور بنسبه ملحوظه بس بردو حاسس انها من جوة تعبانه يعنى الببان بتزيق والكراسى والتابلوة
مش عارف اختيارى بالانسر 2003 1300ccصح ولا كنت جبت نيسان 2005 او 2006 كامله كانت هتفرء ال1600 ولا كنت شفت اوبترا تانيه حالتها انضف
يا ريت تفديدونى عشان انا هخلص يوم الاحد الى جاى ان شاء الله
لا طبعا لانسر بلا تردد ال1300 فى الانسر احسن من 1600 فى النيسان وعربية محترمة وقوية وجرايا وبعدين بقى لو ليك فى اللعب احسن عربية يتسقطلها مواتير وعفشة وبتكون محترمة انا لسة شايف كولت مسقطه موتور 2000 مايفك 6 سلندر
شكرا يا جماعه على الردود والافادة الحلوة دى بس يا ريت حد يكمل جميله ويقولى ال L فى الوتوماتيك بتاعت ايه وامته استخدمها وليه كمان مفهاش اوفر درايف وهيا فيها ABS , Air bag ولا لاء وبعدين وانا بجرب العربيه كانت بتسقف فسئلته قالى انه كان حاطط بنزين 80 اعمل ايه عشان افوق العربيه واجيب قطع غيار منين ومتكنش غاليه
ان شاء الله هرفعلكم صورها عشان تشوفوها وتقولولى رايكو بردو
اة كمان لو حد يعرف العقد المسجل بيتكلف كام والضريبه والتأمين بكام عشان انا بردو هنقله باسمى على طول
العقد المسجل بحوالي 1250 جنيه والضريبة تقريبا 165 جنيه
الl ده بتستخدمه فى الطلعه بس زى الاول كده فى المانيوال وبعدها بتجيب l2 وبعدها 3ودول ينفعو اوى فى مطالع عشان متبقاش محمل جامد على الماتور حكايه الاوفر مش عارف ليه مش فيها بس تعملها كيك داون احسن من الاوف درايف الى اعرفه انها فيها اير باج للسائق حكايه البنزين فى خبراء كتيير هيفديوك عشان مافتيش بالنسبه لقطع الغيار موجوده فى كل حته والاسعار معقوله العقد المسجل انا كنت عامله 1600 جنيه شويه مش فاكر بالظبط والتامين اخر مره دافع 110اقتباس:
المشاركة الأصلية كتبت بواسطة sherif309
والف مبروك وربنا يباركلك فيها ويكفيك شرها باذن الله
شكرا يا باشا على الرد الجميل دة وياريت الخبراء يفيدونى بالنسبه لموضوع نضافه الموتور من البنزيز ال80 الى كان فيها
وبعدين هوا العقد كدة مش يبئه غالى اصلى كان معايا نيسلن صنى 2001 1300cc وكنت عامل عقدها المسجل ب825
انا دفعت كتير عشنا هى 1600 وموديل السنه فبتفرق من سنه لسنه وحسب سعه الماتوراقتباس:
المشاركة الأصلية كتبت بواسطة sherif309
ارجو الافادة مرة تانيه يا جماعه يعنى الانسر 2003 بومه دى وفابريقه بالكامل وعامله 100 الف بس حلو عليها 63 الف لان فى ناس عارضه عربيات على كونتاكت كارز 2007 وبيتكلمو فى 62 الف وبردو فابريقه بالكامل انا احتر وفى ناس كمان بيقولولى ان ال2003 تكون غاليه اوى بالسعر دة وان ال2007 ال1300cc يا دو ب62 الف كفايه موووت عليها انا بصراحه مش مسدء لان انا شايف المكوة ال2001 و 2002 ببيتكلمو فيها لحد 60و64و65 وبتكون راشه كمان يعنى كدة ال2003 البومه متهيالى دة سعر فير موت عليها انها تكون ب63 الف جنيه
ارجو الافادة من خبرا التسعير لانى هستلم الانسر ال2003 البومه يوم الاتنين ان شاء الله وخايف ادبس ويكون كدة سعرها عالى
مع احترامى للناس الى عارضه عربيات على كونتاكت كار انا نزلت السوق انبارح العربيات كلها شده العربيه الى لفتت نظرى واحده 2005 خليجى هاف طالب 87000 فحضرتك ياريت متسمعش كلام حد الف مبروك على العربيه ومدام العربيه عجباك خلاص فى هنا فى المنتدى موضوع عن تسعير السيارات هحاول اجيبهولكاقتباس:
المشاركة الأصلية كتبت بواسطة sherif309
http://www.nilemotors.net/Nile/163941-a.html
خش هنا وهتعرف كل حاجه باذن الله موفق فى الاختيار
اولا مبروك العربيه ولو هي فابريكة فعلا بره وجوه يبقي السعر ده سواء بومة او مكواة ممتاز كاملة اوتوماتيك تاني حاجة الاوبترا اغلب خامات صالونها بلاستيك وناشف جدا ولما الواحد اصلا بيضغط عليه بيزيق فعلا ودى حاجه سيئه في العربيه دي فمعتقدش انك جربتها مرة هتجربها تاني طالما الصالون يهمك اعتقد اللانسر بخاماتها تكسب فلتر البنزين الداخلي الي بيبقي جوه التنك ايوة سعره عالي بس بيتغير كل فترة طويلة والفتيس الاوتوماتيك بتاع ال1300 مكدبش عليك ضعيف لانها 1300 بس ممكن تستخدم غياراته المانوال لو حبيت تحس بسواقة رياضية وتحكم زي المانوال بس تراعي انك تنقل بدري والموضوع مع التعود والتفاهم مع العربيه هتحفظ نقلاتها وتتحكم فيها عن طريق الدواسة
يا باشا الف شكر على الافادة الجميله دى
انا فعلا بستخدم الغيارات المنوال احيالا مش على طول لانى اصلا مبجريش واحب العربيه تجمع برحتها
بخصوص الفلتر انا اشتريت امبارح واحد من الشرقاوى بتاع جسر السويس ب150 يبانى كان فى اصلى ب550 وتيوانى 100 انا فضلت اليبانى وفلتر الزيت ب25 جنيه وفلتر الهوا ب65 جنيه يبانى بردو
بس كان ليا استفسار لمبه البنزين لما التانك بيفضى مبتنورش عندى هل دة ليه علاقه بالعوامه والا اللممبه محروقه مع العلم بانى لما بحط بنزين العداد بيرفع ولما البنزين بيخلص العداد بينزل وكمان اضاءة التابلوة ضعيفه جدا هل حد يعرف حد بيبيع لمض اقوى شويه من الى راكبه فيها مع العلم بانى بعرف افك التابلوة والعدادا وبكر التكييف
تانى حاجه الازاز بيرفع بطيئ شويه هل فى حل للموضوع دة
تالت حاجه ودى المهمه انا حاسس ان صوت الموتور عالى نسبيا وبسمع صوته وانا جوة العربيه ايه الحل وهل لو غيرت الزيوت والفلاتر ونضفت البوابه الموضوع دة هيتحل
رابعا ايه هوا استخدام الl بالظبط لانى احيانا بجيبه وبمشى عليه فبلاقى العربيه نقلت بردو رغم انه المفروض انه الغيار رقم 1 يعنى العربيه متنقلش الا اما انقل على 2 و 3 وكدة يعنى
ولا هوا بيتنقل بين الثلاث غيارات ومبينقلش على الرابع ويحرق على الغيارات التلاته شويه يعنى يقسم عزم العربيه على 3 غيارات بدل 4 ودة بيدى عزم اكتر
امبارح كنت رايح اخرط الطنابير الى ادام عشان كنت حاسس برعشه فصدمت انا وبتاع الفرامل لما لاقينا الطنابير اول مرة تحل والتيل الامامى الاصلى الى بينزل فى العربيه
شكرا انا اسف انى وجعت دمغكو
شوف يا شريف باشا اي حد بيشتري عربيه مستعمله بيعمل تشيك عليها من كله وبيكع شوية فااستحمل معلش طالما العربيه اساسيتها كويسة وعجباك وصاحبها القديم كان مهمل اول حاجه هتحتاج شوية شغل عند الكهربائي زي انه يشوفلك اللمبة بتاعت البنزين ويغيرلك لون العدادات لو عاوز .. وفي زرار لتعليه وتوطيه اضاءه التابلوه في اخر الشمال تحت وانت قاعد ...... الغيارات المفروض مبتغيرش هديلك مثال تقريبي اول سرعه هتلاقيه جابت اخر علي 40 مثلا والعربيه هتفضل صوت بس يعلي وطبعا دة غلط ال2 هتلاقيه بيوصل ل80 ولو حرقت جامد اوي ممكن يوصل ل100 بطلوع الروح ..... النقطة الي انت مفهمتهاش انك لو فضلت جايب النقله 2 بس ... ومن الثبات بدات تتحرك طبعا العربيه هتاخد اي نقله قبلها اوتوماتيك عادي لغايه ماتوصل للنقله الي انت واقف عليها .... ولو واقف علي 3 هتلاقي العربيه عاديه جدا لغايه سرعه 80 او 100 تقريبا وبعدها هتحس انها بقت مانوال ومتكلبشه في الغياره التالته فقط .... ياريت تنضف الرشاشات وتصين الموتور خصوصا السيور للإطمئنان وابقي هات علبة الي هي منظف وقود وحطها مع تفويلة 92 فوق بيها العربيه شوية عشان تنضف واللانسر عزل صوت الموتور عن الصالون جوه ضعيف شوية خصوصا ال1300 في السحب صوتها عالي دة الي انا بلاحظه.... اي استفسار تاني احنا كلنا معاك متتأسفش بكرة تتعود وتتعلم زينا
يا جماعه كبوت العربيه بتاعتى رافع عن المعتاد مع العلم بانها متخبطتش ومحصلهاش حاجه والاقفال سليمه كلها
انا رافعلكم صور عشان تفيدونى
http://img822.imageshack.us/img822/2633/07042011169.jpg
http://img263.imageshack.us/img263/2859/07042011170.jpghttp://img192.imageshack.us/img192/4718/07042011171.jpghttp://img830.imageshack.us/img830/7617/07042011173.jpg
الفانوس من ناحيه الرفرف مفارق والا عادى
ايوة مفارق شويه بس مش كتير يعنى
ممكن اصورهولك لو حابب
هتلاقى حضرتك ريحت على حد او حد خبطك وانت واقف عشان كده الاكصدام والفانوس نزلو لتحت سنه روح لاى سمكرى هييظطهالك انا كانت حصلت عندى وروحت لسمكرى جنب البيت عندى عملها ظبط الفانوس والاكصدام
شكرا لمساعدتك