نص الإعلان الدستورى الجديد

**SkyBird** · 31-03-2011 02:14 AM

المشاركة الأصلية كتبت بواسطة wawoo

اية رايك فى الحوار و رايك فى رد اللواء

انا مش فاهم لية المجلس العسكرى متخيل ان اى نقد بيوجة للقرارة و سياساتة هو نقد للمؤسس الجيش نفسها و طعن فيها ...

يعنى هو المطلوب المجلس العسكرى يصدر القرارات و احنا سمعان و طاعة .. مؤسسة الجيش بتتحرك بنظم و قوانين مختلفة تمام عن طبيعة السياسة و هما مش متقبلين اى مناقشة او اى حوار ..فكر عسكرى صريح و دة لا يعيبهم فى شىء الحق يقال لانة دة مطلوب فى المؤسسسة العسكرية لكن مش مطوب فى السياسة ..

يبقى المجلس يسلم السلطة و يتم اصلاح كل دة بعد ما يرحل بقى فى هدوء افضل

بصراحة كلام اللواء شاهين مستفز وكانه بيكلم جندي عنده يديلو اوامر
ايه هو اللي اتكلموا على الايجابيات بس ...
انا كنت هطق
لو بني ادم عنده كرامة من اللي قاعدين كنت قلت للواء شاهين
"اقفلوا التلفزيونات وصادروا الصحف وحطونا في المعتقلات وهاتوا ناس تطبل لكم لكن احنا لأ"
وكنت قمت من البرنامج احتجاجا على اسلوبه في الكلام كانه يكلم عيال
دا الفيل بنفسه عمره ما عملها !!!!

حاجه تفقع المرارة

**wawoo** · 31-03-2011 02:57 AM

يظهر اننا فعلا بنحمل الجيش مهمة فوق طاقتة و غير مؤهل ليها و دة لايعيبة فى شىء بما انهم متخصصين فى عملهم العسكرى

**hobiko** · 31-03-2011 09:24 AM

عك فى عك

**ehab_mansour** · 31-03-2011 10:20 AM

ولا يهمني شيء من ده لأنه كله صنع بشر ولابد انه يكون فيه أخطاء وطائفة ترضي وطائفة أخري تنتقد وده الطبيعي لأننا بشر أيضا

يا جماعه الخير عايزين نشتغل علي أرض الواقع بيتهيئلي ان الدستور مش هو اللي هيأكلنا ويشربنا و ويدخلنا الجنه أبوس ايديكم عايزين نخف شوية من التعصب والاتهامات والتخبط كل حاجه لازم تاخدلها فترة كده نقعد نتكلم فيه وفلان قال وغيره عاد وهو حوارات وخلاص وفي الأخر احنا الخسرانين

عذرا ولكني زهقت من النقد والنقد الأخر

**hobiko** · 31-03-2011 10:39 AM

المشاركة الأصلية كتبت بواسطة arakysolom

(مـــــادة 60 )

يجتمع الأعضاء غير المعينين لأول مجلسى شعب وشورى فى اجتماع مشترك ، بدعوة من المجلس الأعلى للقوات المسلحة ، خلال ستة أشهر من انتخابهم ، لإنتخاب جمعية تأسيسية من مائة عضو ، تتولى إعداد مشروع دستور جديد للبلاد فى موعد غايته ستة أشهر من تاريخ تشكيلها، ويُعرض المشروع ، خلال خمسة عشر يوماً من إعداده ، على الشعب لاستفتائه فى شأنه ، ويعمل بالدستور من تاريخ إعلان موافقة الشعب عليه فى الاستفتاء .
هذه الماده هي المادة 189 مكرر و التي تم الاستفتاء عليها

مش ده نفس النص اللى تم الأستفتاء عليه ....... النص تم تغييره

**Amgad64** · 31-03-2011 11:00 AM

الحاجه اللى أظهرها تدخل اللواء ممدوح شاهين على قنا ه أون تى فى هى ان المجلس الاعلى للقوات المسلحه فاكر ان مفيش حد حينتقد قراراته وبصراحه ده خطاء كبير و المشكله انه حيدير البلد الفتره القادمه ازارى اذا كان فاكر ان الاسلوب ده حينفع. انا شايف انه لازم يدى المهمه دى للوزاره ويتوارى هو عن الانظار نهائيا لانه مش حيستحمل الانتقادات اللى مش حتتوقف طول الفتره اللى جايه.
وموضوع ثقوا فينا وان مفيش مجرم حيفلت من العقاب اللى اتقالت من بعد تنحى الرئيس السابق مش حينفع وخصوصا ان اجراءات المجلس الاعلى فى التحقيقات مع مبارك وكبار معاونيه بطيئه ولا تقنع احدا. وهذا يوضح ان سواءا الناس قالت نعم ام لا , المجلس الاعلى عمل اللى هو عاوزه ومش عاوز حد ينتقده , بس ده مش حينفع فى الفتره ديه لان فى تفاصيل واحداث يوميه كتير جدا لو المجلس العسكرى دخل فيها مش حيسحمل النقد. وتبرم لوءات الجيش من النقد مش حيساعد على الاستقرار و عوده النشاط الاقتصادى لطبيعته

ومتهيئلى انه يستحسن لو اراد انه يتحدث المجلس فى اى موضوع بنفسه يجيب حد غير اللواء شاهين واللوء عتمان لانهم الاتنين مش عارفين يديروا اى حوار , وضررهم اكبر من نفعهم.

**alynubira** · 31-03-2011 11:16 AM

[QUOTE=dr-mohamed;3873388634][QUOTE=jisso82;38733884

بلاش بالشفا دي بتحسسنا انه دوا مر
او شفتم ياللى قلتم نعم اشربوا

انا واحد قلت نعم ومش شايف ان فيه اي خداع وشايف ان بعض انصار لا لو جالهم لبن العصفور هايطلعوا فيه القطط الفطسانة واكاد اجزم انه لو كان المجلس الاعلى اجتمع مع البرادعي قبل اصدار الاعلان الدستوري وخرج البرادعي ليمدح في الاعلان الدستوري ما كنا سمعنا صوت للكثيرين ممن سيعترضون عليه الايام القادمة
طبعا الكلام عام وليس المقصود به الاخ skybird حتي لا يسيء البعض الفهم[/QUOTE]
ربنا يفتح عليك يا د.محمد

**enas75** · 31-03-2011 11:48 AM

المشاركة الأصلية كتبت بواسطة hobiko

مش ده نفس النص اللى تم الأستفتاء عليه ....... النص تم تغييره

النص تم تغييره علشان الناس تبطل تفتي من دماغها ان رئيس الجمهوريه مش ملزم وان الماده غير ملزمه ....فقال المجلس الاعلي .....وده ياكد ان مجلس الشعب حيعمل الدستور قبل انتخاب رئيس الجمهوريه
وده طبيعي انت اصلا معندكش رئيس جمهوريه واللي بيحكمك حاليا المجلس الاعلي للقوات المسلحه ...والاعلان الدستوري لازم يبقي متوافق مع الوضع الانتقالي ومديله شرعيه......وده للمره التانيه اسمه اعلان دستوري مؤقت لفتره انتقاليه......ازاي اصلا تعاملوه معامله الدستور
وبعدين بقي .....كفايه ...........دوله زي بريطانيا معندهاش دستور اصلا ........
بدل ماانتو قاعدين عاملين فيها دستوريين......كل واحد يشتغل علي منطقته للتجهيز لانتخابات مجلس الشعب
بدل ما تلاقو ناس منتفعه هي اللي في المجلس

**hobiko** · 31-03-2011 12:40 PM

المشاركة الأصلية كتبت بواسطة enas75

النص تم تغييره علشان الناس تبطل تفتي من دماغها ان رئيس الجمهوريه مش ملزم وان الماده غير ملزمه ....فقال المجلس الاعلي .....وده ياكد ان مجلس الشعب حيعمل الدستور قبل انتخاب رئيس الجمهوريه
وده طبيعي انت اصلا معندكش رئيس جمهوريه واللي بيحكمك حاليا المجلس الاعلي للقوات المسلحه ...والاعلان الدستوري لازم يبقي متوافق مع الوضع الانتقالي ومديله شرعيه......وده للمره التانيه اسمه اعلان دستوري مؤقت لفتره انتقاليه......ازاي اصلا تعاملوه معامله الدستور
وبعدين بقي .....كفايه ...........دوله زي بريطانيا معندهاش دستور اصلا ........
بدل ماانتو قاعدين عاملين فيها دستوريين......كل واحد يشتغل علي منطقته للتجهيز لانتخابات مجلس الشعب
بدل ما تلاقو ناس منتفعه هي اللي في المجلس

طب بالراحة ماتزوقيش كده

بالنسبة ان كل واحد لازم يشتغل فى منطقته ...... انتظرى الجزء الثالث من فيلم نظرية المؤامرة