تحذير من سيراتو عامله حادثه
السلام عليكم
محدثكم طارق زين من قسم هوندا
إمبارح لقيت عند كهربائى مش محترم عربيه كيا سيراتو 2010 تقريبا
المهم كان بيفك التابلوه
إستفزنى المنظر مع أن شغلى حاجه بسيطه لكن أصريت أستنى عشان أفهم
بيعمل إيه الصنايعى التيييت ده فى التابلوه
وإزاى صاحبها راضى يخليه يفك تابلوه محدش لمسه (المفروض يعنى )
المهم لقيته فك العدادات وبطرف المفك حط قطعة لزق (شيكرتون ) أسود
بعد ما طبقها كذا مره عشان تعتم تماما
حطها فين بقى .... على لمبة الإير باج
وقفل تانى ودور العربيه وشغل النور الصغير وكله تمام
وخد من الراجل 80 جنيه مصنعيه
بعد ما مشى صاحب السيراتو
قعدنا نرغى مع بعض
مع سيجاره وكوباية شاى عرفت الزتونه
البيه عامل حادثه بالعربيه ومغير شوية حاجات كلفته كتير
ولمبة الإيرباج منوره طبعا
التوكيل قاله لازم كمبيوتر جديد (معرفش ليه )
والبيه ناوى يبيع ويلبسها لأى زبون على إنها فابريكه بره وجوه
فحبيت أحذركم وطبعا اللى يعرف حد ناوى يشترى ينقله التحذير
وربنا يسترها ويانا جميعا
رقم العربيه ( ن ل 7891 )
وصورتها وهارفعلكم الصوره
تحياتى