إلى كل المتحمسين .. المتغنيين بالحرب مع إسرائيل ..

**m_car** · 31-03-2011 03:11 AM

المشاركة الأصلية كتبت بواسطة hussein

اى مرشح هيهدد بفسخ كامب ديفيد او حتى هيقول هنعمل عليها استفتاء شعبى ( اظن البرادعى قال كده ) يبقى بيحكم على نفسه بالفشل

هههههههههههه لا البرادعى مقلش كده متخفش هو مش غبى علشان يقول كده

اللى قال كده هشام بسطاويسى قال انا هلغى الغاز لاسرائيل وهعمل واخلى

لازم اى حاكم جاى لمصر يعرف انه عمره ما هيتخلى عن اسرائيل الا بعد ما يكون قوى اقتصاديا وعسكريا وكل شئ وده مش هيحصل من اول سنة ولا اتنين

**megamoudy** · 31-03-2011 03:29 AM

المشاركة الأصلية كتبت بواسطة ghazy12

اي مسلم و كل مسلم يؤمن بأن الحرب ضد الصهاينه و انصارهم هي قدرنا في يوم ما يعلمه الله وحده...

يعني سواء الرئيس اللي جاي او غيره عايز يحارب أو لأ, و سواء مبارك كان عايز يحارب أو لأ بردو
مش بمزاجهم و لا بإرادتهم لو ربنا أذن و اراد اننا نحارب و جه اليوم ده بأمر الله...

يعني الخلاصه سيبها على الله و انت مؤمن ان ده مصير حتمي على كل مسلم و هيجي وقته
لكن لما ربنا يأذن... ساعتها اكيد هتعرف ان دي اجمل نعمه ربنا هيرزقنا بيها ان شاء الله...

كلام صح مليون ف المية كده كده هييجي اليوم اللي هتحصل فيه الحرب

**adelseliem** · 31-03-2011 10:47 AM

المشاركة الأصلية كتبت بواسطة megamoudy

كلام صح مليون ف المية كده كده هييجي اليوم اللي هتحصل فيه الحرب

الحسنه الوحيده لمبارك هى أنه جنبنا الحرب 30 سنه
الحرب مش سهله
أحنا حاربنا ورجعنا أرضنا ورويناها بدم طاهر

يبقى نفتح سكة حرب دلوقت ليه

الرسول الكريم صلى الله عليه وسلم عمل كده
عمل عهد مع اليهود فى المدينه وعاش معاهم ولما نقضوا العهد فى غزوة الخندق حاربهم

أتغاقيه السلام بتمنع حرب بين مصر وأسرائيل
وبتنص صراحه أن اللى يلغى المعاهده يتم محاربته , مش محتاجه تكون أمريكا حليفه لأسرائيل , ده نص صريح فى المعاهده

الناس اللى بتقول فيه شروط مجحفه فى المعاهده , يقولوا أيه هى الأول ونناقشها

لكن مبدأ أنها مش كويسه وبس ده مش منطقى

وكلام أن مفروض ميكونش فيه معاهده أصلا كلام مش منطقى , ليه ميكونش فيه معاهده تضمن أنك تعيش وتبنى بلدك

واللى عمل المعاهده الله يرحمه هو اللى كل العالم أعترف أنه ضحك عليهم

موضوع تحرير فلسطين أنا معاه طبعا بس لما هما يحرروا نفسهم الأول من خلافاتهم مع بعض

أخيرا

قوتك مش بنقض المعاهده

قوتك بدأت تظهر من كلام وزير الخارجيه الجديد , وشوفوا كلام الفلسطينيين النهارده على مصر

أول مره مصر تحذر أسرائيل , مش تطالبها بضبط النفس

بالبلدى كده
أسرائيل أترعبت من ثوره 25 يناير , من طاقة الشباب اللى كانت فاكره أنها قتلتها
أسرائيل جالها أحتباس فى البول لما وزير الخارجيه الجديد مسك ( راجعوا سيرته )
أسرائيل لبست بامبرز بعد تحذير وزير الخارجيه ليهم

**azmeralda** · 31-03-2011 10:58 AM

انا هوافق على الحرب مع اسرائيل فى حالة واحدة ان كذا دولة عربية يتحدوا فيها ومتكونش مصر وولادها كبش الفدا كالعادة وكله بيتفرج واتعود ان ده واجبها انها تدخل فى حرب مع عدة دول مساندة اسرائيل لوحدها شبابها يموتوا وتتدمر اقتصاديا ونفسيا وده واجبها هى الشقيقة الكبرى ولو جنبت نفسها ويلات الحرب عشان تعمر شوية وترحم ناسها اللى ذاقوا ويلات دمار الحروب سنين طويلة تبقى خاينة
حاجة تخنق

**الطنطاوي** · 31-03-2011 11:53 AM

بغض النظر عن أن القتال فيه شر ولا يحبه أحد حتى أن الصحابة لم يحبوا القتال ولكن هذه الحرب بالذات ستحدث حتمًا لا شك في ذلك

نسأل الله أن يجعلنا من المجاهدين في سبيله يومئذ

أما عن الخسارة

فالخسارة ليست في الحرب فقط وانظر الى اليابان كم خسرت في لحظة واحدة

فلا يعني أنك لم تدخل حرب أنك ضمنت عدم الخسارة

وتأمل قول الله تعالى (أَلَمْ تَرَ إِلَى الَّذِينَ خَرَجُوا مِنْ دِيَارِهِمْ وَهُمْ أُلُوفٌ حَذَرَ الْمَوْتِ فَقَالَ لَهُمُ اللَّهُ مُوتُوا ثُمَّ أَحْيَاهُمْ إِنَّ اللَّهَ لَذُو فَضْلٍ عَلَى النَّاسِ وَلَكِنَّ أَكْثَرَ النَّاسِ لَا يَشْكُرُونَ(243)وَقَاتِلُوا فِي سَبِيلِ اللَّهِ وَاعْلَمُوا أَنَّ اللَّهَ سَمِيعٌ عَلِيمٌ(244)مَنْ ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً وَاللَّهُ يَقْبِضُ وَيَبْسُطُ وَإِلَيْهِ تُرْجَعُونَ)

**Imhotep** · 31-03-2011 12:18 PM

للاسف كلماتك تعبر عن محاولة لإعمال العقل فى زمن العبث و اللامعقول

**MEDO84EG** · 31-03-2011 02:51 PM

ربنا يحفظ مصر
و ايه يا عم التكاليف اللي توجع القلب دي
المهم خلينا في المفيد
لو كله عاوز حرب اكيد
خلاص يلا بينا
نعمل جمعيه و الجيش يقبضها الاول
ههههههههههه
خلاص يا جدعان كفايه ضرب بهزر