الموضوع: هل أنت مع رجوع الفلوس و العفو عن الحرامية؟

دلوقتى الحكومة عايزة تطلع قانون الحرامى اللى سرق مصر و تسبب ان البلد توصل للدرجة دى يرجع الفلوس متغير ما يتحاكم.

هل أنت ضد و لا مع التشريع دا؟

أنا شخصيا رايى ان رينا عمل عقوبات رادعة علشان الناس تتعظ و تخاف من ارتكاب اى جريمة و العقوبة تحمينا من تكرار الجرايم لما تبقى رادعة
و الرسول (ص) قال "لو فاطمة بنت محمد سرقت لقطع محمد يدها" و طبعا فى رايى مفيش كلام بعد.
أزاى نقول لواحد سرق رجع اللى سرقته و نعفيك من العقوبة , مين قال ان البلد بتنهار و مفيهاش فلوس و الكلام الفارغ دا؟
مصر عدت فى 2008 بركود شديد و توقف السياحة و قلة التصدير و الكلام دا و الازمة مرت عادى ايه الجديد
ليه الفزاعة للناس؟ انا عن نفسى لو قالولى نرجع الفلوس او نحاكم الفاسد رايى الفاسد و مش مهم الفلوس لان ربنا اللى بيرزق ممكن نرجع الفلوس و نهدرها و ممكن منرجعش و لا مليم و ربنا يباركلنا فى البلد و تتقدم بسرعة , كمان احنا ممكن نديهم 20 سنة سجن و نفواضهم نخليها 10 مثلا لو رجعوا كل الفلوس و سهل جدا البنوك تطلع اد ايه بالظبط فلوس اتحولت مش حساب شخص للخارج.
نطبق مبدا الحساب و نسيب الباقى على ربنا لانه هو اللى شرع مبدا العقوبة فى الدنيا قبل الاخرة !!!
انا شايف لو طبقنا الموضوع دا ان من حق الحرامى و القاتل انه يدفع فلوس و يطلع و لا البلطجى و لا لا , ازاى نعفى حد من العقوبة و هى فى حاجة فى الدنيا اسمها اصل النظام كان فاسد فنسامح , يعنى اللى من الفقر نسى ربنا و نزل قتل واحد و سرقه او نزل سرق بيتى او عربيتى اقول معلش يطلع علشان النظام كان فاسد و فقر الناس؟
كمان احنا بنتكلم على ناس معاها ملايين و عيزينها مليارات مش واحد مش لاقى ياكل ممكن نعذره.


دا رايى انا الشخصى و الصراحة عايز اعرف رايى الناس

انا ليا رأي , لما نحبسهم و لا نعدمهم مش هنستفيد حاجه , و كده كده مفيش حد هيفكر يمد ايده علي فلوس البلد بعد كده , يبقي ايه العمل ؟ يبقي نشجعهم انهم يجيبوا الفلوس اللي هليبوها و البلد اللي هتستفيد , صح و لا لأ ؟

حضرتك تقبل حد يسرق بيتك و عربيتك و كل ممتلكاتك و يخربلك حياتك 10 سنين و بعدين لما يتقبض عليه يقول ارجع فلوسه و تسيبونى؟

لما ياخدله 20 سنة سجن هيرجع الفلوس كده كده غضب عنه و ممكن نقلله الحكم بس برده لازم الحكم بعد التقليل يبقى رادع!!

ازاى واحد يسرق زى ما هو عايز و بعدين نقول خلاص رجع و نسامحك بعد ما يكون ضاعف الفلوس دى اضعاف !!!

نواب القروض و الناس اللى زى رامى لكح سافر بطيارته الخاصة فرنسا و عاش هناك ملك و بعدين لما الأراضى ولعت فى مصر و الدولار نط ل 5.6 قرش و هو مديون ب 100 مليون مصرى مثلا سنة 1998 بقت انهردة بالنسباله و بالنسبة لاسعار الاراضى بتاعته اللى اشتراها بفلوسنا اساسا فلوس البنوك و انخفاض الجنيه متساويش يقوم يدفع من فلوسنا و يتبقاله مليارات و يرجع مصر يعيش ملياردير و يخش حزب الوفد كمان؟؟؟
بالذمة دا كلام؟؟؟