الموضوع: نص الإعلان الدستورى الجديد

المشاركة الأصلية كتبت بواسطة skybird

لا الموضوع ملوش علاقة بالديمقراطية والشورى
الموضوع ان حصل خداع فعلا
لما تعلن عن شئ وانت هدفك الباطن شئ تاني
ده ضد الديمقراطية اساسا
هتناقش معاك عن الفرق بين الديمقراطية والشورى في الموضوع التاني

على ميدان التحرير

المشاركة الأصلية كتبت بواسطة wawoo

فى خداع حصل فعلا.. وللاسف من قالو نعم حيؤيدو هذا الاعلان على اساس انة نتاج من قالو نعم ..

و هو بالضبط ما اراد المجلس فعلا ..يعنى يعمل تعديلات على دستور قائم و يحصل على اغلبية

ثم يقوم باضافة و حذف مواد و عمل اعلان جديدا تمام على اساس الاستفتاء اللى تم ..

طيب لماذا لم يقوم المجلس بعمل الاستفتاء على الاعلن الدستورى من الاصل .. ولا هو الهدف هو الحصول على الشرعية اللى تخلى المجلس العسكر يعدل براحتة بعد كدة ..

يعنى باختصار من قالو "نعم" فوضو المجلس العسكرى يعمل اللى هو عاوزة بعد كدة ..و يقولو امين على اى اعلان و اى تعديل يعملة المجلس بعد كدة بدون استفتاء ..

شكرا على التفريط فى الديمقراطية و احلال المجلس العسكرى بدل الحزب الوطنى ..

انا ارفض هذا اعلان و كدة المجلس بيعث بالدستور بدون شرعية او بخدعة خبيثة و حتتكر بعد كدة فى الدستور النهائى ..

على ميدان التحرير

المشاركة الأصلية كتبت بواسطة blazer

البس يا شعب
بجد لبسوا المصريين العمه
مش كانت الناس فرحانه ورايحين يقولوا نعم
يلاا
الحمد لله

هو انت لبست العمه
عليك وعلى ميدان التحرير

المشاركة الأصلية كتبت بواسطة enas75

الاعلان الدستوري لا يحل محل الدستور وانما هو توضيح لطبيعه العلاقه الانتقاليه لحين اعلان الدستور الجديد
يبقي مينفعش اننا نقول لازم نغير سيستم البلد كله لانه لازم يكون هناك طرف مفوض من الشعب لهذا التغيير.....اللي هو مجلس الشعب ورئيس الجمهوريه.....وجود مجلس الشوري من عدمه ميحددوش المجلس العسكري ده لازم يحدده الاطراف المنتخبه من الشعب..............من الاخر اللي قالو نعم باقتناع كان احد رغباتهم ان كل شئ تتم بانتخاب الشعب
اللي قالو لا هما اللي بيفوضو الجيش يعمل كل حاجه ....يغير دستور ويغير الدوله كلها ....وده انا برفضه ...
اللي قالو نعم عايزين مجلسي الشعب والشوري مش المجلس العسكري هو اللي يغيرهم .....لازم الطرف المفوض والمنتخب من الشعب هو اللي يغيره للصوره المطلوبه
اخيرا الاعلان الدستوري...فيه المواد اللي تم الاستفتاء عليهم بالاضافه الي البنود الخاصه بالحريات والعداله.ودي معتقدش اتنين اختلفو عليها.....
اما الخوف من مجلس الشعب القادم ....بدل ما كل واحد قاعد كده ابتدو دورو يا مثقفين كل واحد في دايرته عن افاضل المرشحين وانشرو المعلومات عنهم لنضمن ناس افاضل في مجلسي الشعب والشوري

يا يدوروا على أفضل المرشحين يا يروحوا ميدان التحرير , ليهم الأختيار

المشاركة الأصلية كتبت بواسطة skybird

بصراحة كلام اللواء شاهين مستفز وكانه بيكلم جندي عنده يديلو اوامر
ايه هو اللي اتكلموا على الايجابيات بس ...
انا كنت هطق
لو بني ادم عنده كرامة من اللي قاعدين كنت قلت للواء شاهين
"اقفلوا التلفزيونات وصادروا الصحف وحطونا في المعتقلات وهاتوا ناس تطبل لكم لكن احنا لأ"
وكنت قمت من البرنامج احتجاجا على اسلوبه في الكلام كانه يكلم عيال
دا الفيل بنفسه عمره ما عملها !!!!

حاجه تفقع المرارة

ما قولتلك عليك وعلى ميدان التحرير لغاية ما تاخد حقك

المشاركة الأصلية كتبت بواسطة enas75

النص تم تغييره علشان الناس تبطل تفتي من دماغها ان رئيس الجمهوريه مش ملزم وان الماده غير ملزمه ....فقال المجلس الاعلي .....وده ياكد ان مجلس الشعب حيعمل الدستور قبل انتخاب رئيس الجمهوريه
وده طبيعي انت اصلا معندكش رئيس جمهوريه واللي بيحكمك حاليا المجلس الاعلي للقوات المسلحه ...والاعلان الدستوري لازم يبقي متوافق مع الوضع الانتقالي ومديله شرعيه......وده للمره التانيه اسمه اعلان دستوري مؤقت لفتره انتقاليه......ازاي اصلا تعاملوه معامله الدستور
وبعدين بقي .....كفايه ...........دوله زي بريطانيا معندهاش دستور اصلا ........
بدل ماانتو قاعدين عاملين فيها دستوريين......كل واحد يشتغل علي منطقته للتجهيز لانتخابات مجلس الشعب
بدل ما تلاقو ناس منتفعه هي اللي في المجلس

ما هو المجلس مكنش متخيل أن الناس بتفتى للدرجه دى وتفكيرها سطحى للدرجه دى , هو كان متخيل أنه بيخاطب ناس مثقفه وفاهمه

وبيقولوا أن فترة 6 شهور مش كفايه علشان المرشحين يجهزوا