إلى كل المتحمسين .. المتغنيين بالحرب مع إسرائيل ..

**otefa** · 30-03-2011 11:48 PM

((أنا ملاحظ إن الصفحات عمالة تزيد على الفيسبوك ..

و المرشح الفلانى عايز يلغى كامب ديفيد ..))
كل ألي أقدر أقوله ده لعب عيال
رجالة يبقى أتبعوا رأي الدين والعلوم العسكرية مش نقتح سدرنا ونقول أنا شجيع السيما وناخد على .....ولا مؤاخذة
وشكرا على الموضوع المميز
الأرقام دي ثقة ياترى؟

قوله تعالى :

)يَا أَيُّهَا الَّذِينَ آمَنُوا خُذُوا حِذْرَكُمْ فَانْفِرُوا ثُبَاتٍ أَوِ انْفِرُوا جَمِيعاً)

وقوله تعالى :

)وَأَعِدُّوا لَهُمْ مَا اسْتَطَعْتُمْ مِنْ قُوَّةٍ وَمِنْ رِبَاطِ الْخَيْلِ تُرْهِبُونَ بِهِ عَدُوَّ اللَّهِ ..)

**cheetos_892005** · 30-03-2011 11:49 PM

المشاركة الأصلية كتبت بواسطة sayed911

طيب والأوضاع العربية المحيطة هل ها تبقى مشجعة اقصد انه تتوقع ها يبقوا عناصر متفرجة ام سلبية ام ايجابية ومن مين تتوقع موقف كدى ؟

والله المواقف الاخيره بنت مدى حب ((الشعوب)) لبعض

و الله اعلم كان ايه الغرض من تكريهنا في بعض عن طريق الماتشات و الاخبار المغلوطه و غيرها .....من القاده يعني

يا راجل ده كان البلطجيه مبهدلين الدنيا و الضرب في ليبيا على ودنه

عملوا عربيات نقل تنقل مساعدات اغزيه و معدات طبيه من قدام مسجد رابعه

انا قلت مش هنملى عربيه و احده .....العربيات مكفتش

و كان في دكاتره عايزه تسافر و تخش ليبيا بس الجيش رفض

**zyadahmed** · 30-03-2011 11:49 PM

اتفاقية كامب ديفيد تطبق من جانب واحد هو الجانب المصرى وتحترم من جانب واحد هو الجانب المصرى
ومعظم بنودها فى صالح اسرائيل وفيها بنود سرية وبنود مجمدة وبنود كان ليها ظروفها التى انتهت

لابد من مراجعة الاتفاقية وليس الغائها
لابد من العدالة والندية ولا ليس بالضرورة الحرب
ليه الاحساس بالدونية اللى احنا فيه ده
لقد اعزنا الله فلما نحط من قدرنا

يجب مراجعة المعاهدة الموقعة سنة 1979 لاننا بساطة الآن فى 2011 وكم تغيرت الظروف

رجاء لمن يدافع عن المعاهدة افرأ عنها شوية وهاتحس بنفس احساسى بالظلم
مرة تانية باقول المراجعة لا تعنى الالغاء وده حقنا
ولنا فى دول حوض النيل الاسوة عندما ثاروا على وضع ومعاهدة شافوا انها بتظلمهم وقلبوا الطاولة على مصر والسودان
لسنا اقل كرامة من كينيا واوغندا وبوروندى ......

**otefa** · 31-03-2011 12:00 AM

((لابد من مراجعة الاتفاقية وليس الغائها))
+1

**besso** · 31-03-2011 12:15 AM

دلوقتى كل دوله بتدور عل مصلحتها وخصوصا النظم الفاسده اللى همها تعيش وخلاص
ميهمهاش وحده عربيه
نفسى زمن صلاح الدين يرجع

**zaza_lanos** · 31-03-2011 12:17 AM

على فكرة يا سيف مايش حد بيفهم ممكن يلاغى حاجة زى كده
الفرق امكانية التفاوض فى الحاجات اللى احنا لابسين فيها
وحق البلد فى كل ما يستنزف ويسرق من هؤلاء الكلاب من مصادر وثروات على ايد شلة الحرمية

**tom_gr** · 31-03-2011 12:22 AM

المشاركة الأصلية كتبت بواسطة zyadahmed

احيك على كلامك المشجع الذى يدفع للامام ويدعو للعزة والفخار والازدهار

ولا عزاء للشهداء فى كل الحروب العربية الاسرائيلية فى 48 / 56 / 67 / 73 / 82 / 2006 / 2008
ايها الشهداء لقد متم هباء وكان الاجدر بكم الانحناء مساكين لو كنتم انحنيتم لكنتم نجيتم

دفعت حيتكم مقابل لا شئ عبثا حاربتم المستحيل امجانين انتم كى تحاربوا امريكا واسرائيل ؟؟؟

كلامك زعلنى جدا واستفزنى بصراحة

وعاوز ارد عليه جامد انما بكل اسف مش هاينفع

انت كام سنة يا صديقى ؟ وتعليمك ايه ؟ ومش هاقول ديانتك انما هاقول ايمانك ايه ؟

وهو يا صديقى فيه مسلمين كسبوا حرب نتيجه انهم الاقوى والاحسن والاغنى والمسيطر عالميا ؟

ماسمعتش ربنا بيقلنا فى القران الكريم ( مامعناه ) لو نصرنا الله بطاعته حق الطاعة لنصرنا - احنا مارمناش انما الله رمى - اننا نعد للعدوم ما نستطيع من قوة فقط وليس كل القوة او نكون اقوى منه - ان ربنا قالنا وعد ان الاسلام والمسلمين منصورين غصب عن عين اى حد - ان رسولنا الكريم قالنا ان الجندى المصرى خير جنود الارض وماقلش العربى او المسلم او السعودى او الغربى او اى جنسيه تانيه - ما اخدش عبره ودرس فى حرب اكتوبر وكان الوضع اسوء من دلوقتى بكتير ومع ذلك ازهلنا العالم كله بالتخطيط والدقة والسرعه والمفاجاة

انا طبعا عارف ومقتنع ومتاكد اننا لو سعينا لاى حرب احنا الخاسرين لو كنا احنا الهاجمين

وموضوع دخول القدس والفتح ده مش خاص بمصر انما خاص بالعرب والاسلام كله يعنى ما تقلقش مش هانكون لوحدنا هانكون كتير اوى وحكمة ربنا غالبة

صديقى العزيز واصدقائى الاعزاء

افخروا بمصريتكم وعروبتكم واسلامك وثقوا فى الله وتدبيره وحكمته واجنحوا للسلم اولا ولكن وقت القتال لازم نكون اسود ( نصر او شهادة ) مافيش كلمة اسمها هزيمة فيه كلمة انا كده كده فى يوم من الايام هاموت يبقى اموت بطريق اضمن بيه الجنة احسن

كفانا الله شر القتال واذا كتب القتال يجعلنا من المنصورين

**tito_1980** · 31-03-2011 12:23 AM

هيجي في يوم ريس جديد يقف في وش الصهاينه و الامريكان , و يجلب وابل الحرب علي دماغنا , هنقول ساعتها الله يرحم ايامك يا مبارك , كان مجنبنا الحرب فعلا , علي فكره الحرب دي هتبقي حرب عالميه نوويه ثالثه , و ربنا يجيب العواقب سليمه

**zyadahmed** · 31-03-2011 12:31 AM

المشاركة الأصلية كتبت بواسطة tom_gr

كلامك زعلنى جدا واستفزنى بصراحة

وعاوز ارد عليه جامد انما بكل اسف مش هاينفع

انت كام سنة يا صديقى ؟ وتعليمك ايه ؟ ومش هاقول ديانتك انما هاقول ايمانك ايه ؟

وهو يا صديقى فيه مسلمين كسبوا حرب نتيجه انهم الاقوى والاحسن والاغنى والمسيطر عالميا ؟

ماسمعتش ربنا بيقلنا فى القران الكريم ( مامعناه ) لو نصرنا الله بطاعته حق الطاعة لنصرنا - احنا مارمناش انما الله رمى - اننا نعد للعدوم ما نستطيع من قوة فقط وليس كل القوة او نكون اقوى منه - ان ربنا قالنا وعد ان الاسلام والمسلمين منصورين غصب عن عين اى حد - ان رسولنا الكريم قالنا ان الجندى المصرى خير جنود الارض وماقلش العربى او المسلم او السعودى او الغربى او اى جنسيه تانيه - ما اخدش عبره ودرس فى حرب اكتوبر وكان الوضع اسوء من دلوقتى بكتير ومع ذلك ازهلنا العالم كله بالتخطيط والدقة والسرعه والمفاجاة

انا طبعا عارف ومقتنع ومتاكد اننا لو سعينا لاى حرب احنا الخاسرين لو كنا احنا الهاجمين

وموضوع دخول القدس والفتح ده مش خاص بمصر انما خاص بالعرب والاسلام كله يعنى ما تقلقش مش هانكون لوحدنا هانكون كتير اوى وحكمة ربنا غالبة

صديقى العزيز واصدقائى الاعزاء

افخروا بمصريتكم وعروبتكم واسلامك وثقوا فى الله وتدبيره وحكمته واجنحوا للسلم اولا ولكن وقت القتال لازم نكون اسود ( نصر او شهادة ) مافيش كلمة اسمها هزيمة فيه كلمة انا كده كده فى يوم من الايام هاموت يبقى اموت بطريق اضمن بيه الجنة احسن

كفانا الله شر القتال واذا كتب القتال يجعلنا من المنصورين

اهدى وخد نفسك لانك فهمت عكس كلامى خالص انا قصدت عكس اللى فهمته وكلامى واضح انه سخرية
انا مؤيد وجهة نظرك
وجه كلامك لصاحب الموضوع اللى انا مش موافق على رأيه وكتبت اللى كتبته بسخرية من الموقف الاصلى

ونصيحة لك اقرا الكلام كويس

وردا على اسألتك انا دارس تاريخ وعمرى اكيد اكبر منك بكتير وعشت بره مصر كتير وقريت كتب عن الصراع العربى الاسرائيلى كتير اكتر مما تتخيل
واسمى يدل على ديانتى اللى هى مش موضوعنا اصلا
اسمحى انت اسلوبك غريب جدا ياريت تراجع نفسك وتتكلم كويس مع الاخرين اللى تعليمهم جايز يكون افضل منك 100 مرة

**م/مصطفى محمود** · 31-03-2011 12:34 AM

عمرو موسى والبرادعي قالوا أنهم مش هيلغوا الإتفاقية ، لكن قالوا أنهم هيراجعوا أتفاقية الغاز ، والأتنين (كل واحد بأسلوبة) عبر عن رفضة للإتفاقية لكن فى نفس الوقت عبر عن أنه مينفعشي تتلغي دلوقتي

انا شايف إنها لازم تتراجع وليس تلغى ، على أن تلغى فى أقرب فرصة نستعد فيها

وبخصوص أمريكا ، فأمريكا غير قادرة على خوض حرب أخرى قوية ، خصوصا مع تانمي دور الصين ورغبة الروس فى العودة للساحة ومشاكسات كوريا وإيران ، ومشاكلهم فى العراق

فدخولهم حرب كبرى مع مصر معناها أنهم هيخسروا (ممكن ميخسروش الحرب لكن أكيد هيخسروا حاجات كتير منها ريادتهم وتفوقهم )

الموضوع بس عايز سياسي مُحترم يقدر يتعامل ويكون تحالفات وروابط بشكل كويس وبخبرة

الموضوع: إلى كل المتحمسين .. المتغنيين بالحرب مع إسرائيل ..

LinkBack

أدوات الموضوع

عرض

-

-

-

-

-

المواضيع المتشابهه

مرحبا بمزيد من افوضى وأهلا بالحرب الأهلية

يا ترى إسرائيل ناويه على ايه!!؟

يلة سقوط إسرائيل

استفتاء اوروبى خاص بالحرب على غزه ارجو من الجميع المشاركه

الكلمات الدلالية لهذا الموضوع

المفضلات

المفضلات

ضوابط المشاركة