إلى كل المتحمسين .. المتغنيين بالحرب مع إسرائيل ..

**م/مصطفى محمود** · 31-03-2011 12:43 AM

هيجي في يوم ريس جديد يقف في وش الصهاينه و الامريكان , و يجلب وابل الحرب علي دماغنا , هنقول ساعتها الله يرحم ايامك يا مبارك , كان مجنبنا الحرب فعلا , علي فكره الحرب دي هتبقي حرب عالميه نوويه ثالثه , و ربنا يجيب العواقب سليمه

والله انا إتشرفت إني إشتركت فى الثورة من أول يوم ، والحمد لله هتشرف قريبا وأنضم للجيش المصري كضابط إحتياط ، الثورة بالنسبة ليا كان حلم قرب ، وتحرير فلسطين الحلم القادم بإذن الله

انا مش شايف مُشكلة من الحرب ، لأننا مش المُعتدين ، إحنا ليما حق ، وعلى رأى أحمد مطر (أقبلي أيتها الحرب ،، كي نحيى في سلام)

انا طول عمري نفسي أدخل الجيش ومن قبل الثورة علشان بس أدخل الحرب ، حد يطول ينول شرف النصر أو الشهادة فى سبيل الله ، أحنا مش طالبين الحرب ، أحنا بنرد الإعتداء ، وبإذن الله قريبا هنجهز وندخل الحرب

مبارك مكنشي مجنبنا الحرب ، لية نهن ونحزن ونحن الأعلى منهم ، هم اللى المفروض يشكروا مبارك لأنه خلانا نسكت عن الظلم ، مش أحنا اللى نشكرة على أنه دفن رأسنا فى الرمل وخلانا مش عارفين نسترد حقوقنا وكرامتنا

وأهديك قصيدة أحمد مطر المُعبرة جدا جدا

طول أعوام الخصام
لم نكن نشكو الخصام
لم نكن نعرف طعم الفقد
أو فقد الطعام.
لم يكن يضطرب الأمن من الخوف،
ولا يمشي إلى الخلف الأمام.
كل شيء كان كالساعة يجري... بانتظام
هاهنا جيش عدو جاهز للاقتحام.
وهنا جيش نظام جاهز للانتقام.
من هنا نسمع إطلاق رصاص..
من هنا نسمع إطلاق كلام.
وعلى اللحنين كنا كل عام
نولم الزاد على روح شهيد
وننام.
وعلى غير انتظار
زُوجت صاعقة الصلح
بزلزال الوئام!
فاستنرنا بالظلام.
واغتسلنا با لسُخا م.
واحتمينا بالحِمام!
وغدونا بعد أن كنا شهودا،
موضعاً للإ تها م.
وغدا جيش العد ا يطرحنا أرضاً
لكي يذبحنا جيش النظام!
أقبلي، ثانية، أيتها الحرب..
لنحيا في سلام!

**م/مصطفى محمود** · 31-03-2011 12:48 AM

أنا بعتزر بس لقيت القصيدتين دول كمان مهمين فقولت أحطهم برضوا

عبد الذات

بنينا من ضحايا أمسنا جسرا ،
وقدمنا ضحايا يومنا نذرا ،
لنلقى في غد نصرا ،
و يـمــمـنا إلى المسرى ،
وكدنا نبلغ المسرى ،
ولكن قام عبد ا لذات يدعو قائلا: 'صبرا' ،
فألقينا بباب الصبر قتلانا ،
وقلنا إنه أدرى ،
وبعد الصبر ألفينا العدى قد حطموا ا لجسرا ،
فقمنا نطلب ا لثأ را ،
ولكن قام عبد ا لذات يدعو قائلا: ' صبرا' ،
فألقينا بباب الصبر آلافا من القتلى ،
وآلافا من الجرحى ،
وآلافا من الأسرى ،
وهد الحمل رحم الصبر حتى لم يطق صبرا ،
فأنجب صبرنا صبرا ،
وعبد ا لذات لم يرجع لنا من أرضنا شبرا ،
ولم يضمن لقتلانا بها قبرا ،
ولم يلق ا لعدا في البحر، بل ألقى دمانا وامتطى ا لبحر ا ،
فسبحان الذي أسرى بعبد الذات من صبرا إلى مصرا ،
وما أسرى به للضفة الأخرى

عباس وراء المتراسْ

عباس وراء المتراسْ

يقظ.. منتبه.. حساسْ

منذ سنين الفتح.. يلمع

سيفه

ويلمع شاربه أيضاً

منتظراً.. محتضناً دُفهْ

بلغ السارق ضفه

قلّب عباس القرطاسْ

ضرب الأخماس لأسداسْ

بقيت ضفهْ

لملم عباس ذخيرته والمتراسْ

ومضى يصقل سيفه

عبر اللصُ إليه..

وحل ببيته

أصبح ضيفه

قدم عباس له القهوةْ

ومضى يصقل سيفهْ

صرخت زوجته:

عباس!

أبناؤك قتلى.. عباس!

ضيفك راودني عباس!

قم أنقذني يا عباس!

عباس وراء المتراسْ

منتبه.. لم يسمع شيئاً

زوجته تغتاب الناس

صرختْ زوجته: عباس!

الضيف سيسرق نعجتنا

عباس اليقظ الحساس

قلّب أوراق القرطاس

ضرب الأخماس لأسداس

أرسل برقية تهديد

فلمن تصقل سيفك يا عباس

لوقت الشدة.. اصقل سيفك.. يا عباس!!

عباس شد المخصرة

ودس فيها خنجره

واستعد للجولة المنتظرة

اللص دق بابه

اللص هدّ بابه

وعابه وانتهره

يا ثور أين البقرهْ؟

عباس دس كفه في المخصره

واستل منها خنجره

وصاح في شجاعة:

في الغرفة المجاورة

اللص خط حوله دائرة

وأنذره

إياك أن تُجاز هذي الدائرهْ

علا خوار البقرة

خفت خوار البقرة

خار خوار البقرة

ومضى اللص بعدما قضى لديها وطره

وصوت عباس يدوي خلفه

فلتسقط المؤامرة

فلتسقط المؤامرة

- عباس:

والخنجر ما حاجته؟

- ينفعنا عند الظروف القاهرة

- وغارة اللص؟

- قطعت دابره

ألم تشاهدوني وقد غافلته

واجتزتُ خط الدائرة!

........................................*
شعر: أحمد مطر

- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قوانين المنتدى.

مشرف القسم

31/3/2011
12:28 am

**tom_gr** · 31-03-2011 12:51 AM

المشاركة الأصلية كتبت بواسطة zyadahmed

اهدى وخد نفسك لانك فهمت عكس كلامى خالص انا قصدت عكس اللى فهمته وكلامى واضح انه سخرية
انا مؤيد وجهة نظرك
وجه كلامك لصاحب الموضوع اللى انا مش موافق على رأيه وكتبت اللى كتبته بسخرية من الموقف الاصلى

ونصيحة لك اقرا الكلام كويس

وردا على اسألتك انا دارس تاريخ وعمرى اكيد اكبر منك بكتير وعشت بره مصر كتير وقريت كتب عن الصراع العربى الاسرائيلى كتير اكتر مما تتخيل
واسمى يدل على ديانتى اللى هى مش موضوعنا اصلا
اسمحى انت اسلوبك غريب جدا ياريت تراجع نفسك وتتكلم كويس مع الاخرين اللى تعليمهم جايز يكون افضل منك 100 مرة

اولا اعتذر لك جدا جدا جدا جدا جدا جدا لو كنت جرحتك او وجهتلك اى اساءة سواء بقصد او بدون قصد

اقسم بالله العظيم لم اقصد اوجهة اليك اى اساءة لشخصك عندما وجهت لك اسئلتى

بس حضرتك عارف الناس الى الشباب الصغير الى طالع اليومين دول اغلبهم فى الضياع ومش فاهمين اى حاجة ومنقادين ورا ناس ماعندهمش ضمير وليهم مصالح فى خراب شباب البلد

لاحظ اغلب الشباب هدفهم الاول الهروب من التجنيد

ثانيا اعذرنى انما مشاركتك ممكن يتفهم منها انها مش سخرية

ثالثا اعتذرلك مرة اخرى بس بصراحة الواحد موجوع ومقروف من حال البلد اليومين دول مابقاش فيه حاجة واضحة وماحدش عارف الكلام بيكون قصده ايه الواحد بقى بيشك فى كل كلمة تتقال

بعتذرلك مرة اخرى وارجوك انك تقبل اعتذارى ( بس انا ماوجهتلكش اى اساءة مباشرة يعنى )

وادينى اخدت نفس اهو وبالنسبالى انا ما اجيش جانبك فتلة فى قميصك يا فندم ( والله العظيم الواحد بس خايف على البلد والشباب والاسلام والحالة النفسية ليهم

**zyadahmed** · 31-03-2011 12:58 AM

المشاركة الأصلية كتبت بواسطة tom_gr

اولا اعتذر لك جدا جدا جدا جدا جدا جدا لو كنت جرحتك او وجهتلك اى اساءة سواء بقصد او بدون قصد

اقسم بالله العظيم لم اقصد اوجهة اليك اى اساءة لشخصك عندما وجهت لك اسئلتى

بس حضرتك عارف الناس الى الشباب الصغير الى طالع اليومين دول اغلبهم فى الضياع ومش فاهمين اى حاجة ومنقادين ورا ناس ماعندهمش ضمير وليهم مصالح فى خراب شباب البلد

لاحظ اغلب الشباب هدفهم الاول الهروب من التجنيد

ثانيا اعذرنى انما مشاركتك ممكن يتفهم منها انها مش سخرية

ثالثا اعتذرلك مرة اخرى بس بصراحة الواحد موجوع ومقروف من حال البلد اليومين دول مابقاش فيه حاجة واضحة وماحدش عارف الكلام بيكون قصده ايه الواحد بقى بيشك فى كل كلمة تتقال

بعتذرلك مرة اخرى وارجوك انك تقبل اعتذارى ( بس انا ماوجهتلكش اى اساءة مباشرة يعنى )

وادينى اخدت نفس اهو وبالنسبالى انا ما اجيش جانبك فتلة فى قميصك يا فندم ( والله العظيم الواحد بس خايف على البلد والشباب والاسلام والحالة النفسية ليهم

حصل خير يا افندم وانا اللى اسف على انفعالى
اللى كان مزعلنى اننا نفس وجهة النظر وبرضوا بتهاجمنى وبتتهمنى فى دينى وايمانى وتعليمى وعقلى هههههههههه
وعلى فكرة انا مقاتل قديم فى الجيش المصرى ومدفعجى قدير حاصل على شهادات تقدير و اى نعم عديت سن الاحتياطى لكن اول متطوع ان شاء الله لو نادى الوطن
حصل خير وتقبل تحياتى

**ghazy12** · 31-03-2011 01:12 AM

المشاركة الأصلية كتبت بواسطة eng_ahmed_90

هيجي في يوم ريس جديد يقف في وش الصهاينه و الامريكان , و يجلب وابل الحرب علي دماغنا , هنقول ساعتها الله يرحم ايامك يا مبارك , كان مجنبنا الحرب فعلا , علي فكره الحرب دي هتبقي حرب عالميه نوويه ثالثه , و ربنا يجيب العواقب سليمه

اي مسلم و كل مسلم يؤمن بأن الحرب ضد الصهاينه و انصارهم هي قدرنا في يوم ما يعلمه الله وحده...

يعني سواء الرئيس اللي جاي او غيره عايز يحارب أو لأ, و سواء مبارك كان عايز يحارب أو لأ بردو
مش بمزاجهم و لا بإرادتهم لو ربنا أذن و اراد اننا نحارب و جه اليوم ده بأمر الله...

يعني الخلاصه سيبها على الله و انت مؤمن ان ده مصير حتمي على كل مسلم و هيجي وقته
لكن لما ربنا يأذن... ساعتها اكيد هتعرف ان دي اجمل نعمه ربنا هيرزقنا بيها ان شاء الله...

**tito_1980** · 31-03-2011 02:32 AM

يا جماعه خيار المواجهات المسلحه شبه مستحيل و خصوصا الفتره دي لان الاقتصاد العالمي في النازل و اي دوله هتخش حرب هتبقي جنت علي بلدها و شعبها

**aminibrahim** · 31-03-2011 02:37 AM

ارحمونا مش لما نشم نفسنا نبقي نتكلم في حروب ولما نكون كلنا بنصلي الفجر في الجامع

زي اول ماجيت اتعلم سواقه السواق قالي ها علمك تركن ازاي قلت له مش لما اسوق

**الصيداح** · 31-03-2011 02:40 AM

وايه اللي خلاك مقتنع إن إحنا يوم ما نلغي المعاهدة يوم ما هنخش في حرب
الوضع يفضل لا حرب ولا سلم علشان أيدي إلإسرائيل لا تعبث في المنطقة أكثر من ذلك يبقى على الأقل عاملة حسابها إن يوم ما هتزودها مصر مش جانب حامي لها بل ستأخذ على يدها

**KarimAbulEla** · 31-03-2011 02:49 AM

واضح ان النقاش حياخد اتجاه اخر غير ما يريده الكاتب - بس انا سوف اقول اعرض وجهة نظرى فى الموضوع

انا غير مؤيد لاى عمل عسكرى تجاه اسرائيل او الغاء اى اتفاقيات فى الوقت الحالى و هذا بسبب ان كثير من هذه الاتفاقيات تمت بعدما علموا جيدا ان الجانب المصرى غير سهل و هذا كلفنا الكثير لنصل لمرحلة السلام المطبقة حاليا

لكن انا فى نفس الوقت سوف اكون فخور جدا جدا لو كنت على راس اول كتيبة عسكرية تدخل ارض اليهود ان كان هذا ما كتبه الله علينا مستقبلا و اظن ان هذا راى الكثير من ابناء السبعينات مثلى