لانسر شارك 2009 ولا تيدا 2009
من حيث الاداء واسعار قطع الغيار
عرض للطباعة
لانسر شارك 2009 ولا تيدا 2009
من حيث الاداء واسعار قطع الغيار
اداء من حيث الثبات... لانسر شارك افضل
من حيث قوة الموتور... نيسان تيدا افضل
من حيث اسعار قطع الغيار... التيدا اقل (كمان السينسورز اقل و دي ميزه)
بشكل عام و حسب متطلباتك... التيدا عربيه عمليه و سعرها معقول
ربنا يوفقك للخير... تحيــاتي
ثبات وقوة موتور و شياكة (اذواق) يبقى الشارك
عفشة طرية مريحة اوي و سهولة في الصيانة وقطع الغيار يبقى التيدا
للامانة انا ماركبتش تيدا قبل كده لكن في اعتقادي ان الشارك حاجة اعلى و افخم
و ربنا يوفقك للي فيه الخير
يا استاذ غازي
انا عايز اشتري تيدا بس كشكل ما بتعجبنيش,,,و عايز عربيه سيدان عاديه
فبقارن بين مازدا 3 اول فئه و اللانسر شارك فول اسبورت 2009 اللي عليها تصفيه
بس مخنوق إن المازدا كفقر امكانيات (يعني فييها اساسيات بس 2 ايرباج و ايه بي اس)
بس ولا جنوط و لا فتحة سقف ولا حساسات مطر و نور ولا سمارت كي و لا عتب و لا كساحات
بس مش مهم كل ده
هل الشارك كعربيه و كشاسيه و كهاندلينج افضل و الا المازدا؟
و برضه كتوافر قطع غيار هل الشارك قطع غياره موجوده
__________________________________
علي فكره انا شايف إن التيدا ممتازه رحت شفتها عند سمير ريان بس كانت هاتش باك فول اوبشن ب132 الف
و كمان الأعضاء بيشكرا فيها جداً هنا
انا زيك بالظبط, مش بحب شكل التيدا, بس عملياً بعيداً عن الشكل, هي عربيه ممتازه بجد...
انا عارف ان شكل العربيه بيفرق طبعاً, و مهم تكون انت متقبله و شيك... انا معاك في ده
بس فكر في باقي المميزات, يمكن تعرف تتقبل الشكل...
بالنسبه للمازدا و الشارك... الاثنين ممتازين طبعاً, بس رأي ان الشارك و خصوصاً السبورت
افضل كهاندلينج, و كعربيه عموماً, بس السينسورز فيها كتيير و بالتالي احتمالية حدوث اعطال
نسبتها اكبر من المازدا, و قطع غيار الشارك اغلى شويه (اعتقد) من المازدا...
التيدا الاوتو بلس, اللي انت سألت عليها و تعتبر الهاي لاين دي فعلاً ممتازه, و لو هقارنها بالشارك
بشكل عام كعربيه الشارك هتبقى افضل في حاجات, و التيدا افضل في حاجات, و على حسب استخدامك...
انت عايز ايه من العربيه؟؟ اجابة السؤال ده هي اللي هتحدد شــارك ولا تيــدا...
بلاش المازدا علشان أول فئه و مش هتحس بالعربيه و لا هتستمتع بيها...
انا لو مكانك, بصراحه... هجيب التيدا اوتو بلس هاتش باك لون سيلفر :))
استخير ربنا كده, و شوف انت عايز ايه من العربيه, و ان شاء الله ربنا يهديك للخير,
و بردو انا موجود لو محتاج اي حاجه او في اي سؤال يا باشا...
تحيـــاتي
أزيك يا دكتور Amir...:post:
أنا رأيى الشارك أفضل من التيدا.. حتى لو موتورها أقل سيكا..؟!!
- الشكل: التيدا خزعبلية.. الشارك أجمد (ولو أن دى Personal Taste)..!
- الثبات والهاندلينج: الشارك تتفوق عشان الشاسيه أفضل والتعليق الخلفى Multi-Link مقابل عفشة Torsion-beam (مع Setup اسيوى :36_1_1[1]:) وكمان الشاسيه بتاعها inferior: بتاع الميكرا والكليو واللوجان.. ودى عربيات من فئة أصغر..؟؟!!! وده واضح فـ أبعاد العربية الغير متناسقة..؟!! :dribble:
اسمحلى أرد عـ الجزئية اللى أعرفها...
العربيتين قريبين جدا لبعض فـ الثبات والهاندلينج.. وهقولك ليه؟؟! :
- الشارك مبنية على platform بتاع الـOutLander.. ودى عربية SUV و عفشة خلفية Multi-Link...!
- المازدا3 مبنية على شاسيه الـFocus.. والعفشة الخلفية Control-Blade ودى من أجمد الـMulti-Link Setup.. بتاع الفورد..!
المقارنة صعبة فـ الثبات والهاندلينج للعربيتين دول (الشارك, المازدا3)...!! :rfds:
حاول تشوف upper-hand لواحدة عـ التانية فـ حاجة تانى.. (التوكيل, قطع الغيار.... كده).. لكن مش الجزئية اللى هما تقريبا زى بعض فيها..؟؟!!! :alien42:
الف شكر لردك,,,بس خلاص المازدا 3 طلعت من المقارنه عشان اول فئه و مفيش اي وجه للاستمتاع فيها
اما التيدا الهاتش باك,,,هي جميله وعجباني بس انا محتاج شنطه,,,اينعم هي شنطة الشارك مش كبيره ,,,بس موجوده :)
التيدا سيدان,,,شكلها بصراحه مش عارف اتقبله خالص
انا عارف يا جماعه ان موضوع الشكل ده فرعي و فاهم كده كويس,,,,,بس انا مش مقنع اركب عربيه انا مش قابل شكلها
+1111اقتباس:
انا عارف ان شكل العربيه بيفرق طبعاً, و مهم تكون انت متقبله و شيك... انا معاك في ده
اقتباس:
بالنسبه للمازدا و الشارك... الاثنين ممتازين طبعاً, بس رأي ان الشارك و خصوصاً السبورت
افضل كهاندلينج, و كعربيه عموماً, بس السينسورز فيها كتيير و بالتالي احتمالية حدوث اعطال
نسبتها اكبر من المازدا, و قطع غيار الشارك اغلى شويه (اعتقد) من المازدا...
التيدا الاوتو بلس, اللي انت سألت عليها و تعتبر الهاي لاين دي فعلاً ممتازه, و لو هقارنها بالشارك
بشكل عام كعربيه الشارك هتبقى افضل في حاجات, و التيدا افضل في حاجات, و على حسب استخدامك..
كلام سليم
انا عايز عربيه سيدان اوبشنز كتير و ثبات و فرامل كويسيناقتباس:
انت عايز ايه من العربيه؟؟ اجابة السؤال ده هي اللي هتحدد شــارك ولا تيــدا...
بالنسبه للموتور فمايفرقش معايا عشان الواحد جري و شبع جري و بطلت جري من زمان
اقتباس:
بلاش المازدا علشان أول فئه و مش هتحس بالعربيه و لا هتستمتع بيها...
انا لو مكانك, بصراحه... هجيب التيدا اوتو بلس هاتش باك لون سيلفر :))
يا ريت بس قلت رأيي
لو كان شكلها حلو شويه كنت جبتها علي طول
اقتباس:
استخير ربنا كده, و شوف انت عايز ايه من العربيه, و ان شاء الله ربنا يهديك للخير,
و بردو انا موجود لو محتاج اي حاجه او في اي سؤال يا باشا...
الف شكر يا باشمهندس غازي بجد
تحيـــاتي[/quote]
الف شكر لكل من تفضل بالرأي ....في انتظار اراء ملاك السيارتين في قطع الغيار
هل فعلا الشارك قطع غيارها اغلى من التيدا؟؟طيب ممكن رقم تليفون حد من بتوع قطع غيار اصليه للشارك خارج التوكيل؟؟
انتوا لخبطوني يا رجاله, هو محمد اللي عايز العربيه ولا د. امير.؟؟؟ :))
عموماً... حسب احتياجاتك يا محمد باشا, الشارك طبعاً تتفوق في اللي انت محتاجه...
العربيه بعيداً عن الموتور (علشان انا مش مقتنع بيه مع انه مايفك) بس
غير كده, ثبات, امان, شياكه من بره و جوه (اذواق), هاندلينج محترم
بس يعيبها ان السينسورز فيها كتيييير فعلاً و ده بيزود نسبة حدوث أعطال
و قطع غيارها تعتبر غاليه نسبياً مقارنة بالعربيات اللي قارنتهم بيها...
من مميزات الشارك كمان في رأي نظام التعليق المتميز و خصوصاً في السبورت
خلفي مالتي لينك + ستابيلايزر بـار... ممتاااااااااز و مش في أي فئه تانيه للشارك
يعني الفئات الأقل بيكونوا مالتي لينك بس, بدون ستابيلايزر بار, و دي ميزة السبورت
التيدا ميزتها انها عمليه جداا, قطع غيار سعرها معقول, توكيل محترم
سعرها مش عالي, و مش متخزنه او مركونه بقالها سنتين و داخله في التالته
و دي تحديداً مشكلة اللانسر الشارك موديل 2009 اللي بيصفوا عليهم,
عربيه مركونه بقالها كتييير و ده اكتر شئ ممكن يبهدل العربيه و يعمل مشاكل
و خصوصاً انك مش عارف هما كانوا مخزنينها فين ولا ازاي؟؟؟؟؟؟
لو ضامن 100% العربيه و حالتها بعد الركنه سنتين... يبقى شــارك
ده رأي بشكل عام يا باشا, و ربنا يوفقك للخير... تحيـــاتي
التيدا اقتصادية اكتر بس الشارك السبورت عربية بجد فاجره اوبشن وحركات وقطع غيارها اكيد رخيصة مهما كانت دى لانسر يعنى عربية الشعب هيا اغلى من التيدا بس تعتبر رخيصة وعربية شيك وحلو جدا ولو الابيض عليها تحفة بجد
الف شكر لكل ردودكم
و متأسف يا د.أمير إني تطفلت علي موضوعك
بس انا فضلت اتكلم هنا عن اني اعمل موضوع جديد بنفس المحتوي
تقبل تحياتي و اسفي جداً
ياباشا نورت الموضوع
انا هقولك علي حاجة انا معايا بوما سوبر اكشن وكان معايا من شهرين شارك سبورت وبعتها وجبت سكودا a5 هاي لاين طبعا في ناس مش هيعجبها كلامي بس بامانة يحاسبني عليها ربنا انت لما تركب الشارك السبورت الكاملة هتحبها من اول مرة هتركبها فيها وهتلاقي فيها راحة نفسية رهيبة عربية ليها طعم فالسواقة مش هتلاقيه في اي عربية في فئتها كفاية شكلها الوهمي من بره ومن جوه شياكة وجمال واوبشنز للصبح زي الزينون الستاندرد ملوش حل وسي دي 6 اسطوانات ام بي ثري وبصمة والحساسات المطر والنور وثبات وهاندلينج وموتور تجميعه رهيب بعد ال 100 واستهلاكها فالبنزين اقل من البوما والاوكتافيا وواسعة جدا صالونها ما شاء الله كبير اوي وعفشتها اللي مش هتلاقي في اي عربية برده مهما حملت مش هتحك في مطب من شوارعنا الجميلة السكودا معايا مبهدلاني في المطبات لما بتحمل
اللي منرفزني اوي ان العربية دي ازاي منجحتش في مصر وسعر اعادة البيع بتاعها فالضياع ومفيش منها موديل 2010 ازاي؟؟؟؟
وعشان تتاكد من كلامي جرب سوق دي وسوق دي وانا متاكد انك هتستريح في الشارك ومش هتتردد في شرائها واستخير ربنا فالاول والاخر وربنا يوفقك
الف شكر لذوق حضرتك يا خالد باشا...ممكن رقم تليفون حد من بتوع قطع غيار اصليه للشارك خارج التوكيل؟؟
منير ش فيصل 0100599500
ابو زيد ش فيصل 0233827626 - 0233839815
على فكره قطع غيار التيدا هى الارخص فى اليابانى كله بس المقارنه متنفعش بين التيدا و الشارك
التيدا عائليه متوسطه اقتصاديه
الشارك رياضيه + تكنولوجيه متطوره
انا هنقل لحضرتك تجريتي الشخصية وهسيب الحكم ليك
انا ركبت التيدا فترة طويلة العربية دي بجد معمولة باتقان كبيرة حاسس ان نيسان مصنعاها باتقان وده يبان معاك لو قارنت سعرها مع الألتيما هنا في السعودية هتلاقي الفرق 6 الف فقط رغم ان التيدا اكبر وليها شعبية اكتر مشكلة التيدا في الشكل فقط انما هي عريية محترمة واعطالها قليلة وناعمة.
اما بالنسبة للمازدا 3 انا معايا الشكل الجديد من السنة اللي فاتت مش عايز اتكلم عنها كتير لان محدش يعرف العربية دي غير اللي ركبها ببساطة عنيك لو وقعت على اي حتة فيها هتلاقيها جميلة عربية ركوبة صح من غير اي تنازلات.
بالنسبة للشارك انا ماسوقتهاش بس ركبت في مشواير كتير مع ناس صحابي هي قريبة من المازدا 3 في بعض التفاصيل لكن كثبات وقوة ماتور المازدا تكسب
التيدا طبعا مش عشان احسن من الشارك
و لكن ميستوبيشي حاليا بلا توكيل تقريبا
و الشارك اصلا فشلت في مصر
فسعر اعاده بيعها في الضياع
و كمان قطع غيارها مش هتبقي متوافره اوي
شكرا لكل من رد علي.... بعد السؤال على اسعار قطع غيار الشارك المقارنه الان بين التيدا 2009 وبين اوبل فكترا 2003 2000 سي سي ايكوتك .
ارجو الافاده
تيدا يا باشا
الفانوس الامامي الواحد =4000 جنيه خارج التوكيل و6000 جنيه بالتوكيل
تيل الفرامل =400 جنيه
الاكصدام =1850 جنيه
دي اسعار الجديد من واحد في المعادي... بس مش عارف الاستيراد بكام ....ياريت لو اصحاب العربيه يقولولنا هل في اماكن اخري للسؤال عن قطع غيارها الاصليه بسعر اقل شويه ...ولا الاسعار دي هي العاديه بتاعتها.
الف شكر يا دكتور و في انتظار باقي الاعضاء و افادتهم
طيب يا دكتور هو مين قال ان قطع غيار التيدا ارخص من كده بكتيييير. اعتقد ان تيل التبدا سعره 425 و اتأكد برده
شااارك
لا أعرف لماذا لم أحب الشارك نهائيا؟ عموما أنا أحب التيدا رغم أني ركبتها مرة واحدة فقط! أعلم أن مرة واحدة لا تكفي لحكم دقيق لكني فعلا أحترم هذه السيارة الصغيرة الكبيرة!