عاوز اجيب لانسر 1300 خليجي تنصحوني منين اشتريها؟؟؟

**blackeagle** · 13-04-2008 03:14 PM

عاوز اجيب لانسر 1300 خليجي تنصحوني منين اشتريها؟؟؟
و انا سالت في اكثر من معرض الكل قال لي انها بدون ضمان...و لكن سمعت ان في خليجي بضمان الرواس
فما رايكم الضمان مهم ؟؟؟ طب فين المعارض اللي بتبيع بضمان الرواس؟؟؟؟
ولا اشتريها بدون ضمان و انا و حظي؟؟
و ما هو الورق اللي اخذه من المعرض عند الشراء
1)مبايعه
2)جواب المرور
3)افراج جمركي
هل هناك شئ اخر مفروض اسال عليه
معلش طولت عليكم

**limo** · 13-04-2008 04:10 PM

فى شركه هيفين فى صلاح سالم ده اساسا بتبيع للتجار لانهم شركه استيراد وتصدير وهوه الى بستوردوا
انا جبت منهم 1600 اوتوماتيك
اسعارهم حلوه بس معرفش عندهم 1300 ولا لأ
وبيدوا ضمان سنه مع هاى تريد
فى الرواس وده بيبع خليجى بس اسعاره غاليه بالنسبه للسوق وكماليات اقل من السوق بس بيدى ضمان 3 سنوات
عندك سمير ريان كويس برضو بس عندهم فى مجال كبير للفصال

(المبايعه -الافراج -جواب المرور )
اعتقد ان المبايعه هى الجواب
والافراج العام وده لعدد كبير من العربيات من ضمنهم عربيتك
المعرض كمان بيطلع شهاده بيانات موجه للمرور الى انت تابع ليه
تأكد ان رقم الشاسيه والماتور هوه هوه الى موجود فى العربيه هوه الى موجود فى المبايعه هو الى موجود فى الافراج
كل الحاجات ده انت بترخص بيهم

بص الانسر عموما الحمد لله مفيهاش عيوب تخاف منها
بس انا رأى انك تحاول تاخذ ضمان حتى ولو سنه واحده علشان تبقى مرتاح نفسيا ومش قلقان
مع ان انا اصلا مش برتاح للضمان بتاع المعارض ومراكز الخدمه
بما انك هتشترى خليجى فسأل عن بلد الموصفات ايه
وكمان الكماليات الى موجوده
لما ان شاء الله تستقر على عربيه ايقى قولى مواصفات ايه علشان اقوبك بتاخذ ايه معاها والحاجات الى تتأكد منها انها فعلا مواصفاتها مضبوطه

**blackeagle** · 14-04-2008 10:23 PM

شكرا استاذ limo بس ممكن رقم شركة هيفين او العنوان بالضبط عشان اتصلت بالدليل ولم اجد رقمها

**limo** · 14-04-2008 10:35 PM

النمره
2663505

**إسلام شاهين** · 15-04-2008 12:01 AM

أولا :-
ألف مبروك مقدما

ثانيا :-
أنا جبت عربيتي 1300 مانيوال خليجي من معرض اسمه الحمد وعنوانه 205 شارع جسر السويس أمام المستشفى العسكري صاحب المعرض اسمه الحاج محمد شبانه راجل محترم جدا وميزته إن بضاعته حاضرة على طول بجميع الألوان والموديلات وكمان أنا وبجيب عربيتي دخت لأني كنت بدور على أكر ومرايات بنفس لون العربية وكمان الأبنوس اللي في التابلوه اللي بنفس اللون برضه وهو الوحيد اللي لقيت عنده وآدي رقمه 0101025580 .

ثالثا :-
بالنسبة للضمان هو بيعرض عليك ضمان الرواس لو عايزه مش عايزه براحتك بس على ما افتكر بتدفع مبلغ معين للضمان وأنا عن نفسي ماخدتوش لأني إن شاء الله مش هحتاجه

رابعا :-
بالنسبة للأوراق أنا ساعتها ما خدتش منه أي حلجه غير العربية فقط وبعدين بعديها بيومين بالضبط أتصل بيا وبعتلي واحد على المرور بكل الأوراق وهي الإفراج وجواب المرور وشهادة البيانات ( وديه أهم حاجة ) والراجل بصراحه خلصلي كل حاجه لغاية لما علقت النمر

خامسا :-
مبروك مقدما ثاني واختيار موفق

**blackeagle** · 16-04-2008 02:08 PM

شكرا ياجماعة انا رحت المصرية للسيارت قالولي التالي
1300 خليجي مفتاح بدون ريموت& 92000
1300 خليجي مفتاح بريموت&طارة دركسيون الجديدة 94000
قولت له ايه الفرق بين طارة الدركسيون القديمة و الجديدة لم يعرف الاجابة
قولت له هل يوجد ايموبليزر ...ارتسمت نظرة ذهول علي وجه البائع...كاني بكلمه هندي...و هنا ادركت انه لايعرف عن لانسر الا علامة المثلث(شعارها)..و لو شلناه وو ضع علي 128 لما عرف الفرق
لو حد يغرف ايه اللي يقصده ب طارة الدركسيون القديمة و الجديدة و المفتا ح ابو ريموت ياريت يوضح لي
و سوف اوفيكم بباقي اخبار رحلتي لشراء اللانسر

**blackeagle** · 16-04-2008 02:15 PM

المحطة الثانية هيفين اتصلت بيهم قالو لي 93500 كويتي جميع الكمليات+ضمان سنة
ثم ابو العز كويتي جميع الكماليات بدون ضمان 93000
ثم سمير ريان 91000+بدون ضمان و لكن اللي رد ميعرفش حاجة عن العربيه مجر عارف السعر
ايه رايكم في الاسعار دي

**limo** · 16-04-2008 02:41 PM

لى ما اعتقد ان الطاره القديمه فى ال1300 مكنش فيها اير باج
والطاره الجديده فى 1300 فيها اير باج
طب العربيه ال 1300 الى كان راكب فيها الطاره القديمه ومفيهاش ريموت مش فاكر لون الفوانيس الخلفيه ايه ؟هل حمراء ام كرستال وهل فيها كاسيت ؟

خلى باك فى نوعين من الكاسيت واحد cd كينود و الثانى كاسيت متسوبيشى الاصلى

**limo** · 16-04-2008 02:51 PM

على فكره الخليجى 1300 كويتى امارتى سعودى بينزل بالطاره الجديده الى فيها الاير باج وفيه ايموبيليزر وفيه منه بينزل بكاسيت متسوبيشى الاصلى وفيه منه بينزل cd كينود تقربيا متركب هنا +فوانيس خلفيه كرستال +اريال سقف
المصرى والاردنى 1300 طاره قديمه من غير اير باج +فوانيس حمراء خلفيه +اريال قائم +من غير كاسيت +بدون ايموبليزر
المصرى اكر نيكل كنبه خلفيه سبليت +مسند يد امامى +خلفى مزود بحامل اكواب +عتب جانبى +الفرش فيه منه لونين بيج ورماضى

**timo_crosswind** · 16-04-2008 09:22 PM

الطاره القديمه مفيهاش فعلا ايرباج وشكلها مميز بان علامه الميتسوبيشي محفوره في الجلد بتاع الطاره اما الطاره الجديده علي شكل حرف T وفيها ايرباج وعلامه ميتسوبيشي باللون الفضي في وسط الطاره مش محفوره ....الاردني معروف عن الخليجي بانه نصف كماليات يعني تكيف وباور بس وزي الوكيل فوانيسه الخلفيه حمرا واريل قايم والطاره القديمه.....اما موضوع الكاسيت او السي دي انا عربيتي نازل فيها سي دي كينود وده جاي مع العربيه والدليل انه مكتوب عليه ميتسوبيشي موتورز والكتالوج بتاعه عليه علامه ميتسوبيشي..............