الموضوع: developer interview

Senior Java Developer
Using:
EJB3 , Hubernate, JSF, Servlets, JSP, UML, ATG, SQL sever, Oracle ... And others

Certified IBM Developer
Certified CIW Professional
Certified PSP & CMI
..... And others

WELCOME MY FIELD COWORKERS

المشاركة الأصلية كتبت بواسطة mailo

عارف إيه الفرق بين إنك تروح تشتغل عامل في موقع وإنك تروح تشتغل مهندس ؟؟


ياما تروح على حاجة جامدة و position محترم ياما متروحش عشان من الآخر ومثال على واحد صاحبي هتروح تتمرمط هناك فالشعل ومش هتحقق اللي انتى عايزه وتيجي ترجع عايز تشتغل أولا مش هتعرف ترجع على فين
ثانيًا هتاخد وقت على ماتعرف تتأقلم هنا ثالثا لما تروح هناك ممكن أصلا متشتغلش developer وساعتها بعدم إنت حطت السفر في دماغك هتسافر لو technical support

تاني واحد من صحابي سافر قعد في دبي 5 سنين ورجع يدور على شغل ملقاش حاجة تناسب ال qualifications بتاعته ولما لأ حاجة معرفش يعيش من المرتب اللي كان بياخدوا وأنا محس بأتكلم على 5000 أنا بأتكلم في أكتر من كده بكتير


بص في وجهة نظري أنا لو هسافر يبقى أسافر عشان أعيش هناك مش عشان أشتغل سنتين 3 وأرجع
مالهمش لازمة و experiance مش زي اللي هتاخدها هنا في مكان كويس

حاول تبقى professional هنا واطلع بره لو حابب بس متطلعش من الأول عشان ممكن ترجع تعيد من الأول أو هتصطدم بالواقع المر

]ده رأي شخصي مكونه عن تجارب عشتها مع صحابي

وربنا يكرمك

المشاركة الأصلية كتبت بواسطة أحمد كمال

عشان هتروح بثمن بخس جدا ...... 5000 درهم مثلا ..... و اوعى تفتكر ان 5000 يعني 7500 جنيه و لا 10000 يعني 15 الف جنيه ..... دولا ملاليم بمقاييس المعيشة هناك 5000 درهم يعني 500 جنيه !!!

خلي بالك الديفيلوبرز الباكستانيين و الهنود هناك اكتر من الهم عالقلب و بملاليييييييييييم ...... يعني الفريش جراد هناك مالوش تمن أصلا .......

و المشكلة الأكبر ان زيادة مرتبك مش هتبقى كبيرة ..... و مش هتقدر تنقل كفالة بسهولة من شركة لشركة (الكفيل لازم يديك جواب عدم معارضة و الا تاخد حرمان 6 شهور من العمل في الامارات و في بعض دول الخليج الاخرى الحرمان بيبقى مدى الحياة لحد ما الكفيل القديم يرضى عنك !!! ) يعني انت تحت رحمته ..... و تلف الايام و بعد 3 او 4 سنين تلاقي زميلك اللي اتخرج و اشتغل في مصر جاي بمرتب ضعف أو 3 أمثال مرتبك عالاقل و جاي حاطط رجل على رجل و طالب الرقم اللي هو عايزه زي البرنس ...... الخبرة في مصر ليها تمنها

كارت الخليج عشان يتلعب صح ما يتحرقش بدري ...... مش قبل 5 سنين خبرة عالاقل ......

متشكر ليكم جدا يا بشمهندسين واكيد طبعا هنستفيد من خبراتكم طيب بعد اذن حضراتكم انا اعرف شويه C# و sql وشويه حاجات تانيه كده اعتبرو انى معرفش حاجه خالص لسه عاوز اكون system analysis ولا فى مجال احسن ؟؟
ابتدى منين ؟؟ معلش هتعبكم معايا

المشاركة الأصلية كتبت بواسطة أحمد كمال

عشان هتروح بثمن بخس جدا ...... 5000 درهم مثلا ..... و اوعى تفتكر ان 5000 يعني 7500 جنيه و لا 10000 يعني 15 الف جنيه ..... دولا ملاليم بمقاييس المعيشة هناك 5000 درهم يعني 500 جنيه !!!

خلي بالك الديفيلوبرز الباكستانيين و الهنود هناك اكتر من الهم عالقلب و بملاليييييييييييم ...... يعني الفريش جراد هناك مالوش تمن أصلا .......

و المشكلة الأكبر ان زيادة مرتبك مش هتبقى كبيرة ..... و مش هتقدر تنقل كفالة بسهولة من شركة لشركة (الكفيل لازم يديك جواب عدم معارضة و الا تاخد حرمان 6 شهور من العمل في الامارات و في بعض دول الخليج الاخرى الحرمان بيبقى مدى الحياة لحد ما الكفيل القديم يرضى عنك !!! ) يعني انت تحت رحمته ..... و تلف الايام و بعد 3 او 4 سنين تلاقي زميلك اللي اتخرج و اشتغل في مصر جاي بمرتب ضعف أو 3 أمثال مرتبك عالاقل و جاي حاطط رجل على رجل و طالب الرقم اللي هو عايزه زي البرنس ...... الخبرة في مصر ليها تمنها

كارت الخليج عشان يتلعب صح ما يتحرقش بدري ...... مش قبل 5 سنين خبرة عالاقل ......

طيب انا مقتنع بالكلام دا بس الراتب هنا هيبقى كام مثلا لو لسة متخرج ؟؟

المشاركة الأصلية كتبت بواسطة أحمد كمال

انت كده شكلك عايز تقع في الفخ

الفخ اللي الناس كلها بتقع فيه ..... هو المرتب هنا كام؟ 1000 و لا 2000 ؟ و هناك كام .... 5000 درهم ...... يعني 7500 جنيه ....... يعني عمري ما هاشوف ريحتهم هنا قبل كااااااااام سنة !

طيب تعالى نفترض ان المرتب هنا 2000 جنيه و المرتب هناك 5000 درهم == 7500 جنيه

أولا ال 2000 جنيه هنا دول ليهم قوة شرائية انت عارفها كويس ...... و انت واكل شارب نايم في بيت والدك (ربنا يخليهولك) .... يعني بس تركب مواصلاتك (او بنزينك) و اكلك و شربك ...... و لو نفترض انك هتصرفهم كلهم و مش هتحوش حاجة

ال 5000 درهم هناك بقى يا باشا ..... مش هيكفوك اصلا اكل و شرب و سكن و مواصلات ....... السكن غالي جدا و لو هنفترض انك هتخش في ستوديو مع واحد (غرفة بسرير واحد بدورين) يبقى مش اقل من 1800 درهم في الشهر .... و مواصلاتك (مش هتعرف تجيب عربية بالمرتب ده أصلا) مش هتقل عن 1500 كمان (ارخص تذكرة مترو لأقل عدد محطات ب 7 درهم يعني 11 جنيه !) يعني بتتكلم في متوسط 50 درهم في اليوم (مشوار الشغل رايح راجع + أي مشاوير تانية) ....

يعني 3300 من ال 5000 طاروا في سكن و مواصلات ..... و انت لسه و لا أكلت و لا شربت و لا اتفسحت و لا حتى اتخنقت و نزلت تقعد على قهوة مع اصحابك ! يعني مطلوب منك ب 1700 درهم (56 درهم يوميا) تاكل و تشرب و تتفسح و تدفع كارت الموبايل و اشتراك الدي اس ال و تشتري هدوم لما تحتاج الخ الخ الخ الخ ........

فهمت الفخ ؟

المشكلة التانية :
لو ابتديت هنا ب 2000 ...... هتزيد مع الزمن ... و لو الشركة اللي انت ابتديت فيها ما زودتكش (قدراتهم كده و انت قبلت بيهم عشان احسن من قعدة البيت) ..... هتنقل منها لشركة تانية ..... و اي نقلة بتبقى بنطة حلوة في المرتب لو انت شاطر و مطلوب ...... و ممكن في سنوات معدودة مرتبك يتضاعف كذا مرة


هناك بقى ...... الديفيلوبر الهندي و الباكستاني زي الهم عالقلب و بملاليم و بيقبل مرتبات انت أصلا ما تقدرش تعيش بيها ......

فصاحب العمل مش هيزودك بسهولة ......او هيزودك ملاليم (5% و لا 10% سنويا ) و هو عارف انك تحت ضرسه ... و لو شركة تانية عرضت عليك تشتغل فيها بمرتب احسن .... لازم الشركة الاولانية تديك جواب عدم ممانعة noc or no objection certificate لوزارة العمل عشان الوزارة تنقل الكفالة .......

و الاسم انك في الخليج و فلان رايح فاضي راجع بالزكيبة !!!

و مش عارف تحوش أصلا ..... و عايش مخنوق لان المغريات هناك كتير جدا و انت مامعاكش تتفسح الفسح دي

غير انك مش هتتعلم هناك زي هنا لان الشغل هناك طري و هايف شويتين ..... مش زي هنا

تعالى بقى لزميلك اللي قعد في مصر 4 و لا 5 سنين ...... و بقى بياخد مثلا هنا 6 او 7 الاف ..... أه انا معاك ان 5000 درهم يعني 7500 جنيه ..... بس هو هنا عايش في قيمة شرائية اعلى للجنيه من هناك ..... و ماعندوش ايجار هناك زي هنا ........

اما ييجي يروح ..... هيروح باشا و هيتامر و يطلب و يروح على مش اقل من 12 الف درهم مثلا ..... و انت يا حرام بقالك 4 سنين و بتاخد 6 و لا حتى 8 ........ و مش هتقدر تفتح بقك

فهمت بقى ؟؟؟؟؟


--------------

طبعا الحسبة اللي فوق دي مفيهاش كمان انك تتجوز .... لانك قاعد في ستوديو مع واحد تاني عازب ..... لو هتتجوز .... يبقى اضرب الاكل و الشرب و السكن في 2 ....... و هتحتاج عربية ... الخ الخ .... يعني هتلاقي مصاريفك الثابتة الشهرية مش هتقل عن 10 الاف درهم .........



عايز تسافر الامارات .... مش قبل 4 او 5 سنين خبرة ...... عشان تقع واقف و تروح بباكيدج كويسة

المشاركة الأصلية كتبت بواسطة mailo

هو ده الكلام التمام

أنا صاحبي قعد في دبي 5 سنين ومرتبه وصل 15000 درهم أو أكتر شوية
المهم هو ك عايش في ستوديو لوحده بنص المرتب تقريبا وهو بتاع خروجات وسافاري وسهرات و دبي ماتتوصاش بالكلام ده المهم هو عاش هناك زي مكان عايش هنا وكل اللي عمله إنه طلع اوروبا مرتين بس فخلال الخمس سنين دول وطبعا اللي كان معاه طار ياحبيبي طار
وعلى فكرة صاحبي ده مش مبذر ولا حاجة ده عال كدا في مصاريفه وكمان كان بيشتري عربيات يظبطها ويبيعها ودخل تاني
بالمناسبة هو ماكانش developer هو sisco

الكلام دا صح و فل الفل كمان بس انا اصلا والدى عايش هناك يعنى لا فى سكن ولا بتنجان ههههههههههه و معاة عربيتة و عربية الشغل هاخد عربيتة و هو يعيش بعربية الشغل و ال 2 نفس العربية يعنى مش هظلمة ولا هو يكرمنى .. و الحاج عايش بقالو 20 سنة هناك و مركزة مدير هناك الحمدلله فالموضوع بيتهألى متغير ولا اية ؟؟؟ .. انا والله معاك فى الرأى بس مش عارف اعمل اية .. اروح و عشان انا مسنود فممكن مقعش ولا افضل فى بلدى احسن ؟؟؟ :(